ରାଜ୍ୟରେ ଆଉ ଦୁଇ ତିନି ଦିନ ଭିତରେ ବଢ଼ିବ ଶୀତ

ଭୁବନେଶ୍ୱର : ଆସନ୍ତା ଦୁଇ, ତିନି ଦିନ ଭିତରେ ରାଜ୍ୟରେ ଶୀତ ବଢ଼ିବ। ଆସନ୍ତା ୨୦ ତାରିଖ ସୁଦ୍ଧା ରାଜ୍ୟରେ ୨ରୁ ୪ ଡିଗ୍ରୀ ତାପମାତ୍ରା କମିବ ବୋଲି ଆକଳନ କରିଛି ଆଞ୍ଚଳିକ ପାଣିପାଗ ବିଭାଗ।

ଏ ସମ୍ପର୍କରେ ଆଞ୍ଚଳିକ ପାଣିପାଗ କେନ୍ଦ୍ରର ଡ୍ୟୁଟି ଅଫିସର ଚରଣ ବେହେରା କହିଛନ୍ତି,“ ଦୁଇ, ତିନ ଭିତରେ ରାଜ୍ୟରେ ବେଶି ଶୀତ ଅନୁଭୂତ ହେବ। ଉତ୍ତରା ପବନ ବହିବା ଯୋଗୁ ରାଜ୍ୟରେ ଶୀତ ବଢିବ। ଏବେ ରାଜ୍ୟରେ ସ୍ୱାଭାବିକ ଠାରୁ ୨ ଡିଗ୍ରୀ ତାପମାତ୍ରା ଅଧିକ ରହିଛି। ”

ଉତ୍ତର ଓ ଦକ୍ଷିଣ ଓଡ଼ିଶାରେ ଆଜି ଘନ କୁହୁଡ଼ି ଦେଖିବାକୁ ମିଳିଥିଲା। ଏଥିସହ ଝାରସୁଗୁଡ଼ାରେ ବର୍ଷା ମଧ୍ୟ ହୋଇଥିଲା ବୋଲି ଶ୍ରୀ ବେହେରା କହିଛନ୍ତି।