LIVE TV
ଯାଜପୁର କାଣି ନଦୀ ବନ୍ଧରେ ଘାଇ । ଫଳରେ ଆଖପାଖ ଗାଁରେ ବନ୍ୟା ପାଣି ପଶି ଯାଇଛି । ବୈତରଣୀରେ ପ୍ରବଳ ପାଣି ଯୋଗୁଁ ଦଶରଥପୁର ବ୍ଲକ ବ୍ରହ୍ମଚାରୀପାଟଣା ନିକଟ ନଦୀବନ୍ଧରେ ୩୦ ଫୁଟର ଘାଇ ସୃଷ୍ଟି ହୋଇଛି । ଫଳରେ ଅୟା, ମଲ୍ଲିକାପୁର ଜଳମଗ୍ନ ହେବ ବୋଲି ଆଶଙ୍କା କରାଯାଉଛି । ନଦୀରେ ଘାଇ ସୃଷ୍ଟି ହେବା ପରେ ଲୋକେ ଆତଙ୍କିତ ହୋଇପଡ଼ିଛନ୍ତି ।
#BreakingNews
— ଓଟିଭି (@otvkhabar) August 15, 2022
କାଣି ନଦୀବନ୍ଧରେ ଘାଇ; ଗାଁରେ ପଶିଲା ପାଣି। ଦଶରଥପୁର ବ୍ଲକ ବ୍ରହ୍ମଚାରୀପାଟଣା ନିକଟ ନଦୀବନ୍ଧରେ ଘାଇ ହୋଇଛି#Jajpur #Flood #Odisha #OTV pic.twitter.com/WFtSeelKsX
ସେପଟେ ବିପଦ ସଂକେତ ଟପିଲା ଦେବୀ ନଦୀ । କାକଟପୁର ବାଉରିଆକଣ ନିକଟରେ ବିପଦସଂକେତ ଟପିଲା ଦେବୀ ନଦୀ । ବିପଦ ସଂକେତ ୪.୯୩ ମିଟର ଥିବା ବେଳେ ଏବେ ୫.୫ ମିଟର ଉପରେ ବନ୍ୟା ଜଳ ପ୍ରବାହିତ ହେଉଛି । କେନ୍ଦ୍ରୀୟ ଜଳ କମିଶନଙ୍କ ସୂତ୍ରରୁ ମିଳିଥିବା ସୂଚନା ଅନୁସାରେ ବିଭିନ୍ନ ସ୍ଥାନରେ ଥିବା ନଦୀ ଜଳସ୍ତର ।
ଅନ୍ୟପଟେମହାନଦୀରେ ବନ୍ୟା ଆସିବା ଫଳରେ ବାଙ୍କୀ ଅଞ୍ଚଳ ପ୍ରଭାବିତ ହୋଇଛି । ବାଙ୍କୀର କେତେକ ସ୍ଥାନରେ ବନ୍ୟା ଜଳ ପ୍ରବେଶ କରିଛି । ରଣ ନଈ ଓ ଚନ୍ଦ୍ରମା ନାଳ ଯୋଗେ ପଛୁଆ ପାଣି ପଶି ବାଙ୍କୀ-ବୈଦେଶ୍ୱର ରାସ୍ତା ଜଳମଗ୍ନ ହୋଇଛି । ଫଳର କଇଁମୁଣ୍ଡି ଓ ଶୁଖୁଆଖେଳା ଗାଁ ବାହ୍ୟ ଜଗତରୁ ବିଛିନ୍ନ ହୋଇଛି । ସେହିପରି ବିଲିପଡ଼ା ପଞ୍ଚାୟତର ବରପଦନପୁର ଗାଁରେ ପଶିଲା ବନ୍ୟା ପାଣି । ରାସ୍ତାରେ ବଢ଼ିବାରେ ଲାଗିଛି ଜଳସ୍ତର । ଲୋକେ ନିଜ ଜିନିଷପତ୍ର ଧରି ସୁରକ୍ଷିତ ଜାଗାକୁ ଯାଉଛନ୍ତି ।
