Weather Update: ଫିକା ପଡିପାରେ ରଜ ମଉଜ, ଝଡ଼ବର୍ଷା ପାଇଁ ବିଭିନ୍ନ ଜିଲ୍ଲାକୁ ଚେତାବନୀ

ରଜକୁ ଫିକା ପକାଇପାରେ ବର୍ଷା । ରାଜ୍ୟରେ ଝଡ଼ବର୍ଷା ନେଇ ଚେତାବନୀ ଜାରି କରିଛି ପାଣିପାଗ ବିଭାଗ । ଆଜି ପାଇଁ କିଛି ଜିଲ୍ଲାକୁ ଘଡ଼ ଘଡ଼ି ସହ ବର୍ଷା ନେଇ ୟେଲୋ ୱାର୍ଣ୍ଣିଂ ଜାରି ହୋଇଛି । ଆଜି ପହିଲି ରଜ ଥିବାବେଳେ ଝଡ଼ବର୍ଷା ନେଇ ଆଲର୍ଟ କରିଛି ପାଣିପାଗ ବିଭାଗ । ରାଜ୍ୟକୁ ମୌସୁମୀ ଫେରିଥିବାବେଳେ ମୌସୁମୀ ବାୟୁ ପ୍ରଭାବରେ ସ୍ଥାନେ ସ୍ଥାନେ ବର୍ଷା ହେଉଛି ।

ଗତ କିଛି ଦିନ ହେଲା ଅସହ୍ୟ ତାତି ସାଙ୍ଗକୁ ଗୁଳଗୁଳି କାରଣରୁ ଅସ୍ତବ୍ୟସ୍ତ ହୋଇପଡ଼ିଥିଲେ ଜନସାଧାରଣ । ରାଜ୍ୟକୁ ମୌସୁମୀ ଫେରିବାରୁ ଆଶ୍ୱସ୍ତି ଆଣିଛି ବର୍ଷା । ଆଜି ରଜରେ ଭିଜିବ ସାରା ଓଡ଼ିଶା । ବିଶେଷ କରି ରାୟଗଡ଼ା, କୋରାପୁଟ, ନବରଙ୍ଗପୁର, କଳାହାଣ୍ଡି, ମାଲକାନଗିରି ଆଦି ଜିଲ୍ଲାରେ ଝଡ଼ବର୍ଷା ନେଇ ଚେତାବନୀ ଜାରି ହୋଇଛି ।  ଏହିସବୁ ଜିଲ୍ଲାରେ ୭ରୁ ୧୧ ସେଣ୍ଟିମିଟର ବର୍ଷାର ସମ୍ଭାବନା ଥିବା ନେଇ ସୂଚନା ଦେଇଛି ଆଞ୍ଚଳିକ ପାଣିପାଗ କେନ୍ଦ୍ର । 

ଅଧିକ ପଢନ୍ତୁ : ଏଥର ରଜରେ ଭିଜିବ ଓଡ଼ିଶା; ପ୍ରବଳ ଛେଚିବ