LIVE TV
ଶୀତଦିନେ ଥଣ୍ଡା ପାଣି ପିଇବା ଅନେକଙ୍କ ପାଇଁ ସମସ୍ୟା ହୁଏ। ଏନେଇ ଗରମ ପାଣିର ଆବଶ୍ୟକତା ବଢିବା ସହିତ ପାଣି ଗରମ କରିବା ଉପକରଣର ବ୍ୟବହାର ମଧ୍ୟ ବୃଦ୍ଧି ପାଇଥାଏ। ଲୋକମାନେ ତୁରନ୍ତ ପାଣି ଗରମ କରିବା ପାଇଁ ୱାଟର କେଟଲ୍(Water Kettle) ବ୍ୟବହାର କରନ୍ତି। ପାଣି ଗରମ କରିବା ପାଇଁ ଏହା ଅତ୍ୟନ୍ତ ସୁବିଧାଜନକ ଏବଂ କେଇ ମୁହୂର୍ତ୍ତରେ ପାଣି ଗରମ ହୋଇଯାଏ।
କିନ୍ତୁ ଯେଉଁମାନେ ଏହାକୁ ଯତ୍ନର ସହ ବ୍ୟବହାର ନ କରନ୍ତି ସେମାନେ ମଧ୍ୟ ଦୁର୍ଘଟଣାର ଶିକାର ହୁଅନ୍ତି। ୱାଟର କେଟଲ୍ ଏକ ଭାରୀ ଦୈଦ୍ୟୁତିକ ଉପକରଣ, ତେଣୁ ଏହାକୁ ବ୍ୟବହାର କରିବା ସମୟରେ କିଛି ବିଶେଷ ଜିନିଷକୁ ଧ୍ୟାନରେ ରଖିବା ଉଚିତ।
Also Read
ଆଜି ଆମେ ଆପଣଙ୍କୁ କହିବୁ ୱାଟର କେଟଲ୍ ବ୍ୟବହାର କରିବାବେଳେ କେଉଁ ସତର୍କତା ଅବଲମ୍ବନ କରାଯିବା ଉଚିତ ଯାହା ଦ୍ୱାରା ଆପଣ ଏହାକୁ ବ୍ୟବହାର କରିବା ସମୟରେ ସୁରକ୍ଷିତ ରହିପାରିବେ।
ଷ୍ଟେନ୍ଲେସ୍ ଷ୍ଟିଲ୍ କେଟଲ୍:
ଯଦି ଆପଣ ଏକ ଇଲେକ୍ଟ୍ରିକ୍ କେଟଲ୍ କିଣିବାକୁ ଯାଉଛନ୍ତି, ତେବେ ଏକ ଷ୍ଟେନ୍ଲେସ୍ ଷ୍ଟିଲ୍ କେଟଲ୍ କିଣିବା ସବୁଠାରୁ ଭଲ। ଷ୍ଟେନ୍ଲେସ୍ ଷ୍ଟିଲ୍ କେଟଲ୍ ଉଚ୍ଚ ତାପମାତ୍ରାକୁ ସହ୍ୟ କରିପାରିବ। ଏହା ବ୍ୟତୀତ ଷ୍ଟେନ୍ଲେସ୍ ଷ୍ଟିଲ୍ କେଟଲ୍ ପ୍ଲାଷ୍ଟିକ୍ କେଟଲ୍ ଠାରୁ ଅଧିକ ଶକ୍ତିଶାଳୀ ଏବଂ ପାଣି ଗରମ କରିବା ସମୟରେ ଧୂଆଁ ବାହାରେ ନାହିଁ।
କେଟଲ୍ରେ ଅଧିକ ପାଣିରେ ଭରନ୍ତୁ ନାହିଁ:
କେବଳ ସୁରକ୍ଷିତ ସ୍ତର ପର୍ଯ୍ୟନ୍ତ କେଟଲ୍ରେ ପାଣି ଭରିବା ଉଚିତ। ମନେରଖନ୍ତୁ ଯେ ପାଣି ସବୁବେଳେ କେଟଲର ମୁହଁରୁ ୩ ରୁ ୩ ଇଞ୍ଚ ତଳେ ରହିବା ଉଚିତ। ଏହାର କାରଣ ଯଦି କେଟଲରେ ଜଳ ସ୍ତର ଅଧିକ ଥାଏ ତେବେ ଫୁଟୁଥିବା ପାଣି ବାହାରକୁ ଆସିପାରେ। ଯଦି କେଟଲ୍ରୁ ପାଣି ବାହାରକୁ ଆସେ, ତେବେ ସର୍ଟ ସର୍କିଟ୍ର ଆଶଙ୍କା ଥାଏ ଏବଂ ନିଆଁ ଲାଗିବାର ସମ୍ଭାବନା ମଧ୍ୟ ଥାଏ।
ପାଣି ଭରିବା ପରେ ଅନ୍ କରନ୍ତୁ:
କୌଣସି ଇଲେକ୍ଟ୍ରିକ୍ କେଟଲ୍ ବ୍ୟବହାର କରୁଥିବାବେଳେ ଅନେକ ଲୋକ ପ୍ରଥମେ କେଟଲ୍ ଟର୍ନ୍ ଅନ୍ କରି ତା’ପରେ ପାଣି ଢାଳନ୍ତି। ଏହି ଅଭ୍ୟାସ କେଟଲ୍କୁ ନଷ୍ଟ କରିପାରେ। ଯଦି କେଟଲ୍ରେ ପାଣି ନଥାଏ ଏବଂ ଏହାକୁ ଟର୍ନ୍ ଅନ୍ କରାଯାଏ, ତେବେ ଏହା ଶୁଷ୍କ ଅବସ୍ଥାରେ ଗରମ ହେବା ଆରମ୍ଭ କରେ। ଯଦି ଏମିତି ବାରମ୍ବାର ହୁଏ, ତେବେ କେଟଲ୍ ଜଳିଯିବା, ସର୍ଟ ସର୍କିଟ ହେବା କିମ୍ବା ଅନ୍ୟ କୌଣସି ସମଶ୍ୟା ହେବାର ଆଶଙ୍କା ବଢିଯାଏ।
କେଟଲ୍କୁ ସମ୍ପୂର୍ଣ୍ଣ ଖାଲି କରନ୍ତୁ ନାହିଁ:
ପାଣି ଫୁଟିବା ପରେ ଏହାକୁ ଏକ ବୋତଲ କିମ୍ବା ଥର୍ମୋରେ ରଖି ଏହାକୁ ବ୍ୟବହାର କରିବା ସାଧାରଣ କଥା। କିନ୍ତୁ କେଟଲ୍କୁ ସମ୍ପୂର୍ଣ୍ଣ ଖାଲି କରିବା ଠାରୁ ଦୂରେଇ ରହିବା ଉଚିତ। ବ୍ୟବହାର ପରେ କେଟଲ୍ ବନ୍ଦ ହେଲେ ମଧ୍ୟ, ଏହାର ଆଧାର ଗରମ ରହିଥାଏ।
ଯଦି ସବୁ ପାଣି କେଟଲ୍ରୁ ବାହାରିଯାଏ, ତେବେ ଏହାର ଥର୍ମାଲ୍ ରିଲେ ଶୀଘ୍ର ଖରାପ ହୋଇପାରେ। କେଟଲ୍ରୁ ପାଣି ବାହାର କରିବାବେଳେ ସେଥିରେ କିଛି ପାଣି ରଖିଦେବା ଉଚିତ ଯାହାଫଳରେ କେଟଲ୍ଟି ଧୀରେ ଧୀରେ ଥଣ୍ଡା ହୋଇଯାଏ।
କେଟଲ୍କୁ ସଫା କରନ୍ତୁ:
ଯଦି ନିୟମିତ ଭାବେ ଇଲେକ୍ଟ୍ରିକ୍ କେଟଲ୍ ସଫା କରା ନ ଯାଏ, ତା’ହେଲେ ଏଥିରେ ଏକ ସ୍ତର ଜମା ହେବା ଆରମ୍ଭ କରେ, ଯାହା ଜଳର ଗୁଣବତ୍ତା ଉପରେ ପ୍ରଭାବ ପକାଇଥାଏ ଏବଂ ସ୍ୱାସ୍ଥ୍ୟ ପାଇଁ କ୍ଷତିକାରକ ହୋଇପାରେ। କେଟଲ୍କୁ ସଫା କରିବା ପାଇଁ ଏଥିରେ କିଛି ଧଳା ଭିନେଗାର ନେଇ ଏଥିରେ ଅଧା ଗିନା ପାଣି ମିଶାନ୍ତୁ। ଏହା ପରେ, ଏହାକୁ ଟର୍ନ୍ କରି ପାଣି ଫୁଟାନ୍ତୁ।
ପାଣି ଫୁଟିବା ପରେ ଏହାକୁ ୧୦ ମିନିଟ୍ ପାଇଁ ଛାଡି ଦିଅନ୍ତୁ ଏବଂ ପରେ ଢାଳି ଦିଅନ୍ତୁ। ଏବେ ଏକ ସଫା କପଡା ନେଇ କେଟଲ୍କୁ ପୋଛି ଦିଅନ୍ତୁ। ଭିନେଗାରରେ ଥିବା ଏସିଡ୍ ଯୋଗୁଁ, କେଟଲ୍ରେ ଜମା ହୋଇଥିବା ସ୍ତର ସହଜରେ ବାହାରିଯାଏ।
