LIVE TV
ବାସ୍ତୁଶାସ୍ତ୍ର ମତରେ ଭୂମି ଚୟନ ପାଇଁ ଯେମିତି ନିୟମମାନ ରହିଛି ସେମିତ ଗୃହ ନିର୍ମାଣ ସମୟରେ ଗୃହର ଓରିଏଣ୍ଟେସନର ମଧ୍ୟ ସେମିତି ନିୟମ ରହିଛି। ଅର୍ଥାତ୍ ବେଡରୁମ, ରୋଷେଇଘର, ଗାଧୁଆଘର ଆଦିର ନିୟମ ମଧ୍ୟ ରହିଛି । ଏ ସବୁ ଗୃହର କେଉଁ କେଉଁ ଦିଗରେ ନିର୍ମାଣ ହେବାକଥା । ସେହି ପରପ୍ରେକ୍ଷୀରେ ଗୋଟେ ଗୃହରେ ଅନ୍ୟାନ୍ୟ ରୁମ୍ର ଯେମିତି ଆବଶ୍ୟକ ସେମିତି ଗୋଟେ ଷ୍ଟଡିରୁମ୍ର ମଧ୍ୟ ଆବଶ୍ୟକ ରହିଛି । କିନ୍ତୁ ଏହି ଷ୍ଟଡ଼ିରୁମ୍ର ମଧ୍ୟ ବାସ୍ତୁ ନିୟମ ଅଛି ।
ଯଦି ଏହି ଷ୍ଟଡିରୁମ୍ ବା ପଢ଼ାଘର ବାସ୍ତୁ ନିୟମରେ ହୋଇଥାଏ ତେବେ ପିଲାମାନଙ୍କ ପାଠପଢ଼ାରେ ଉନ୍ନତି ହୋଇଥାଏ । ଆମ ସମସ୍ତଙ୍କୁ ମଧ୍ୟ ଗୃହ ନିର୍ମାଣ କଲାବେଳେ ପିଲାମାନଙ୍କ ପାଇଁ ଏକ ବାସ୍ତୁ ନିୟମ ଆଧାରିତ ପଢ଼ାଘରଟିଏ କରିବା କଥା, କାରଣ ପିଲାମାନେ ହେଉଛନ୍ତି ଏହି ଦେଶର ଭବିଷ୍ୟତ । ସେମାନଙ୍କ ଶିକ୍ଷାଦିକ୍ଷା ହଁ ସେମାନଙ୍କର ଉନ୍ନତି ସହିତ ଦେଶର ମଧ୍ୟ ଉନ୍ନତି କରିଥାଏ । ଏଣୁ ପାଠପଢ଼ା ଘରଟିଏ କଲାବେଳେ କେଉଁ ବାସ୍ତୁ ନିୟମକୁ ମାନବା ଦରକାର ସେହି ବିଷୟରେ ଜାଣିବା ।
କ୍ୟାରିଅର କୁ ପ୍ରଭାବିତ କରୁଥିବା ଦିଗ ହେଉଛି ପୂର୍ବଦିଗ, ଉତ୍ତର ଦିଗ ଏବଂ ପଶ୍ଚମ ଦିଗ । ଏହି ଦିଗରେ ବାସ୍ତୁ ଦୋଷ ଥିଲେ କ୍ୟାରିଅରକୁ ନେଇ ସମସ୍ୟା ଆସିଥାଏ । କ୍ୟାରିଅର ପାଇଁ ମୂଖ୍ୟ କାମ ହେଉଛି ପାଠ ପଢ଼ିବା । ଏଣୁ ପ୍ରଥମେ ପାଠ ପଢ଼ା ରୁମ୍ କେଉଁ ସ୍ଥାନରେ ହେବା କଥା ସେହି ବିଷୟରେ ଜାଣିବା ତାହା ସହିତ ପାଠ ପଢ଼ାଘରେ କ’ଣ ଭୁଲ୍ ଥିଲେ ପଢ଼ାଘରର ବାସ୍ତୁଦୋଷ ହୋଇଥାଏ । ସେହି ବିଷୟରେ ଜାଣିବା ।
Also Read
୧. ପଢ଼ିବାଘର ପାଇଁ ବାସ୍ତୁଶାସ୍ତ୍ର ହିସାବରେ ପ୍ରଥମ ଉପଯୁକ୍ତ ସ୍ଥାନ ହେଉଛି ପଶ୍ଚିମ ଦିଗ ଏବଂ ଦକ୍ଷିଣ-ପଶ୍ଚିମ କୋଣର ମଝିସ୍ଥାନ ହେଉଛି ପାଠ ପଢ଼ାଘର ପାଇଁ ଉପଯୁକ୍ତ ସ୍ଥାନ । ଏହି ସ୍ଥାନରେ ଯଦି ପୂର୍ବାଭିମୁଖୀ ହୋଇ ପାଠପଢ଼ାଯାଏ, ତେବେ ପାଠ ମନେରହିଥାଏ । ସେଥିପାଇଁ ଏହି ସ୍ଥାନ ବାସ୍ତୁଦୋଷ ମୁକ୍ତ ହେବା ଆବଶ୍ୟକ । ତେବେ କେଉଁ କାଣରୁ ଏହି ସ୍ଥାନରେ ବାସ୍ତୁଦୋଷ ଆସିଥାଏ ତାହା ଜାଣିବା ।
୨. ଏହି ସ୍ଥାନରେ ଅର୍ଥାତ୍ ଏହି ପଶ୍ଚିମ ଦିଗ ଏବଂ ଦକ୍ଷିଣ-ପଶ୍ଚିମ କୋଣ ମଝିରେ ପାଠପଢ଼ାଘର ଥାଇ ଯଦି ଏହି ସ୍ଥାନରେ ସବୁଜ ରଙ୍ଗ କରିଦିଆଯାଏ ତେବେ ସମସ୍ୟା ଆସିଥାଏ ।
ପ୍ରତିକାର- ଏହି ରଙ୍ଗକୁ ହଟେଇ ଧଳାରଙ୍ଗ କରନ୍ତୁ ।
୩. ଏହି ସ୍ଥାନରେ ଅଳିଆ-ଆବର୍ଜନା ଗଦା କରିକି ରଖିଲେ ମଧ୍ୟ ବାସ୍ତୁଦୋଷ ସୃଷ୍ଟି ହୋଇଥାଏ । ଏଣୁ ଏହି ସ୍ଥାନକୁ ସଫା ରଖିବା ନିହାତି ଜରୁରୀ ।
୪. ଏହି ସ୍ଥାନରେ ପାଠ ପଢ଼ାଘର ନଥାଇ ଅନ୍ୟ ଯେକୌଣସି ସ୍ଥାନରେ ଥିଲେ ମଧ୍ୟ ଯଦି ଏହି ସ୍ଥାନରେ ଶୌଚାଳୟ କରାଯାଇଥାଏ ତେବେ ମଧ୍ୟ ଏହି ସ୍ଥାନରେ ବାସ୍ତୁଦୋଷ ପିଲାମାନଙ୍କ ଅବଚେତନ ମନ ଉପରେ ଖରାପ ପ୍ରଭାବ ପକାଇଥାଏ । ଏଣୁ ଏହି ସ୍ଥାନରୁ ଶୌଚାଳୟ ହଟାଇ ଦେବାଟା ଭଲ । ନ ହେଲେ ଏହି ସ୍ଥାନରେ ଗୋଟେ କାଚପାତ୍ରରେ ସମୁଦ୍ରଗୋଡ଼ା ଲୁଣ ଏବଂ ଫିଟିକିରି ମିଶେଇକି ରଖନ୍ତୁ ଏବଂ ନିୟମିତ ଶନିବାରକୁ ଶନିବାର ଏହାକୁ ପରିବର୍ତ୍ତନ କରନ୍ତୁ ଅର୍ଥାତ୍ ଏହି ଗୋଡାଲୁଣ ଓ ଫିଟିକିରିକୁ ପାଇଖାନାରେ ଶନିବାରକୁ ଶନିବାର ଫ୍ଲସ୍ କରିଦିଅନ୍ତୁ ଏବଂ ଏହି କାଚପାତ୍ରକୁ ଧୋଇ ସେହି ପାତ୍ରରେ ପୂନର୍ବାର ଏହି ଗୋଡ଼ାଲୁଣ ଏବଂ ଫିଟିକିରିକୁ ରଖିଦିଅନ୍ତୁ ।
