ଆଜିକାଲି ସ୍ମାର୍ଟଫୋନ୍ କିଏ ବା ନ ବ୍ୟବହାର କରୁଛି। ଅନେକ କିନ୍ତୁ ଏହାର ସଠିକ୍ ବ୍ୟବହାର ଜାଣନ୍ତି ନାହିଁ। ଆମେ ଯଦି ଆପଣଙ୍କୁ କହିବୁ ଯେ ଆପଣ ନିଜ ସ୍ମାର୍ଟଫୋନ୍କୁ ଭୁଲ୍ ଚାର୍ଜ କରୁଛନ୍ତି, ତେବେ ଆପଣ ନିଶ୍ଚିତ ଭାବିବେ ଥଟ୍ଟା କରୁଛନ୍ତି। ଆପଣ କହିବେ ‘ମୁଁ ଏତେ ବର୍ଷ ଧରି ମୋବାଇଲ୍ ବ୍ୟବହାର କରୁଛି ଏବଂ ଆପଣ ମୋତେ କହିବେ ଫୋନ୍ କିପରି ଚାର୍ଜ କରିଯାଏ? ତେବେ ସମସ୍ୟା ଏପରି ଯେ ଅଧିକାଂଶ ଲୋକ ଏହା ବିଷୟରେ ଅବଗତ ନୁହଁନ୍ତି।
ବଡ ବ୍ୟାଟେରୀ ଏବଂ ଫାଷ୍ଟ ଚାର୍ଜିଂ ପରେ ବି ଅଧିକାଂଶ ଲୋକେ ଚାର୍ଜିଂ ପାଇଁ ଚିନ୍ତିତ। ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ଆପଣଙ୍କର କିଛି ମୋବାଇଲ୍ ଚାର୍ଜିଂ ଅଭ୍ୟାସ ଆପଣଙ୍କ ଫୋନ୍ ଏବଂ ବ୍ୟାଟେରୀକୁ କ୍ଷତି ପହଞ୍ଚାଉଛି। ହୁଏତ ଆପଣ ଏ ବିଷୟରେ ଜାଣି ନଥିବେ। ଆଜି ଆମେ ଆପଣଙ୍କୁ ଏହାକୁ ନେଇ କିଛି ଟିପ୍ସ କହିବୁ, ଯାହା ଅନୁସରଣ କରି ଆପଣ ଉଭୟ ବ୍ୟାଟେରୀ ଏବଂ ଫୋନ୍କୁ ଦୀର୍ଘ ସମୟ ପର୍ଯ୍ୟନ୍ତ ବ୍ୟବହାର କରିପାରିବେ।
Also Read
ଅଧିକ ପଢ଼ନ୍ତୁ: ଅଧିକ ଖରା ପାଇଁ ଗରମ ହେଉଛି ଡିଭାଇସ୍, ଘର ପାଇଁ ସାଜୁଛି ବିପଦ
ଅସଲି ଚାର୍ଜର ବ୍ୟବହାର:
ସବୁବେଳେ ଅସଲି ଚାର୍ଜର ବ୍ୟବହାର କରନ୍ତୁ ଯାହା ଆପଣଙ୍କ ଫୋନ୍କୁ ସପୋର୍ଟ କରେ। ବଜାରରୁ ଯେକୌଣସି ଚାର୍ଜର କିଣି ଆଣି ଏହାକୁ ବ୍ୟବହାର କରିବା ବିପଜ୍ଜନକ ହୋଇପାରେ।
ଅଧିକ ଚାର୍ଜିଂରୁ ଦୂରେଇ ରୁହନ୍ତୁ:
ଆପଣଙ୍କ ମୋବାଇଲର ସର୍ବାଧିକ ଚାର୍ଜିଂରୁ ଦୂରେଇ ରୁହନ୍ତୁ, ଯଥା ଏହାକୁ କେବଳ ୮୦-୯୦% ପର୍ଯ୍ୟନ୍ତ ଚାର୍ଜ କରନ୍ତୁ।
ଫାଷ୍ଟ୍ ଚାର୍ଜିଂରୁ ଦୂରେଇ ରୁହନ୍ତୁ:
ଫାଷ୍ଟ୍ ଚାର୍ଜିଂ ବ୍ୟାଟେରୀର ଲାଇଫ୍ ନଷ୍ଟ କରିଥାଏ। ଆପଣ ୨୦ୱାଟ୍ ପର୍ଯ୍ୟନ୍ତ ଚାର୍ଜର ବ୍ୟବହାର କରିପାରିବେ।
ଗରମରୁ ଦୂରେଇ ରୁହନ୍ତୁ:
ମୋବାଇଲକୁ ଗରମ ସ୍ଥାନରେ କିମ୍ବା ସିଧା ସୂର୍ଯ୍ୟ କିରଣରେ ରଖନ୍ତୁ ନାହିଁ, କାରଣ ଅତ୍ୟଧିକ ଉତ୍ତାପ କରଣରୁ ବ୍ୟାଟେରୀ ଫୁଲି ଯାଇପାରେ ଏବଂ ନଷ୍ଟ ହୋଇପାରେ।
ଚାର୍ଜିଂ କେବୁଲ ପ୍ରତି ଧ୍ୟାନ:
ସର୍ବଦା ସେହି ଚାର୍ଜିଂ କେବୁଲକୁ ବ୍ୟବହାର କରନ୍ତୁ ଯାହା ମୂଳ କିମ୍ବା ଫୋନ୍ ସହିତ ଆସିଥାଏ। ଏହାକୁ ମୋଡିମାଡି ରଖନ୍ତୁ ନାହିଁ।
ବିଛଣାରେ ରଖନ୍ତୁ ନାହିଁ:
ବେଡ୍, ସୋଫା କିମ୍ବା ଶେଯ ଉପରେ ମୋବାଇଲ୍ ଚାର୍ଜ କରିବା ଠାରୁ ଦୂରେଇ ରୁହନ୍ତୁ, କାରଣ ଏହା ଉତ୍ତାପ ସୃଷ୍ଟି କରିପାରେ ଯାହା ବ୍ୟାଟେରୀ ପାଇଁ ଭଲ ନୁହେଁ।
ରାତି ଚାର୍ଜିଂରୁ ଦୂରେଇ ରୁହନ୍ତୁ:
ରାତିସାରା ମୋବାଇଲ୍ ଚାର୍ଜ କରିବା ଠାରୁ ଦୂରେଇ ରୁହନ୍ତୁ, କାରଣ ଏହା ବ୍ୟାଟେରୀକୁ ଅଧିକ ଚାର୍ଜ କରି ଉତ୍ତାପ ସୃଷ୍ଟି କରେ।