ପ୍ରେମିକାର ତଣ୍ଟି କାଟିଦେଲା ପ୍ରେମିକ !

ବଲାଙ୍ଗିର  :  ପ୍ରେମିକାର ତଣ୍ଟି କାଟିଦେଲା ପ୍ରେମିକ ।  ମନ୍ଦିରରେ ବିବାହ କରିବାକୁ ଡାକି ଜଙ୍ଗଲକୁ ନେଇ ଛୁରୀରେ ତଣ୍ଟି କାଟି ଦେଇଥିବା ଅଭିଯୋଗ ହୋଇଛି । ଏଭଳି ଅଭାବନୀୟ ଘଟଣା ଘଟିଛି ବଲାଙ୍ଗିର ଜିଲ୍ଲା ତୁଷୁରା ଥାନା ଅଞ୍ଚଳରେ।

ଗୁରୁତର ଅବସ୍ଥାରେ ଯୁବତୀଙ୍କୁ ପ୍ରଥମେ ଭୀମ ଭୋଇ ମେଡିକାଲ ଓ ପରେ ! ଅବସ୍ଥା ଗୁରୁତର ହେବାରୁ ବୁର୍ଲା ମେଡିକାଲ କଲେଜ ଓ ହସ୍ପିଟାଲକୁ  ସ୍ଥାନାନ୍ତର କରାଯାଇଛି। ଗତ ଦେଢ ବର୍ଷ ତଳେ ଯୁବତୀଙ୍କୁ ଘରୁ ନେଇ ଫେରାର ହୋଇଯାଇଥିଲା ସ୍ଥାନୀୟ ତେନ୍ତୁଲିଖୁଣ୍ଟି ଗାଁର ଛବିଲ ଭୋଇ । ଉଭୟ ତାମିଲନାଡୁରେ ଦାଦନ ଶ୍ରମିକ ଭାବେ କାମ କରୁଥିଲେ । ଗାଁରେ ବିବାହ କରିବାକୁ କହି ଗତ ୧ ତାରିଖରେ ନିଜ ଗାଁ ତେନ୍ତୁଲିଖୁଣ୍ଟିକୁ ପ୍ରେମିକାକୁ ଆଣିଥିଲା ଛବିଲ ।

ଗତକାଲି ସନ୍ଧ୍ୟାରେ ମନ୍ଦିରରେ ବିବାହ କରିବାକୁ ଡାକି ନେଇ ସିକେରପାଟ ଜଙ୍ଗଲକୁ ନେଇ ଛୁରୀରେ ତଣ୍ଟି କାଟି ଦେଇଥିଲା । ପ୍ରେମିକାର ମୃତ୍ୟୁ ହୋଇଥିବା ଭାବି ପ୍ରେମିକ ଛବିଲ ଜଂଗଲରୁ ଫେରାର ହୋଇଯାଇଥିଲା । ଗୁରୁତର ଅବସ୍ଥାରେ ଯୁବତୀ ଜଣଙ୍କ ନିକଟ ଧନପୁର ଗାଁକୁ ଯାଇ ଲୋକଙ୍କୁ ସମସ୍ତ କଥା କହିଥିଲେ । ପୁଲିସକୁ ଖବର ପରେ ଗୁରୁତର ଅବସ୍ଥାରେ ଯୁବତୀଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରାଯାଇଛି।  ଏହି ମାମଲାରେ ଅଧିକ ତଦନ୍ତ କରୁଛି ପୁଲିସ।