ଟଳିଲା ବାତ୍ୟା ଭୟ, ଦୁର୍ବଳ ହେଲା ‘ଅସାନି’

ବାତ୍ୟାରୁ ଗଭୀର ଅବପାତରେ ପରିଣତ ହେଲା ‘ଅସାନି’ ା ଘଣ୍ଟାକୁ ୭ କିଲୋମିଟର ବେଗରେ ଆନ୍ଧ୍ରଉପକୂଳ ଦେଇ ଗତି କରୁଛି ‘ଅସାନି’। ଏହା ମଚ୍ଛଲିପଟ୍ଟନମ୍‌ରୁ ନରସପୁର ମଧ୍ୟରେ ଅତିକ୍ରମ କରୁଛି। ଏବେ ଏହା ସମୁଦ୍ର ମଧ୍ୟରେ ହିଁ ରହିବ। ଏହାପରେ ଦୁର୍ବଳ ହୋଇ ଅବପାତରେ ପରିଣତ ହେବ ଏବଂ ବଙ୍ଗୋପସାଗରରେ ହିଁ ଗତି କରିବ। 

ଗତ ୬ ଘଣ୍ଟା ମଧ୍ୟରେ ‘ଅସାନି’ ସ୍ଥିର ଥିବାବେଳେ ଆଗାମୀ ୧୨ ଘଣ୍ଟା ମଧ୍ୟରେ ଏହା ଆହୁରି ଦୁର୍ବଳ ହୋଇ ଗୋଟିଏ ସୁଦୃଶ୍ୟ ଲଘୁଚାପ କ୍ଷେତ୍ରରେ ପରିଣତ ହେବା ସମ୍ଭାବନା ରହିଛି। ଏନେଇ ଭୁବନେଶ୍ୱର ସ୍ଥିତ ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ ସୂଚନା ଦିଆଯାଇଛି।

ଉତ୍ତର ଆନ୍ଧ୍ରପ୍ରଦେଶ ଓ ଦକ୍ଷିଣ ଓଡ଼ିଶାର କିଛି ଜିଲ୍ଲାରେ ‘ଅସାନି’ର ପ୍ରଭାବ ଦେଖିବାକୁ ମିଳିବ। ଗଞ୍ଜାମ, ଗଜପତି, ମାଲକାନଗିରି ସମେତ କିଛି ଜିଲ୍ଲାରେ ବର୍ଷା ହେବାର ସମ୍ଭାବନା ରହିଛି। ସେପଟେ ବାତ୍ୟା ମୁକାବିଲା ପାଇଁ ୫ ଜିଲ୍ଲାରେ ଅଗ୍ନିଶମ ବିଭାଗର ୧୨ଟି ଟିମ୍ ମୁତୟନ ହୋଇଛନ୍ତି।  

ବାତ୍ୟାର ଅବଶିଷ୍ଠଂଶ ଗତ କାଲିର ଗଭୀର ଅବପାତ ଆଜି ଆହୁରି ଦୁର୍ବଳ ହୋଇ ଗୋଟିଏ #ଅବପାତ ରେ ପରିଣତ ହୋଇଛି l ଗତ 6 ଘଣ୍ଟା ମଧ୍ୟରେ ଏହା ସ୍ଥିର ରହିଥିବା ବେଳେ, ଆଗାମୀ 12 ଘଣ୍ଟା ମଧ୍ୟରେ ଆହୁରି ଦୁର୍ବଳ ହୋଇ ଗୋଟିଏ ସୁଦୃଶ୍ୟ ଲଘୁଚାପ କ୍ଷେତ୍ର ରେ ପରିଣତ ହେବା ସମ୍ଭାବନା ରହିଛି | pic.twitter.com/GjOAII6JrQ

— Meteorological Centre, Bhubaneswar (@mcbbsr) May 12, 2022