ବ୍ଲୁଟୁଥ୍‌ ବ୍ୟବହାର କରୁଥିଲେ ସାବଧାନ ! ହ୍ୟାକ୍‌ ହୋଇପାରେ ଆପଣଙ୍କ ଫୋନ୍‌

ସ୍ମାର୍ଟ ଫୋନ୍‌ରେ ବ୍ଲୁଟୁଥ୍‌ ଅନ୍‌ ରଖୁଛନ୍ତି କି ? ହୋଇପାରେ ଆପଣଙ୍କ ଫୋନ୍‌ ହ୍ୟାକ୍‌ । ଏବେ ସମସ୍ତେ ସ୍ମାର୍ଟ ଫୋନ୍‌ ବ୍ୟବହାର କରୁଛନ୍ତି । ବର୍ତ୍ତମାନର ସମୟରେ ସମସ୍ତଙ୍କ ନିକଟରେ ସ୍ମାର୍ଟ ଫୋନ୍‌ ରହିଛି । ସବୁ ସ୍ମାର୍ଟଫୋନ୍‌ରେ ବ୍ଲୁଟୁଥ୍‌ର ଅପସନ୍‌ ରହିଥାଏ । ଯାହାକୁ ବ୍ୟବହାର କରି ଲୋକମାନେ ଗୀତ ଶୁଣିଥା’ନ୍ତି ଏବଂ ତା’ସହ କିଛି ଫଟୋ ଓ ଭିଡିଓ ମଧ୍ୟ ଟ୍ରାନ୍ସଫର କରିଥା’ନ୍ତି । ହେଲେ ଆପଣ ଜାଣନ୍ତି କି, ଆପଣଙ୍କ ଫୋନ୍‌ରେ ବ୍ଲୁଟୁଥ୍‌ ଅନ୍‌ ରଖିବା ଦ୍ୱାରା ଆପଣଙ୍କ ଫୋନ୍‌ ହ୍ୟାକ୍‌ ହୋଇପାରେ । ତେବେ ଆସନ୍ତୁ ଜାଣିବା ଏ ବିଷୟରେ...

ମିଳିଥିବା ସୂଚନା ଅନୁସାରେ ହ୍ୟାକରମାନେ ଆପଣଙ୍କର ବ୍ଲୁଟୁଥ୍ ସର୍ଚ୍ଚ କରି ମୋବାଇଲ୍ ହ୍ୟାକ୍ କରିପାରନ୍ତି । ତାହା ସହିତ ଆପଣଙ୍କ ମୋବାଇଲ୍‌ରୁ ବ୍ୟାଙ୍କ ଆକାଉଣ୍ଟ ପରି କିଛି ଜରୁରୀ ଡାଟା ମଧ୍ୟ ଚୋରି ହୋଇପାରେ । ଖାଲି ସେତିକି ନୁହେଁ, ହ୍ୟାକରମାନେ ଆପଣଙ୍କୁ ଅସୁବିଧାରେ ପକାଇବାର ମଧ୍ୟ ସମ୍ଭାବନା ରହିଥାଏ । ତେଣୁ ବ୍ଲୁଟୁଥ୍ ଅନ୍‌ ରଖିବା ଆପଣଙ୍କ ପାଇଁ ବିପଦର କାରଣ ହୋଇପାରେ ।

Also Read

‘ରଣବୀର କ’ଣ ରାମ ଭଳି ଲାଗିବେ!’; ‘ରାମାୟଣ’ରେ ଅଭିନେତାଙ୍କ କାଷ୍ଟିଂକୁ ନେଇ ମୁକେଶ ଖାନ୍ନା ଖପ୍ପା

ହୃଦୟସ୍ପର୍ଶୀ ଦୃଶ୍ୟ : ସାର୍‌ଙ୍କୁ ବିଦାୟ ଦେବା ବେଳେ ଭୋଭୋ କାନ୍ଦିଲେ ପିଲା, ହାତ ଯୋଡ଼ିଲେ ଅଭିଭାବକ

ଯାତ୍ରୀଙ୍କ ସୁବିଧା ଦୃଷ୍ଟିରୁ ବନ୍ଦେ ଭାରତ ଏକ୍ସପ୍ରେସ୍‌ରେ ଅନେକ ପରିବର୍ତ୍ତନ, ଜାଣନ୍ତୁ କ’ଣ...

ହ୍ୟାକରମାନଙ୍କ ହାତରେ ଥରେ ଆପଣଙ୍କର କୌଣସି ଗୁପ୍ତ ତଥ୍ୟ ଲାଗିଗଲେ, ତାକୁ ନେଇ ସେମାନେ ଆପଣଙ୍କୁ ଅସୁବିଧାରେ ପକାଇପାରନ୍ତି । ସେମାନେ ଫୋନ୍‌କୁ ହ୍ୟାକ୍‌ କରିସାରିବା ପରେ ଆପଣ କଥା ହେଉଥିବା କଲ୍‌ର ମଧ୍ୟ ରେକର୍ଡିଂ କରିପାରନ୍ତି । ତାହା ସହ ସ୍କ୍ରିନ୍‌ ରେକର୍ଡିଂ କରିବାର କ୍ଷମତା ମଧ୍ୟ ସେମାନଙ୍କ ନିକଟରେ ରହିଥାଏ । ଯାହାକୁ ବ୍ଳୁବଗିଂ ବୋଲି କୁହାଯାଇଥାଏ । ଏହାକୁ ନେଇ ପୋଲିସ ଅନେକ ତଥ୍ୟ ଦେବା ସହ ଏଥି ପ୍ରତି ସତର୍କ ରହିବାକୁ ଚେତାବନୀ ମଧ୍ୟ ଦେଇଛି ।

ବ୍ଳୁବଗିଂକୁ କିପରି ରୋକାଯାଇପାରିବ ?

୧. ବ୍ଲୁବଗିଂକୁ ରୋକିବାକୁ ହେଲେ କୌଣସି ଅଜଣା ବ୍ଲୁଟୁଥ୍‌ ଲିଂକ ସହ ଆପଣଙ୍କ ଫୋନ୍‌କୁ ସଂଯୋଗ କରନ୍ତୁ ନାହିଁ । ଆବଶ୍ୟକ ସମୟରେ କେବଳ ବ୍ଳୁଟୁଥ୍‌ ବ୍ୟବହାର କରନ୍ତୁ । ଅନ୍ୟ ସମୟରେ ଆପଣଙ୍କ ବ୍ଳୁଟୁଥ୍‌ ଅଫ୍‌ ରଖିବା ଆପଣଙ୍କ ପାଇଁ ସୁରକ୍ଷିତ ।

୨. ବ୍ଲୁଟୁଥ୍‌ ବ୍ୟବହାର କରିବା ସମୟରେ ଆପଣଙ୍କ ଡିଭାଇସ୍‌ରେ ସୋ’ କରୁଥିବା ଅନ୍ୟ ବ୍ଲୁଟୁଥ୍‌ ଗୁଡ଼ିକୁ ଡିସ୍‌କନେକ୍ଟ ବା ଅପସାରଣ କରିନିଅନ୍ତୁ ।

୩. ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ବ୍ଲୁଟୁଥ୍‌ର ସେଟିଂସ୍‌କୁ ଯାଇ ଅଟୋ ଆକ୍ଟିଭ୍‌ ବିକଳ୍ପକୁ ବନ୍ଦ କରନ୍ତୁ । କାରଣ ଏହା ଆପଣଙ୍କ ପାଇଁ ବିପଦ ଆଣିପାରେ ।

୪. ଆପଣ ବ୍ଲୁଟୁଥ୍‌ ବ୍ୟବହାର କରି ଯଦି କିଛି କାମ କରୁଥା’ନ୍ତି ତେବେ ଆପଣଙ୍କ ବ୍ଲୁଟୁଥ୍‌ର ପାସ୍‌ୱାର୍ଡ ଷ୍ଟ୍ରଙ୍ଗ ରଖିବାକୁ ହେବ । ଯେପରିକି କେବଳ ସଂଖ୍ୟା ନୁହେଁ ଲେଟର ସହ @ ନିଶ୍ଚୟ ରଖନ୍ତୁ ।

୫. ଆପଣଙ୍କ ଫୋନ୍‌ର ଡିଭାଇସ୍‌ ଅପ୍‌ଡେଟ୍‌ ରଖନ୍ତୁ । VPN (ଭର୍ଚୁଆଲ୍ ପ୍ରାଇଭେଟ ନେଟୱାର୍କ)ର ବ୍ୟବହାର ନିଶ୍ଚୟ କରନ୍ତୁ ।

ସର୍ବସାଧାରଣ ସ୍ଥାନରେ ବ୍ଲୁଟୁଥ୍‌ ବନ୍ଦ ରଖନ୍ତୁ

୧. ଜଣେ ସ୍ମାର୍ଟଫୋନ୍‌ ବ୍ୟବହାରକାରୀଙ୍କ ପାଇଁ ଏହା ଜାଣିରଖିବା ନିହାତି ଜରୁରୀ । ଜଣେ ବ୍ୟକ୍ତି ଯେତେବେଳେ ସର୍ବସାଧାରଣ ସ୍ଥାନରେ ବ୍ଲୁଟୁଥ୍‌ ବ୍ୟବହାର କରୁନାହାନ୍ତି, ସେତେବେଳେ ଫୋନ୍‌ର ବ୍ଲୁଟୁଥ୍‌ ବଟନ୍‌ ବନ୍ଦ ରଖିବା ନିହାତି ଆବଶ୍ୟକ । ଏହା କରିବା ଦ୍ୱାରା ଆପଣ ସୁରକ୍ଷିତ ରହିପାରିବେ ।

୨. ଆପଣଙ୍କ ଫୋନ୍‌ରେ ରହିଥିବା ବ୍ଲୁଟୁଥ୍‌ ଫାଇଲ୍‌କୁ ଯାଞ୍ଚ କରନ୍ତୁ । ସେଠାରେ ଯଦି କିଛି ଆପଣଙ୍କୁ ସନ୍ଦେହ ଜନକ ତଥ୍ୟ ଦେଖାଯାଏ ତେବେ ଆପଣ ତା’କୁ ତୁରନ୍ତ ଡିଲିଟ୍‌ କରିନିଅନ୍ତୁ ।