Technology: WhatsApp ବ୍ୟବହାର କରୁଥିଲେ ଏହି ୫ ଫିଚରକୁ ନିଶ୍ଚିତ ଅନ୍ କରନ୍ତୁ; ମିଳିବ ବଡ ଲାଭ

ଆଜିକାଲି କିଏ ବା WhatsApp ବ୍ୟବହାର ନ କରୁଛନ୍ତି। ଯାହାର ସ୍ମାର୍ଟଫୋନ୍ ଅଛି ସେ ନିଶ୍ଚିତ ଭାବରେ WhatsApp ବ୍ୟବହାର କରୁଛନ୍ତି। ଯଦି ଆପଣ ମଧ୍ୟ WhatsApp ବ୍ୟବହାର କରୁଛନ୍ତି ଏବଂ ଆପଣଙ୍କର ଚାଟ୍ ଏବଂ ବ୍ୟକ୍ତିଗତ ସୂଚନାର ସୁରକ୍ଷା ପ୍ରତି ଗମ୍ଭୀର, ତେବେ WhatsAppରେ ଥିବା କିଛି ସର୍ବୋତ୍ତମ ପ୍ରାଇଭେସୀ ଫିଚରକୁ ନିଶ୍ଚିତ ଭାବରେ ସକ୍ରିୟ କରନ୍ତୁ।

ଏହି ସେଟିଂସ୍ ଆପଣଙ୍କୁ ଅନାବଶ୍ୟକ କଲ୍, ଗ୍ରୁପ୍ ଏବଂ ଡାଟା ଚୋରିରୁ ରକ୍ଷା କରିପାରିବ। ତେବେ ହ୍ୱାଟସଆପର ସେହି ୫ଟି ଗୁରୁତ୍ୱପୂର୍ଣ୍ଣ ପ୍ରାଇଭେସୀ ସେଟିଂସ୍ ବିଷୟରେ ଜାଣିନେବା ଯାହାକୁ ସର୍ବଦା ଚାଲୁ ରଖିବା ଦରକାର।

ଅଧିକ ପଢ଼ନ୍ତୁ: ଏହିସବୁ ଫୋନ୍‌ରେ କାମ କରିବ ନାହିଁ ହ୍ୱାଟ୍ସଆପ୍; ଆପଣ ଏଥିରେ ନାହାନ୍ତି ତ.., ଦେଖନ୍ତୁ ତାଲିକା

ଆଡ୍‌ଭାନ୍ସ ଚାଟ୍ ପ୍ରାଇଭେସୀ:

ଏହି ଫିଚର୍ ଆପଣଙ୍କର ଗୁରୁତ୍ୱପୂର୍ଣ୍ଣ କିମ୍ବା ସମ୍ବେଦନଶୀଳ ଚାଟ୍‌ଗୁଡ଼ିକୁ ଅଧିକ ସୁରକ୍ଷିତ କରିଥାଏ। ଯେତେବେଳେ ଆପଣ ଏହାକୁ ଏକ ଚାଟ୍ କିମ୍ବା ଗ୍ରୁପ୍‌ରେ ଚାଲୁ କରନ୍ତି, ସେହି ଚାଟ୍‌କୁ ଏକ୍ସପୋର୍ଟ କରାଯାଇପାରିବ ନାହିଁ ଏବଂ ଏଥିରେ ଥିବା ମିଡିଆ ଫୋନ୍‌ର ଗ୍ୟାଲେରୀରେ ସେଭ୍ ହେବ ନାହିଁ।

ଆପଣ ଯେଉଁ ଚାଟ୍‌ରେ ଏହି ସେଟିଂ ଲାଗୁ କରିବାକୁ ଚାହୁଁଛନ୍ତି ତାହା ଖୋଲନ୍ତୁ → ଉପରେ ଥିବା ଚାଟ୍ ନାମରେ ଟ୍ୟାପ୍ କରନ୍ତୁ → "Advanced Chat Privacy" ଚୟନ କରନ୍ତୁ।

ଏଣ୍ଡ-ଟୁ-ଏଣ୍ଡ୍‌ ଏନ୍‌କ୍ରିପ୍ଟ ବ୍ୟାକଅପ୍:

WhatsAppର ଏହି ଫିଚର୍ ଆପଣଙ୍କ ଚାଟ୍ ବ୍ୟାକ୍‌ଅପ୍‌କୁ ସମ୍ପୂର୍ଣ୍ଣ ସୁରକ୍ଷିତ କରିଥାଏ, ଅର୍ଥାତ୍, ଯଦି ଆପଣ Google Drive (Android) କିମ୍ବା iCloud (iPhone)ରେ ଆପଣଙ୍କ ଚାଟ୍‌ର ବ୍ୟାକ୍‌ଅପ୍ ନିଅନ୍ତି, ତେବେ ଏହାକୁ ଅନ୍ୟ କେହି ପଢ଼ିପାରିବେ ନାହିଁ।

ଏହାକୁ Settings → Chats → Chat Backup → End-to-End Encrypted Backup → Turn On → ପାସୱାର୍ଡ କିମ୍ବା ୬୪-ଅଙ୍କ ଏନ୍‌କ୍ରିପ୍ସନ ସହିତ ସେଟ୍ ଅପ୍ କରନ୍ତୁ।

କିଏ ଆପଣଙ୍କୁ ଗ୍ରୁପ୍‌ରେ ଯୋଗ କରିପାରିବେ:

ସାଧାରଣତଃ ଯେକେହି ଯେକୌଣସି ବ୍ୟକ୍ତିଙ୍କୁ ଏକ ଗ୍ରୁପ୍‌ରେ ଆଡ୍ କରିଦିଅନ୍ତୁ କିନ୍ତୁ ଆପଣ ଏହାକୁ ନିୟନ୍ତ୍ରଣ କରିପାରିବେ। ଆପଣଙ୍କୁ କିଏ WhatsApp ଗ୍ରୁପ୍‌ରେ ଯୋଡି ପାରିବେ ତାହା ଆପଣ ସ୍ଥିର କରିପାରିବେ। ଏହା ସାହାଯ୍ୟରେ ଆପଣ ଅନାବଶ୍ୟକ ଗ୍ରୁପ୍ ଏବଂ ସ୍ପାମ୍ ଏଡାଇ ପାରିବେ।

ଏହାକୁ ଅନ୍ କରିବା ପାଇଁ Settings → Privacy → Groups → “Everyone,” “My Contacts,” ବା “My Contacts Except”ରେ ଅପ୍‌ସନ୍ ବାଛନ୍ତୁ।

ଅଜଣା କଲ୍‌କୁ ସାଇଲେନ୍ସ:

ଏହି ଫିଚର ସାହାଯ୍ୟରେ, ଅଜଣା ନମ୍ବରରୁ ଆସୁଥିବା କଲ୍ ମ୍ୟୁଟ୍ ହୋଇଯାଏ। ଏହାର ଅର୍ଥ ଆପଣଙ୍କ ଫୋନ୍ ରିଙ୍ଗ୍‌ ହେବ ନାହିଁ କିମ୍ବା ଭାଇବ୍ରେଟ୍ ହେବ ନାହିଁ, ବରଂ କଲ୍ ଲଗ୍ ଏବଂ ବିଜ୍ଞପ୍ତିଗୁଡ଼ିକରେ ଦେଖାଯିବ।

ଏହାକୁ ଅନ୍ କରିବା ପାଇଁ Settings → Privacy → Calls → “Silence Unknown Callers ସେଟ୍ କରନ୍ତୁ।

ଫଟୋ ଏବଂ ଭିଡିଓ ପାଇଁ ' View Once’ ମୋଡ୍:

ଏହି ଫିଚର ଆପଣଙ୍କୁ ଏପରି ଏକ ଫଟୋ କିମ୍ବା ଭିଡିଓ ପଠାଇବାକୁ ଅନୁମତି ଦିଏ ଯାହାକୁ ଗ୍ରହଣକାରୀ କେବଳ ଥରେ ଦେଖିପାରିବେ। ଥରେ ଦେଖିବା ପରେ, ମିଡିଆ ଚାଟ୍‌ରୁ ଅଦୃଶ୍ୟ ହୋଇଯିବ। ଯେତେବେଳେ ଆପଣ ଏକ ଫଟୋ କିମ୍ବା ଭିଡିଓ ପଠାଉଛନ୍ତି, ପଠାଇବା ପୂର୍ବରୁ "1" ଆଇକନ ଉପରେ ଟାପ୍ କରନ୍ତୁ।

ଅଧିକ ପଢ଼ନ୍ତୁ: WhatsAppରେ କରନ୍ତୁ ଏମିତି; ଆପଣଙ୍କୁ କେହି କୌଣସି ଗ୍ରୁପ୍‌ରେ ଆଡ୍ କରିପାରିବେ ନାହିଁ