Man Dies After DJ Noise: ବଜାରରେ ବାଜିଲା ଡିଜେ, ଟଳିପଡ଼ିଲେ ଯୁବକ

ପୁଣି ଜୀବନ ନେଲା ଡିଜେର ବିକଟାଳ ଶବ୍ଦ। କଟକ ଜିଲ୍ଲ ତିଗିରିଆ ଥାନା ନୂଆପାଟଣା ଗାଁରେ ଘଟିଛି ଏଭଳି ଅଘଟଣ। ଗାଁର ଲକ୍ଷ୍ମିଧର ଚନ୍ଦ ଗତ ୧୬ ତାରିଖରେ ବାଜାରରେ ଯିବା ସମୟରେ ଏକ ବରଯାତ୍ରୀ ଯାଉଥିଲା। ଏହି ସମୟରେ ଡିଜେର ବିକଟାଳ ଶବ୍ଦ ଶୁଣି ହଠାତ ଅସୁସ୍ଥ ହୋଇ ପଡିଥିଲେ ଲକ୍ଷ୍ମିଧର।

ସଙ୍ଗେ ସଙ୍ଗେ ନିକଟସ୍ଥ ତିଗିରିଆ ମେଡିକାଲରେ ଭର୍ତ୍ତି କରାଯାଇଥିଲା। କିନ୍ତୁ ପରେ ଚିକିତ୍ସାଧୀନ ଅବସ୍ଥାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ତେବେ ବିନା ପରିମିଶନରେ ବିବାହ ଶୋଭାଯାତ୍ରାରେ ବାଜୁଥିଲା ଡିଜେ। ଫଳରେ ଜଣଙ୍କ ଜୀବନ ଚାଲିଯାଇଥିବା ଅଭିଯୋଗ ହୋଇଥିଲା।

ଏହି ଘଟଣାରେ ଡିଜେ ଗାଡିର ଅପରେଟରକୁ ଗିରଫ କରାଯାଇଥିବା ବେଳେ ମାଲିକ ସମେତ ବର ଘର ଲୋକଙ୍କୁ ଖୁବ ଶୀଘ୍ର ଗିରଫ କରାଯିବ ବୋଲି ଆଠଗଡ ଉପଖଣ୍ଡ ଆରକ୍ଷୀ ଅଧିକ୍ଷକ କହିଛନ୍ତି।