ବିଦ୍ୟୁତ୍‌ ଖୁଣ୍ଟରୁ ବାହାରିଲା ନିଆଁ

ଜୟପୁର : ବିଦ୍ୟୁତ୍‌ ଖୁଣ୍ଟରୁ ବାହାରିଲା ନିଆଁ, ଅଳ୍ପକେ ବର୍ତ୍ତିଲେ ସାଧାରଣ ଲୋକ। ଆଜି ଜୟପୁର ସହରରେ ଥିବା ଏକ ବିଦ୍ୟୁତ୍‌ ଖୁଣ୍ଟରେ ହଠାତ୍ ନିଆଁ ବାହାରିଲା।

ଜୋରରେ ନିଆଁ ଜଳିବାରେ ଲାଗିଥିଲା । ପ୍ରାୟ ଅଧ ଘଣ୍ଟା ଧରି ଏଭଳି ନିଆଁ ବାହାରିବାରୁ ସେହି ରାସ୍ତାରେ ଯିବାଆସିବା କରୁଥିବା ଲୋକ ଭୟଭୀତ ହୋଇପଡିଥିଲେ।

ଏହା ଦେଖି ଆଖପାଖରେ ରହୁଥିବା ଲୋକେ ମଧ୍ୟ ଆତଙ୍କିତ ହୋଇପଡିଥିଲେ । ବିଦ୍ୟୁତ୍‌ ଖୁଣ୍ଟଟି ଥିବା ସ୍ଥାନ ଜନଗହଳିପୂର୍ଣ୍ଣ ହୋଇଥିବାରୁ ଏପରି ନିଆଁ ଲାଗିବା ଦୃଶ୍ୟ ଛାତି ଥରେଇ ଦେଇଥିଲା। ଜୋରରେ ବିସ୍ଫୋରଣ ହୋଇଥିଲା। ଫଳରେ ସାଧାରଣ ଲୋକେ ଅଳ୍ପକେ ବର୍ତ୍ତି ଯାଇଥିଲେ।