ଏଡ୍‌ସ ଆକ୍ରାନ୍ତ ମହିଳାଙ୍କୁ ଅବହେଳା ; ୪୦ ଘଣ୍ଟା ପଡ଼ି ରହିବା ପରେ ଚିକିତ୍ସା

ବାରିପଦା : ପ୍ରାୟ ୪୦ ଘଣ୍ଟା ପଡ଼ି ରହିବା ପରେ ଏଚ୍ଆଇଭି ଆକ୍ରାନ୍ତ ଗର୍ଭବତୀଙ୍କ ଚିକିତ୍ସା ହେଲା । ଏହି ଅଭାବନୀୟ ଘଟଣା ଘଟିଛି ବାରିପଦା ପଣ୍ଡିତ ରଘୁନାଥ ମୁର୍ମୁ ମେଡିକାଲ କଲେଜ ଓ ହସ୍ପିଟାଲରେ। ମେଡିକାଲରେ ଅସହାୟ ଭାବେ ୪୦ ଘଣ୍ଟାରୁ ଅଧିକ ସମୟ ପଡ଼ି ରହିବା ପରେ ତାଙ୍କର ଚିକିତ୍ସା ହୋଇଛି । କିନ୍ତୁ ସେତେବେଳକୁ ଅଧିକ ଡେରି ହୋଇ ଯାଇଥିଲା । ମହିଳା ଏକ ଶିଶୁକୁ ଜନ୍ମ ଦେଇଥିଲେ ମଧ୍ୟ ତାର ମୃତ୍ୟୁ ହୋଇଛି ।

ପରିବାର ଲୋକେ ଅଭିଯୋଗ କରିଛନ୍ତି, ଡେରି କରି ଅବହେଳା କରିବାରୁ ମହିଳାଙ୍କ ମୃତ୍ୟୁ ହୋଇଛି ।

ସୂଚନା ମୁତାବକ ,ମହିଳା ଜଣକ ଜାମଦା ବ୍ଲକ ଅଞ୍ଚଳର । ଗତକାଲିଠୁ ସେ ମେଡିକାଲରେ ଭର୍ତ୍ତି ହୋଇଥିଲେ ମଧ୍ୟ ଏଚ୍ଆଇଭି ଆକ୍ରାନ୍ତ ହୋଇଥିବାରୁ ଡାକ୍ତର ତାଙ୍କର ଚିକିତ୍ସା କରିନଥିବା ଅଭିଯୋଗ ହୋଇଥିଲା ।