ରାଜଧାନୀରେ ଜଳିଗଲା ବସ୍

ଭୁବନେଶ୍ୱର : ରାଜଧାନୀରେ ଜଳିଗଲା ବସ୍ । ଭୁବନେଶ୍ୱର ସହିଦ ନଗରରେ ରଖାଯାଇଥିବା ଏକ ବସ୍‌ରେ ଆଜି ହଠାତ୍ ନିଆଁ ଲାଗିଯାଇଥିଲା । ଦେଖୁ ଦେଖୁ ବସ୍‌ଟି ହୁତ୍ ହୁତ୍ ହୋଇ ଜଳିଯାଇଥିଲା । ଭୁବନେଶ୍ୱର ଅଗ୍ନିଶମ ବାହିନୀ ଆସି ନିଆଁକୁ ଲିଭାଇଥିଲେ।

ତେବେ ନିଆଁ କିଭଳି ଲାଗିଲା ତାହା ସ୍ପଷ୍ଟ ହୋଇପାରିନାହିଁ । ସେପଟେ ବାହନ ୱେବସାଇଟରୁ ମିଳିଥିବା ସୂଚନା ଅନୁସାରେ କର୍ଣ୍ଣାଟକ ନମ୍ବରର ଏହି ବସ୍‌ଟି  ବାଙ୍ଗାଲୋର ସେଣ୍ଟ୍ରାଲ RTOରେ ରେଜିଷ୍ଟ୍ରେସନ୍ ହୋଇଥିଲା। ଆଉ ଏହାକୁ କର୍ଣ୍ଣାଟକର ବିଭିନ୍ନ ଆରଟିଓ ଅନେକ କାରଣ ଯୋଗୁଁ କଳା ତାଲିକାଭୁକ୍ତ କରିଥିଲେ । ବସ୍‌ଟି ଗତ ୩ ବର୍ଷ ହେଲା ଏଠାରେ ରଖାଯାଇଥିବା ସୂଚନା ମିଳିଛି । ବସଟି କିଭଳି କିଏ ଆଣି ରଖିଥିଲା ତାହା ସ୍ପଷ୍ଟ ହୋଇନାହିଁ।