Baby Elephant Cries: ଜନ୍ମ ଦେଇ ବିଲକୁ ଫିଙ୍ଗିଦେଲା , ପାଟି ଖୋଲୁନଥିଲେ ବି ନିଜ ମା’କୁ ଭାରି ଖୋଜିଥିଲା

ମା’ ମୋ ଭୁଲ୍ କଣ ? ମୁଁ କ’ଣ ଦୋଷ କରିଛି  । ଦୁନିଆର ଆଲୋକ ଦେଖାଇ କାହିଁକି ପର କରିଦେଲୁ। ମୁଁ ଏବେ  ଏକା ହୋଇଯାଇଛି । ବନ ବିଭାଗର ଏହି ଯନ୍ତା ମୋତେ ଭଲ ଲାଗୁନି । ଏଠି ଥିବା ଲୋକମାନେ ମୋର ଖୁବ୍ ଯତ୍ନ ନେଉଛନ୍ତି, କିନ୍ତୁ  କ’ଣ ହେବ ମୁଁ ତୋ ସହ ଖୋଲା ଆକାଶ ତଳେରହିବାକୁ ଚାହେଁ । ତୋ ସହ ଜଙ୍ଗଲରେ ଚରି ବୁଲିବାକୁ ମୋର ଇଚ୍ଛା ।  ଏ ମଣିଷମାନେ  ଛୁଇଁଦେଲେ ବୋଲି  ମୋତେ ନେଉନୁ ନା ମା’ । ମୋର ଉପରେ ଅଭିମାନ କରିଛୁନା ମା’ ।  ମା’ଠୁଅଲଗାହେବାପରେପାଟିଫିଟାଇପାରୁନଥିବାଏ ନବଜାତ ହାତୀଛୁଆଟାମନରେଏମିତିକିଛିଚାଲୁଥିବ। 

 ଗତ ଶନିବାର ଦିନ ୨୨ ଟିକିଆ ହାତୀପଲ ଅନୁଗୁଳ ଜିଲ୍ଲାର ଶ୍ୟାମସୁନ୍ଦରପୁର ଗାଁରେ ଥିବା ଏକ ଧାନ କିଆରିରେ ଧାନଖାଇଥିଲେ।ସେହିସମୟରେ ମା’  ହାତୀ  ଏକ ଛୁଆଟିକୁ ଜନ୍ମ ଦେଇ ଛାଡ଼ି ପଳାଇଯାଇଥିଲା। । ରାତି ସାରା ଧାନବିଲ କାଦୁଅରେ ଛଟପଟ ହେଉଥିଲା ହାତୀ ଛୁଆ । ପାଟି ଖୋଲୁନଥିଲେ ବି ନିଜ ମା’କୁ ଭାରି ଖୋଜିଥିଲା ।  ଏହି ସମୟରେ ବନ ବିଭାଗ ପାଖରେ ଖବର ପହଞ୍ଚିଥିଲା ।  କିଛି ସମୟ ଭିତରେ ବନ ବିଭାଗ ଟିମ୍ ଘଟଣା ସ୍ଥଳରେ ପହଞ୍ଚି ହାତୀ ଛୁଆଟିକୁ ଉଦ୍ଧାର କରିଛି। 

ପ୍ରଥମେହାତୀଛୁଆଟିକୁ କୁଲାସିଂହା ନର୍ସରୀରେ ରଖାଯାଇ ଚିକିତ୍ସା କରାଯାଇଥିଲା । ଛୁଆଟି ସୁସ୍ଥ ହେବା ପରେ ତାକୁ ହାତୀ ପଲରେ ଛାଡ଼ିବାକୁ ଅନେକ ଚେଷ୍ଟା କରିଥିଲା ବନ ବିଭାଗ ।  ଏଥିପାଇଁ ରାତିସାରା ଅଧିକାରୀମାନଙ୍କୁ ଅନିଦ୍ରା ହେବାକୁ ପଡ଼ିଥିଲା । ରାତିରେ ଜଙ୍ଗଲରୁ ହାତୀ ପଲ ସହ ମା’ ହାତୀ ଧାନ ଖାଇବାକୁ ଆସିଥିଲେ ବି ଛୁଆ ହାତୀଟିକୁ ନନେଇ  ଚାଲିଯାଇଥିଲେ । ପରେ ବନ ବିଭାଗ ହାତୀ ଛୁଆକୁ ନେଇ ଫେରିଆସିଥିଲା। ବନ ବିଭାଗ ଛୁଆ ହାତୀର ଯତ୍ନ ନେବା ସହିତ ଆଉଥରେ ତାର ମାଆ ପାଖକୁ ପଠାଇବାକୁ ଉଦ୍ୟମ କରିବ ବୋଲି ସୂଚନା ମିଳିଛି ।