Final Warning from DGP: ହିଂସା ଛାଡ଼ି ଆତ୍ମସମର୍ପଣ କର, ନଚେତ୍ ପରିଣାମ ଭୋଗିବ: ଡିଜିପି

ହିଂସା ଛାଡ଼ି ଆତ୍ମସମର୍ପଣ କର, ନଚେତ୍ ପରିଣାମ ଭୋଗିବ। ମାଓବାଦୀଙ୍କୁ ଏଭଳି କଡ଼ା ଚେତାବନୀ ଶୁଣାଇଛନ୍ତି ପୋଲିସ ଡିଜି ୱାଇ.ବି. ଖୁରାନିଆ। ଡିଜିପି କହିଛନ୍ତି, ନକ୍ସଲ ବନ୍ଧୁକ ନଛାଡ଼ିଲେ ଯେସାକୁ ତେସା ନୀତି ଆପଣାଇବ ଓଡ଼ିଶା ପୋଲିସ ।

କନ୍ଧମାଳ ଦାରିଙ୍ଗବାଡ଼ିରେ ମାଓନେତା ଶୁକ୍ରୁ ଲୁଚିଥିବା ସନ୍ଦେହରେ ଜୋରଦାର ଅପରେସନ ଚାଲିଛି । କେନ୍ଦ୍ର ସରକାରଙ୍କ ଦ୍ବାରା ଆରମ୍ଭ ହୋଇଥିବା ମାଓ ଦମନ ଅଭିଯାନର ସମୟସୀମା ଆସନ୍ତା ମାର୍ଚ୍ଚକୁ ଧାର୍ଯ୍ୟ କରାଯାଇଛି । ଡେଡଲାଇନକୁ ଦୃଷ୍ଟିରେ ରଖି ମାଓ ଅପରେସନକୁ ଆହୁରି ଜୋରଦାର କରାଯାଇଛି ।

ସରକାରଙ୍କ ପକ୍ଷରୁ ଯେଉଁ ପୁନର୍ବାସ ଯୋଜନା କରାଯାଇଛି ତାର ଫାଇଦା ନେବାକୁ ଅପିଲ କରିଛନ୍ତି ପୋଲିସ ଡିଜି। ଏହା ସହ ହତିଆର ନେଇ ଆତ୍ମସମର୍ପଣ କଲେ ମିଳିବ ସରକାରୀ ସହାୟତା । କିନ୍ତୁ ହିଂସା ପଥ ଆପଣାଇଲେ ପରିସ୍ଥିତି ଭୟଙ୍କର ହେବ ବୋଲି ଚେତାବନୀ ଦେଇଛନ୍ତି ଡିଜିପି । 

ମାଓବାଦୀଙ୍କୁ ଡିଜିପିଙ୍କ ଚେତାବନୀ

`SOG ଯବାନଙ୍କ ଅପରେସନର ଭୟଙ୍କର ପରିଣାମ ଭୋଗିବ'
'କନ୍ଧମାଳ ଦାରିଙ୍ଗବାଡ଼ିରେ ଜୋରଦାର ଅପରେସନ ଚାଲିଛି'
'ମାଓନେତା ଶୁକ୍ରୁ ଲୁଚିଥିବା ସନ୍ଦେହରେ ଜୋରଦାର ଅପରେସନ ଚାଲିଛି'
ଡେଡ୍ ଲାଇନ୍ ପୂର୍ବରୁ ଓଡ଼ିଶା ମାଓମୁକ୍ତ ହେବ- ଡିଜିପି