ଶୌଚ ପାଇଁ ଯାଇ ଭାଲୁ ଆକ୍ରମଣର ଶିକାର ହେଲେ

ନୂଆପଡ଼ା (ମାୟାଧର ସରାଫ୍): ନୂଆପଡ଼ା ଜିଲ୍ଲା ବୋଡେନ ବ୍ଲକର ବିଭିନ୍ନ ଗାଁରେ ଆଜି ଭାଲୁ ଆକ୍ରମଣରେ ତିନି ଜଣ ଗୁରୁତର ଆହତ ହୋଇଛନ୍ତି। ସେମାନଙ୍କୁ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଛି। ଆହତମାନେ ହେଲେ କ୍ଷୀରୋଦ ନାଏକ, ଜାମଗାଁର ଫୁଲମତୀ ନାଗ ଓ ରୋକାଲ ଗାଁର କରୁଣା ମାଝୀ। ଆଜି ସକାଳେ ପୋଖରୀକୁ ଶୌଚ ପାଇଁ ଯାଇ ଥିବା ବେଳେ ତିନି ଜଣ ଭାଲୁ ହାବଡ଼ରେ ପଡ଼ିଯାଇଥିଲେ। ସେମାନଙ୍କୁ ଭାଲୁ ଆକ୍ରମଣ କରିଥିଲା।