ମୋବାଇଲ୍‌ କିଣାରେ ଦୁର୍ନୀତି!

ଭୁବନେଶ୍ୱର: ମାସ୍କ, ପିପିଇ ପରେ ମୋବାଇଲ କିଣାରେ ଦୁର୍ନୀତି ଅଭିଯୋଗ । କେନ୍ଦ୍ର ପ୍ରଦାନ କରିଥିବା ସ୍ପେସିଫିକେସନକୁ ବଦଳାଇ ରାଜ୍ୟ ସରକାର ମୋବାଇଲ କିଣିଥିବା କଂଗ୍ରେସ ଅଭିଯୋଗ କରିଛି । ଆଶା କର୍ମୀଙ୍କ ପାଇଁ  ୫ ଦଶମିକ ୫ ଇଞ୍ଚ ସ୍କ୍ରିନ, ୧୬ ଜିବି ମେମୋରୀ ଓ ୬.୦ ଆଣ୍ଡ୍ରୋଏଡ ମୋବାଇଲ କିଣିବାକୁ କେନ୍ଦ୍ର ସ୍ପେସିଫିକେନ ଧାର୍ଯ୍ୟ କରିଥିଲା ।

ତେବେ ରାଜ୍ୟ ସରକାର ନିର୍ଦ୍ଦିଷ୍ଟ ସ୍ପେସିଫିକେସନର ମୋବାଇଲ କିଣି ନଥିବା କଂଗ୍ରେସ ଅଭିଯୋଗ କରିଛି । ଏକ ନିର୍ଦ୍ଦିଷ୍ଟ କଂପାନିରୁ ମୋବାଇଲ କିଣିବାକୁ କେନ୍ଦ୍ର ଧାର୍ଯ୍ୟ କରିଥିବା ନିୟମକୁ ପାଳନ କରାଗଲା ନାହିଁ । ଗୁରୁଗ୍ରାମର ଏକ କଂପାନିକୁ ମୋବାଇଲ ପାଇଁ  ଅର୍ଡର ଦିଆଯାଇଥିଲା।  ବଜାର ମୂଲ୍ୟ ୮ ହଜାର ୯୯୯ ଥିବା ମୋବାଇଲକୁ ୧୦ ହଜାର ୯୫୦ ଟଙ୍କାରେ କିଣାଯାଇଥିବା କଂଗ୍ରେସ ଅଭିଯୋଗ କରିଛି । କଂଗ୍ରେସର ଅଭିଯୋଗ ଉପରେ ପ୍ରତିକ୍ରିୟା ରଖିଛି ବିଜେଡି ।

ଅନ୍ୟପକ୍ଷରେ ବିଜେଡି ନେତା ଅମର ଶତପଥୀ କଂଗ୍ରେସର ଅଭିଯୋଗକୁ ନେଇ ପ୍ରତିକ୍ରିୟା ଦେଇ କହିଛନ୍ତି ଯେ ଏହା ସମ୍ପୂର୍ଣ୍ଣ ଭିତ୍ତିହୀନ। ଏକଥାର କୌଣସି ସତ୍ୟତା ନାହିଁ।