Snehangini Chhuria: ମୁଁ ବାହାରିଆ ନୁହେଁ କହିଲେ ସ୍ନେହାଙ୍ଗିନୀ ଛୁରିଆ, ଜୟ ଢୋଲକିଆଙ୍କୁ କଲେ ଟାର୍ଗେଟ

ମୁଁ ବାହାରିଆ ନୁହେଁ। ଜିତିବା ହାରିବା ଅଲଗା କଥା କିନ୍ତୁ ଲଢ଼ିବି ବୋଲି କହିଛନ୍ତି ନୂଆପଡ଼ା ଉପନିର୍ବାଚନ ବିଜେଡି ପ୍ରାର୍ଥିନୀ ସ୍ନେହାଙ୍ଗିନୀ ଛୁରିଆ। ସେ କହିଛନ୍ତି ମୁଁ ପ୍ରାର୍ଥୀ ବାଛିବା କମିଟିରେ ଥିଲି, କିନ୍ତୁ ସହମତିରେ ମତେ ପ୍ରାର୍ଥୀ କଲେ। ନୂଆପଡ଼ା ବାସୀଙ୍କ ସମର୍ଥନ ଅଛି, ମୋ ସମ୍ପ୍ରଦାୟ ମୋ ସହିତ ଅଛି। 

‘ଜୟ ଢୋଲକିଆ ବାପାଙ୍କ ସ୍ୱାଭିମାନକୁ ଜଳାଞ୍ଜଳି ଦେଇ ମୁଣ୍ଡ ବିକ୍ରି କଲେ ବୋଲି କହି ସେ କଡା ସମାଲୋଚନା କରିଛନ୍ତି। ଜୟ ଢୋଲକିଆଙ୍କୁ ଅନୁକମ୍ପା ମିଳିବନି ବୋଲି କହିଛନ୍ତି। ଲମ୍ବୋଦର ନିଆଲ ଦଳ ଛାଡ଼ିବା କୌଣସି ପ୍ରଭାବ ପକାଇବ ନାହିଁ ବୋଲି ସ୍ନେହାଙ୍ଗିନୀ କହିଛନ୍ତି। ... 

ସେପଟେ ନୂଆପଡ଼ା ରାଜନୀତିରେ ବିଜେଡିକୁ ପୁଣି ଏକ ଝଟକା। ଆଜି ସକାଳୁ ବିଜେଡି ନେତା ଲମ୍ବୋଦର ନିଆଲ ବିଜେପିରେ ମିଶିବା ନେଇ ଯେଉଁ ଚର୍ଚ୍ଚା ହେଉଥିଲା, ତାହା ସତ ପ୍ରମାଣିତ ହୋଇଛି। ବିଧିବଦ୍ଧ ଭାବେ ବିଜେପିରେ ସାମିଲ ହୋଇଛନ୍ତି ନୂଆପଡାର ବରିଷ୍ଠ ନେତା ଲମ୍ବୋଧର ନିଆଲ। ରାଜ୍ୟ ସଭାପତି ମନମୋହନ ସାମଲ ଓ ଖଣି ମନ୍ତ୍ରୀ ବିଭୂତି ଭୂଷଣ ଜେନାଙ୍କ ଉପସ୍ଥିତିରେ ପଦ୍ନ ଧରିଛନ୍ତି ଲମ୍ବୋଧର। 

ଆଜି ସକାଳେ ଲମ୍ବୋଧର ନୁଆପଡା ଉପନିର୍ବାଚନରେ ବିଜେପି ପ୍ରାର୍ଥୀ ଜୟ ଢୋଲକିଆଙ୍କ ଘରକୁ ଯାଇଥିଲେ। ପରେ ଜୟ ଢୋଲକିଆ ଓ ଲମ୍ବୋଦର ନିଆଲଙ୍କ ମଧ୍ୟରେ ରୁଦ୍ଧଦ୍ୱାର ବୈଠକ ହୋଇଥିଲା ଯାହା ପରେ ସେ ବିଜେପିରେ ଯୋଗ ଦେବା ନେଇ ଜୋର ଚର୍ଚ୍ଚା ହେଉଥିଲା। ଏଥି ସହିତ ବିଜେଡିର ପ୍ରାଥମିକ ସଦସ୍ୟ ପଦରୁ ଇସ୍ତଫା ଦେଇଥିଲେ। ଏନେଇ ବିଜେଡି ସଭାପତିଙ୍କୁ ଚିଠି ଲେଖି ଜଣାଇଥିଲେ।

ଲମ୍ବୋଧର ୨୦୨୪ ନିର୍ବାଚନରେ କଳାହାଣ୍ଡି ଲୋକସଭା ଆସନରୁ ବିଜେଡି ଟିକେଟ୍ ରେ ଲଢ଼ିଥିଲେ। ନୂଆପଡା ରାଜନୀତିରେ ଜଣେ ଚର୍ଚ୍ଚିତ ଚେହେରା ।