ସମୁଦ୍ର କୂଳରୁ ବିରଳ ଡଲ୍‌ଫିନ୍‌ର ମୃତଦେହ ଉଦ୍ଧାର

ପାରାଦୀପ: ପାରାଦୀପ ହନୁମାନ ମନ୍ଦିର ନିକଟ ସମୁଦ୍ର କୂଳରୁ ଏକ ମୃତ ଡଲଫିନ ଉଦ୍ଧାର ହୋଇଛି । ମୃତ ଡଲଫିନର ଓଜନ ୩୦ କିଲୋଗ୍ରାମ ହୋଇଥିବା ବେଳେ ଲମ୍ବ ସାଢେ ୪ଫୁଟ ରହିଛି । ପେଟ ଧଳା ଥିବା ଏହି ସମ୍ପୂର୍ଣ୍ଣ କଳା ରଂଗର ଡଲଫିନ୍ ବିରଳ ସ୍ପିନର ପ୍ରଜାତିର ବୋଲି ବନ ବିଭାଗ ଅନୁମାନ କରୁଛି ।

ଅନପଟେ ଡଲଫିନ୍ ଦେହରେ କୌଣସି କ୍ଷତଚିହ୍ନ ନଥିବାରୁ ମୃତ୍ୟୁର କାରଣ ସମ୍ପର୍କରେ ପୋଷ୍ଟମର୍ଟମ ପରେ ସ୍ପଷ୍ଟ ହେବ ବୋଲି ବନ ଅଧିକାରୀ ସୂଚନା ଦେଇଛନ୍ତି । ସ୍ପିନର ପ୍ରଜାତିର ଡଲଫିନ୍ ସାଧାରଣତଃ ପ୍ରଶାନ୍ତ ମହାସାସର, ଭାରତ ମହାସାଗର ଓ ଆଟଲାଣ୍ଟିକ ମହାସାଗରରେ ଦେଖାଯଆନ୍ତି । ପାଣିରୁ ପ୍ରାୟ ୧୦ ଫୁଟ ଉପରକୁ ଘୁରି ଘୁରି ସ୍ପିନର ଡଲଫିନ୍ ଲମ୍ଫ ମାରିଥାଏ ।