LIVE TV
ରାଜ୍ୟରେ ଲଘୁଚାପ ଜନିତ ବର୍ଷା ଯୋଗୁଁ ଆଜି ବି ଦଶହରା ମଉଜ ଫିକା ପଡିଛି । ଲଗାଣ ବର୍ଷା ଯୋଗୁଁ ଦଶମୀ ପାଣିଚିଆ ହୋଇଯାଇଛି । ହେଲେ ବର୍ତ୍ତମରନ ଲଘୁଚାପ ଦୁର୍ବଳ ହୋଇଥିବା ନେଇ ପାଣିପାଗ ବିଭାଗ ପକ୍ଷରୁ କିଛି ସମୟ ପୂର୍ବରୁ ଟୁଇଟ୍ କରାଯାଇଛି । ଫଳରେ ଆଜି ଠାରୁ ବର୍ଷା କମିବାର ସମ୍ଭାବନା ରହିଛି । ଏଥିପାଇଁ ଆଜି ରାବଣପୋଡ଼ି ଜମିବ ବୋଲି କୁହାଯାଉଛି ।
ଅନ୍ୟପଟେ ଲଘୁଚାପ ପ୍ରଭାବରେ ଗତକାଲି ଠାରୁ ରାଜ୍ୟରେ ଲଗାଣ ବର୍ଷା ଲାଗି ରହିଛି । ଟୁଇନ୍ ସିଟି କଟକ ଓ ଭୁବନେଶ୍ୱରରେ କିନ୍ତୁ ବୁଧବାର ହାଲୁକା ବର୍ଷା ସମ୍ଭାବନା ରହିଛି । ଭୁବନେଶ୍ୱରରେ ସକାଳୁ ଆକାଶ ମେଘାଚ୍ଛନ୍ନ ରହିଛି । ଏବେ ପାଗରେ ସାମାନ୍ୟ ସୁଧାର ଆସିଛି । ଭୁବନେଶ୍ୱରରେ ଆଜି ଦିନ ତମାମ ବର୍ଷା ହେବ ନାହଁ ବୋଲି ପାଣିପାଗ ବିଭାଗ ପକ୍ଷରୁ କୁହାଯାଇଛି ।
Also Read
ବିଶେଷ କରି ଲଘୁଚାପ ପାଇଁ ଉପକୂଳ ଓ ଦକ୍ଷିଣ ଓଡ଼ିଶାରେ ପ୍ରବଳ ବର୍ଷା ହୋଇଛି । ୨ଟି ସ୍ଥାନରେ ଅତି ପ୍ରବଳ ଏବଂ ୩୪ଟି ସ୍ଥାନରେ ପ୍ରବଳ ବର୍ଷା ହୋଇଥିବା ନେଇ ପାଣିପାଗ ବିଭାଗ ପକ୍ଷରୁ ସୂଚନା ଦିଆଯାଇଛି ।
ଗତ ୨୪ ଘଣ୍ଟାରେ ଭଦ୍ରକରେ ସବୁଠାରୁ ଅଧିକ ୧୦୯ ମିଲିମିଟର ବର୍ଷା ରେକର୍ଡ କରାଯାଇଛି । ସେହିପରି ପାରଳାଖେମୁଣ୍ଡିରେ ୧୦୨.୮, ଗୋପାଳପୁରରେ ୯୮.୯, ଛତ୍ରପୁରରେ ୯୮, ଚାନ୍ଦବାଲିରେ ୭୧.୬, ବାଲେଶ୍ୱରରେ ୬୯.୪ ମିଲିମିଟର ଏବଂ ଯାଜପୁରର ୬୧ ମିଲିମିଟର ବର୍ଷା ରେକର୍ଡ ହୋଇଛି ।
ଅନ୍ୟପଟେ ଆସନ୍ତା ୭ ଓ୧୩ ତରିଖରେ ଦୁଇଟି ସାମୁଦ୍ରିକ ଘୂର୍ଣ୍ଣିବଳୟ ହେବା ସଂକେତ ମିଳୁଛି ।
ସକ୍ରିୟ ମୌସୁମୀ ତଥା ଲଘୁଚାପ ପ୍ରଭାବରେ ଗତ 24 ଘଣ୍ଟା ମଧ୍ୟରେ ରାଜ୍ୟରେ 24.9 ମିମି ବର୍ଷା ରେକର୍ଡ ହୋଇଛି ଯାହା ସ୍ୱାଭାବିକ ବର୍ଷା 5.8 ତୁଳନାରେ 329 ପ୍ରତିଶତ ଅଧିକ ରହିଛି
— Meteorological Centre, Bhubaneswar (@mcbbsr) October 5, 2022
ଗଞ୍ଜାମ ଜିଲ୍ଲାରେ ସର୍ବାଧିକ 71.6ମିମି ବର୍ଷା ରେକର୍ଡ କରାଯାଇଛି ଯାହାକି ସ୍ୱାଭାବିକ ବର୍ଷା 7.5 ମିମି ତୁଳନାରେ 855 ପ୍ରତିଶତ ଅଧିକ ରହିଛି
