ସରିଲା ରଥଯାତ୍ରା, ନୀଳକନ୍ଦରକୁ ବାହୁଡ଼ିଲେ ନୀଳାଦ୍ରିବିହାରୀ

ପୁରୀ: ବଡ଼ଦାଣ୍ଡ ଓ ଜନ୍ମବେଦୀରେ ଲୀଳାଖେଳା ସାରି ନୀଳକନ୍ଦରକୁ ବାହୁଡିଛନ୍ତି ନୀଳାଦ୍ରିବିହାରୀ। ଘୋଷଯାତ୍ରାର ଅନ୍ତିମ ପର୍ବରେ ପ୍ରଥମେ ବିଜେ-କାହାଳି ବାଜିବା ପରେ ଚକ୍ରରାଜ ସୁଦର୍ଶନଙ୍କୁ ଗୋଟି ପହଣ୍ଡିରେ ଶ୍ରୀମନ୍ଦିରକୁ ନିଆଯାଇଥିଲା। ପରେ ମା’ ସୁଭଦ୍ରା ଓ ବଡ଼ଠାକୁର ବଳଭଦ୍ରଙ୍କୁ ରତ୍ନସିଂହାସନକୁ ବିଜେ କରାଯିବାପରେ ଆରମ୍ଭ ହୋଇଥିଲା କାଳିଆଠାକୁରଙ୍କ ପହଣ୍ଡି। ପରମ୍ପରା ଅନୁଯାୟୀ, ସିଂହଦ୍ୱାର ନିକଟରେ ବଚନିକା ପରେ ମା ଲକ୍ଷ୍ମୀଙ୍କୁ ରସଗୋଲା ଖୁଆଇ ମାନଭଞ୍ଜନ କରିଥିଲେ ମହାପ୍ରଭୁ ଜଗନ୍ନାଥ।