LIVE TV
ନିର୍ବାଚନ ଆୟୋଗ (ଇସି) ୧୮ତମ ଲୋକସଭା ପାଇଁ ନିର୍ବାଚନ ସୂଚୀ ଘୋଷଣା କରିଛି। ଦେଶରେ ଲୋକସଭା ୨୦୨୪ ନିର୍ବାଚନ ସାତୋଟି ପର୍ଯ୍ୟାୟରେ ଅନୁଷ୍ଠିତ ହେବ। ସେହିପରି ଓଡ଼ିଶା ଲୋକସଭା ଓ ବିଧାନସଭା ନିର୍ବାଚନ ତାରିଖ ମଧ୍ୟ ଘୋଷଣା ହୋଇଛି। ଓଡ଼ିଶାରେ ୪ ପର୍ଯ୍ୟାୟରେ ହେବ ଭୋଟ ଗ୍ରହଣ। ନିର୍ବାଚନ ପୂର୍ବରୁ ସରକାର ମଧ୍ୟ ଭୋଟର ତାଲିକାରେ ନା’ ଯୋଡିବାକୁ ସମସ୍ତ ଉଦ୍ୟମ କରୁଛନ୍ତି।
ତେବେ ଭୋଟର ତାଲିକାରେ ନା’ ଯୋଡିବା ବର୍ତ୍ତମାନ ବହୁତ ସହଜ ହୋଇଯାଇଛି। ଯଦି ଆପଣଙ୍କ ବୟସ ୧୮ ବର୍ଷ କିମ୍ବା ତଦୁର୍ଦ୍ଧ୍ୱ, ଆଉ ଭୋଟର ତାଲିକାଙ୍କୁ ନାଁ ଉଠିନି, ତେବେ ଆପଣ କୁଆଡେ ଯିବା ଦରକାର ନାହିଁ। ଆପଣ ନିଜ ଘରେ ବସି ନିଜ ନା’କୁ ଭୋଟର ତାଲିକାରେ ଯୋଡି ପାରିବେ। ତେବେ ଆସନ୍ତୁ ଏହାର ପଦ୍ଧତି ଜାଣିନେବା।
ଅନ୍ଲାଇନ୍ ଭୋଟର କାର୍ଡ ପାଇଁ ଆବେଦନ କରିବାକୁ, ପ୍ରଥମେ https://voters.eci.gov.in/ କୁ ଯାଆନ୍ତୁ ଏବଂ ବାମ ପାର୍ଶ୍ୱରେ ପ୍ରଥମେ ଦେଖାଯାଉଥିବା form 6 ଅପ୍ସନ୍ ଉପରେ କ୍ଲିକ୍ କରନ୍ତୁ। ଏହା ପରେ ମୋବାଇଲ୍ ନମ୍ବର ଏବଂ ଲଗ୍ଇନ୍ ସହିତ ଆପଣଙ୍କର ID ସୃଷ୍ଟି କରନ୍ତୁ।
Also Read
ଲଗ୍ଇନ୍ କରିବା ପରେ, form 6 ଅପ୍ସନ୍ ଉପରେ ପୁଣି କ୍ଲିକ୍ କରନ୍ତୁ। ଏହା ପରେ ଆପଣଙ୍କର ରାଜ୍ୟ, ଜିଲ୍ଲା ଏବଂ ସହର ଚୟନ କରନ୍ତୁ। ମୋବାଇଲ୍ ନମ୍ବର, ଠିକଣା, ବିଧାନସଭା ନିର୍ବାଚନମଣ୍ଡଳୀ ପରି ତୁମର ଗୁରୁତ୍ୱପୂର୍ଣ୍ଣ ସୂଚନା ପୁରଣ କରନ୍ତୁ। ଏହା ପରେ ଭୋଟର ID ନମ୍ବର ଏବଂ ଆପଣଙ୍କ ବାପାମାଆଙ୍କ ନା’ ଏଣ୍ଟ୍ରୀ କରନ୍ତୁ।
ଏହା ପରେ ଆଧାର ନମ୍ବର, ଜନ୍ମ ତାରିଖ ଏବଂ ଆଧାର କାର୍ଡର ଫଟୋ ଏବଂ ଜନ୍ମ ପ୍ରମାଣପତ୍ରର ଫଟୋ ଅପ୍ଲୋଡ୍ କରନ୍ତୁ। ଶେଷରେ କ୍ୟାପ୍ଚା କୋଡ୍ ଏଣ୍ଟ୍ରୀ କରନ୍ତୁ ଏବଂ ଫର୍ମ ଦାଖଲ କରନ୍ତୁ।
ଫର୍ମ ଦାଖଲ କରିବାର ପ୍ରାୟ ଏକ ମାସ ମଧ୍ୟରେ ଭୋଟର କାର୍ଡ ଆପଣଙ୍କ ଘରେ ଆସି ପହଞ୍ଚିବ। ଦାଖଲ ପରେ, ଆପଣ ଏକ ରସିଦ ନମ୍ବର ପାଇବେ ଯାହା ସାହାଯ୍ୟରେ ଆପଣ ଏକ ସପ୍ତାହ ପରେ ଯେକୌଣସି ସମୟରେ ନିଜର ଭୋଟର ଫର୍ମର ସ୍ଥିତି ଯାଞ୍ଚ କରିବାରେ ସକ୍ଷମ ହେବ। ଯଦିଓ ଆପଣଙ୍କର ଫର୍ମ ପ୍ରତ୍ୟାଖ୍ୟାନ ହୋଇଥାଏ ତେବେ ଏହି ନମ୍ବର ଦ୍ୱାରା ଏହା ବିଷୟରେ ସୂଚନା ମିଳିପାରିବ।
