'ପରିବାର ଲୋକଙ୍କୁ ଫେରାଇ ଆଣ, ନହେଲେ ଆତ୍ମହତ୍ୟା କରିବୁ'

ନୟାଗଡ଼: ଆମ ପରିବାର ସଦସ୍ୟଙ୍କୁ  ଫେରାଇ ଆଣ, ନ ହେଲେ ସାମୁହିକ  ଆତ୍ମହତ୍ୟା କରିବୁ । ନୟାଗଡ଼ ଜିଲ୍ଲା ପ୍ରଶାସନକୁ ଏଭଳି ଚରମ ପତ୍ର ଲେଖିଛନ୍ତି  ରଣପୁର ବ୍ଲକ ଦାମୋଦରପୁର ଗାଁର ୧୮ଟି ପରିବାର।

ଲକ୍‌ଡାଉନ ଯୋଗୁଁ କେରଳରେ ଦେଢ଼ ମାସ ହେବ ଫସି ରହିଛନ୍ତି ଦାମୋଦରପୁର ଗାଁର ୧୮ ଜଣ ଶ୍ରମିକ । ଏବେ ସେମାନଙ୍କ ପାଖରେ ନା କାମ ଧନ୍ଦା ଅଛି ନା ଟଙ୍କା । ଏମିତି କି ଶ୍ରମିକମାନେ ଖାଇବାକୁ ପାଉନଥିବା ଅଭିଯୋଗ କରିଛନ୍ତି।

ଓଡ଼ିଶା ଫେରିବାକୁ  କେରଳର ସ୍ଥାନୀୟ ଜିଲ୍ଲା ପ୍ରଶାସନକୁ ଜଣାଇଥିଲେ ପ୍ରବାସୀ ଶ୍ରମିକ। ହେଲେ ସେଠାକାର ପ୍ରଶାସନ କୌଣସି ସହାୟତା କରୁନଥିବା ଶ୍ରମିକମାନେ କହିଛନ୍ତି। ଏ ନେଇ ଶ୍ରମିକମାନଙ୍କ ପରିବାର ସଦସ୍ୟ ନୟାଗଡ଼ ଜିଲ୍ଲାପାଳଙ୍କୁ ନିବେଦନ କରିଛନ୍ତି। ସହାୟତା ନ କଲେ ସାମୁହିକ ଆତ୍ମହତ୍ୟା କରିବୁ ବୋଲି  ୧୮ଟି ପରିବାର ସଦସ୍ୟ ପତ୍ର ଲେଖିଛନ୍ତି ।  ତେବେ ଏନେଇ ଜିଲ୍ଲା ପ୍ରଶାସନ କୌଣସି ପ୍ରତିକ୍ରିୟା ଦେବାକୁ ମନା କରିଛି ।