Technology: ଏଲୋନ୍ ମସ୍କଙ୍କ ନୂଆ ପେମେଣ୍ଟ୍ ସର୍ଭିସ୍; ବ୍ୟାଙ୍କ ଆକାଉଣ୍ଟରୁ କରିପାରିବେ ଟ୍ରାନ୍ସ୍‌ଫର୍

ଏଲୋନ୍ ମସ୍କଙ୍କ ମାଇକ୍ରୋବ୍ଲଗିଂ ପ୍ଲାଟ୍‌ଫର୍ମ X (ପୂର୍ବରୁ ଟ୍ୱିଟର୍‌) X Money ଘୋଷଣା କରିଛି। ଏହି ନୂଆ ଡିଜିଟାଲ୍ ୱାଲେଟ୍ ଏବଂ ପେମେଣ୍ଟ୍ ସେବା ଲୋକମାନଙ୍କୁ ଏକ ପିୟର୍-ଟୁ-ପିୟର୍ (P2P) ସିଷ୍ଟମ୍ ମାଧ୍ୟମରେ ଟଙ୍କା ପଠାଇବା ଏବଂ ଗ୍ରହଣ କରିବାକୁ ସୁଯୋଗ ଦେବ।

ଉପଭୋକ୍ତାମାନେ ସେମାନଙ୍କ ବ୍ୟାଙ୍କ୍‌ ଆକାଉଣ୍ଟରୁ ଡିଜିଟାଲ୍‌ ୱାଲେଟକୁ ଟଙ୍କା ପଠାଇବା ନେଇ ସକ୍ଷମ ହେବେ ଏବଂ ପରେ ଏହାକୁ ପ୍ଲାଟ୍‌ଫର୍ମରେ ଥିବା ଅନ୍ୟ ୱାଲେଟ୍‌କୁ ମଧ୍ୟ ପଠାଇ ପାରିବେ। X Money ଆମେରିକୀୟ କମ୍ପାନୀ ଭିସା ସହିତ କାମ କରିବ ଏବଂ CashApp, Venmo ଏବଂ Zelle ପରି ସେବା ସହିତ ପ୍ରତିଦ୍ୱନ୍ଦ୍ୱିତା କରିବ।

ଅଧିକ ପଢ଼ନ୍ତୁ: ଡିପ୍ ଫେକ୍ ପାଇଁ ଆପଣଙ୍କ ଫଟୋ/ଭିଡିଓ ହେଉନି ତ ଚୋରି… ଏମିତି କରନ୍ତୁ ସୁରକ୍ଷା

ଭିସା ଡାଇରେକ୍ଟ ମାଧ୍ୟମରେ ତୁରନ୍ତ ପାଣ୍ଠି ଟ୍ରାନ୍ସଫର୍:

X ସିଇଓ ଲିଣ୍ଡା ୟାକରିନୋ ନୂଆ ପ୍ଲାଟଫର୍ମର ସୂଚନା ଶେୟାର କରିଛନ୍ତି। ସେ କହିଛନ୍ତି ଯେ X Money ଆକାଉଣ୍ଟ ପାଇଁ ସହାୟତା ଚଳିତ ବର୍ଷ ଶେଷ ସୁଦ୍ଧା ଆରମ୍ଭ ହେବ। X Money ଭିସା ସହିତ ସହଭାଗୀ ହୋଇଛି। ଏହା ଦ୍ୱାରା ଭିସା ଡାଇରେକ୍ଟ ମାଧ୍ୟମରେ ଉପଭୋକ୍ତାମାନେ ସେମାନଙ୍କର X ୱାଲେଟ୍‌ରେ ତୁରନ୍ତ ପାଣ୍ଠିକୁ ଟ୍ରାନ୍ସଫର୍ କରିପାରିବେ ଏବଂ P2P ଦେୟ ପ୍ରଦାନ କରିପାରିବେ।

ଏହା ଛଡା, ଉପଭୋକ୍ତାମାନେ ସେମାନଙ୍କର ଡେବିଟ୍ କାର୍ଡକୁ ସେମାନଙ୍କର X Money ଆକାଉଣ୍ଟ ସହିତ ଲିଙ୍କ୍ କରିବାର ସୁବିଧା ପାଇବେ, ଯାହା ସେମାନେ ସିଧାସଳଖ ପ୍ଲାଟ୍‌ଫର୍ମରେ P2P ପେମେଣ୍ଟ୍ କରିପାରିବେ। ବର୍ତ୍ତମାନ ଆମେରିକାରେ CashApp, Venmo ଏବଂ Apple Pay Cash ପରି ସେବାଗୁଡିକ P2P ପେମେଣ୍ଟ୍ ସୁବିଦା ପ୍ରଦାନ କରୁଛି।

ଉପଭୋକ୍ତାମାନେ ସେମାନଙ୍କର X ୱାଲେଟ୍‌ରୁ ଏକ ବ୍ୟାଙ୍କ୍‌ ଆକାଉଣ୍ଟକୁ ଟଙ୍କା ଟ୍ରାନ୍ସଫର୍ କରିବାକୁ ମଧ୍ୟ ସକ୍ଷମ ହେବେ। ତେବେ ଆମେରିକାରେ X Money କେବେ ଉପଲବ୍ଧ ହେବ ସେନେଇ କମ୍ପାନୀ କୌଣସି ସ୍ପଷ୍ଟ ସୂଚନା ଦେଇ ନାହିଁ। ଭିସା ଅନୁଯାୟୀ, ଆମେରିକାରେ X Money ଆକାଉଣ୍ଟ ବ୍ୟବହାରକାରୀମାନେ ସେମାନଙ୍କର ଡେବିଟ୍ କାର୍ଡରୁ ରିଅଲ୍ ଟାଇମ୍ ଟ୍ରାନ୍ସଫର କରିପାରିବେ।

ଅଧିକ ପଢ଼ନ୍ତୁ: ଆପଣଙ୍କ ସ୍ମାର୍ଟ ଟିଭି ବାରମ୍ବାର ହ୍ୟାଙ୍ଗ୍ ହେଉଛି କି… ବ୍ୟସ୍ତ ହୁଅନ୍ତୁ ନାହିଁ; ନିଜେ କରନ୍ତୁ ସମାଧାନ