ଚକୋଲେଟ୍‌ରେ ଭଗବାନ ଗରୁଡ଼ଙ୍କ ପ୍ରତିମୂର୍ତ୍ତି

ଭୁବନେଶ୍ୱର : ଚକୋଲେଟ୍‌ରେ ଭଗବାନ ଗରୁଡ଼ଙ୍କ ପ୍ରତିମୂର୍ତ୍ତି। ଗରୁଡ଼ ପୁରାଣର ପୌରାଣିକ କଥାବସ୍ତୁକୁ ନେଇ ଚକୋଲେଟରେ ଏହି ପ୍ରତିମୂର୍ତ୍ତି ପ୍ରସ୍ତୁତ ହୋଇଛି । ଭୁବନେଶ୍ୱରରେ ହୋଟେଲ ମ୍ୟାନେଜମେଣ୍ଟର ସେଫ୍ ରାକେଶ ଏବଂ ତାଙ୍କ ଟିମ୍‌ ଏହି ଗରୁଡ଼ ମୂର୍ତ୍ତି ପ୍ରସ୍ତୁତି କରିଥିଲେ ।

ଗରୁଡ ଅମୃତ ଆଣିବାକୁ ଯିବା ସମୟରେ ଶେଷନାଗ ତାଙ୍କୁ କିଭଳି ପ୍ରତିହତ କରିଥିଲା ତାହା ଏହି ମୂର୍ତ୍ତି ଜରିଆରେ ଦର୍ଶାଇଛନ୍ତି ସେଫ। ପୌରାଣିକ କଥାବସ୍ତୁ ଉପରେ ଯୁବପିଢ଼ିଙ୍କ ଆଗ୍ରହ ସୃଷ୍ଟି ଉଦ୍ଦେଶ୍ୟରେ ଏଭଳି ପ୍ରତିମୂର୍ତ୍ତ କରିଥିବା ସେ କହିଛନ୍ତି । ଏହି ପ୍ରତିମୂର୍ତ୍ତି ପ୍ରସ୍ତୁତ କରିବାକୁ ସେଫ୍ ରାକେଶ ଏବଂ ତାଙ୍କ ଟିମକୁ ୭ ଦିନ ସମୟ ଲାଗିଛି।  ଦେଶରେ ପ୍ରଥମ ଥର ପାଇଁ ପୌରାଣିକ କଥାବସ୍ତୁକୁ ନେଇ ଏହି ମୂର୍ତ୍ତି ପ୍ରସ୍ତୁତ ହୋଇଥିବା ଦାବି କରିଛନ୍ତି ସେଫ୍ ରାକେଶ ।