କ୍ରିକେଟରୁ ସନ୍ନ୍ୟାସ ନେବେ କି ବିରାଟ ? ଏମିତି ପୋଷ୍ଟ ଶେଆର ପରେ ବଢ଼ିଲା ଫ୍ୟାନ୍ସଙ୍କ ହାର୍ଟ ବିଟ୍‌...

ଟି-୨୦ ବିଶ୍ୱକପ୍‌(T-20 World Cup)ରେ ଟିମ୍‌ ଇଣ୍ଡିଆ ଏତେଟା ଭଲ ପ୍ରଦର୍ଶନ ଦେଖିବାକୁ ମିଳିନାହିଁ। ସେମିଫାଇନାଲ୍‌ରେ ଟିମ୍‌ ଇଣ୍ଡିଆ, ଇଂଲଣ୍ଡଠୁ ହାରି ଟୁର୍ଣ୍ଣାମେଣ୍ଟରୁ ବାଦ୍‌ ପଡ଼ିଥିଲା।କୁହାଯାଉଛି ଯେ, ଟିମ୍‌ ଇଣ୍ଡିଆ କ୍ୟାପଟେନ୍‌ ରୋହିତ ଶାର୍ମା, ପୂର୍ବତନ କ୍ୟାପଟେନ୍‌ ବିରାଟ କୋହଲି, ୱିକେଟ୍‌ କିପର୍‌ ଦିନେଶ କାର୍ତ୍ତିକ ଓ ସ୍ପିନର୍‌ ରବିଚନ୍ଦ୍ରନ୍‌ ଅଶ୍ୱିନୀଙ୍କ ଏହା ଶେଷ ବିଶ୍ୱକପ୍‌। 

ପୁଣି ୨ ବର୍ଷ ପରେ ହେବାକୁ ଥିବା ଟି-୨୦ ବିଶ୍ୱକପ୍‌ ମ୍ୟାଚ୍‌ରେ ହୁଏତ ଏହିସବୁ ଖେଳାଳିଙ୍କୁ ସୁଯୋଗ ମିଳି ନପାରେ। ଏସବୁ ଭିତରେ ବିରାଟ କୋହଲି ଶନିବାର ଦିନ ଏମିତି ଏକ ପୋଷ୍ଟ ଶେଆର କରିଛନ୍ତି, ଯାହାକୁ ଦେଖି କିଛି ସମୟ ପାଇଁ ଫ୍ୟାନ୍ସଙ୍କ ହାର୍ଟ ବିଟ୍‌ ବଢ଼ି ଯାଇଥିଲା। ଏହାପରେ ଆରମ୍ଭ ହୋଇଯାଇଥିଲା ଚର୍ଚ୍ଚା। ବିଶ୍ୱକପ୍‌ରେ ପାକିସ୍ତାନ ବିପକ୍ଷ ମ୍ୟାଚ୍‌କୁ ମନେ ପକାଇ ବିରାଟ ଏହି ଫଟୋ ଶେଆର କରିଛନ୍ତି। କୋହଲି ଯେଉଁ ଫଟୋ ଶେଆର କରିଛନ୍ତି, ସେଥିରେ ଦେଖିବାକୁ ମିଳିଛି ସେ ବ୍ୟାଟ୍‌ ଧରି ପାଭିଲିଅନ୍‌କୁ ଫେରୁଛନ୍ତି।

 

 

 

 

View this post on Instagram

 

 

 

 

 

 

 

 

 

 

 

A post shared by Virat Kohli (@virat.kohli)

ବିରାଟଙ୍କ ପୋଷ୍ଟକୁ ନେଇ ଫ୍ୟାନ୍ସ ଲାଗିଲା ବଡ଼ ଝଟ୍‌କା...

ବିରାଟଙ୍କ ଏହି ପୋଷ୍ଟକୁ ଦେଖି କିଛି ସମୟ ପାଇଁ ଫ୍ୟାନ୍ସ ବହୁତ ଡରି ଯାଇଥିଲେ। କାରଣ ସେମାନଙ୍କୁ ଲାଗିଥିଲା ବିରାଟ କୋହଲି କ୍ରିକେଟରୁ ସନ୍ନ୍ୟାସ ନେଉଛନ୍ତି। ହେଲେ ସେଭଳି କିଛି ଘଟି ନାହିଁ। ଫଟୋ ଶେଆର କରି ବିରାଟ ଲେଖିଛନ୍ତି, ୨୦୨୨, ଅକ୍ଟୋବର ୨୩ ଏହି ଦିନ ସବୁବେଳେ ମନେ ରହିବ। ପୂର୍ବରୁ କେବେବି ଏପରି ଏନର୍ଜି କ୍ରିକେଟ୍‌ ମ୍ୟାଚ୍‌ରେ ଅନୁଭବ କରିନଥିଲି। ସତରେ, କେତେ ସୁନ୍ଦର ଥିଲା ସେଦିନ ସନ୍ଧ୍ୟା।’

October 23rd 2022 will always be special in my heart. Never felt energy like that in a cricket game before. What a blessed evening that was 💫🙏 pic.twitter.com/rsil91Af7a

— Virat Kohli (@imVkohli) November 26, 2022

କୋହଲି ଇନ୍‌ଷ୍ଟାଗ୍ରାମ ଓ ଟ୍ୱିଟରରେ ଏହି ପୋଷ୍ଟ ଶେଆର କରିଛନ୍ତି। ପୋଷ୍ଟରେ କମେଣ୍ଟସ୍‌ ଦେଇ ଫ୍ୟାନ୍ସ ଲେଖିଛନ୍ତି, ‘ସାର୍‌, ଏଭଳି ପୋଷ୍ଟ ଶେଆର କରନ୍ତୁ ନାହିଁ। ହଠାତ୍‌ ଏମିତି ପୋଷ୍ଟ ଦେଖି ଲାଗିଲା ହାର୍ଟ ଆଟାକ୍‌ ହୋଇଯିବ। କିଛି ସମୟ ପାଇଁ ଲାଗିଲା ଆପଣ ରିଟାୟରମେଣ୍ଟ ନେଇଗଲେ।’

Dhanki picture use karo subha subha heart attack aajata 😭😭

— 𝐬.🌙 (@coffeexbooksxx) November 26, 2022

October 23rd 2022 will always be special in my heart. Never felt energy like that in a cricket game before. What a blessed evening that was 💫🙏 pic.twitter.com/rsil91Af7a

— Virat Kohli (@imVkohli) November 26, 2022

ଏମିତି ଅନ୍ଦାଜରେ ସନ୍ନାସ ନେଇଥିଲେ ଧୋନୀ...

ପୂର୍ବତନ କ୍ୟାପଟେନ୍‌ ମେନ୍ଦ୍ର ସିଂ ଧୋନୀ ମଧ୍ୟ ୨ ବର୍ଷ ପୂର୍ବେ ଏମିତି କିଛି ଅନ୍ଦାଜରେ କ୍ରିକେଟରୁ ସନ୍ନ୍ୟାସ ଘୋଷଣା କରିଥିଲେ। ୨୦୨୦, ଅଗଷ୍ଟ ୧୫ରେ ଇନ୍‌ଷ୍ଟାଗ୍ରମରେ ଭିଡିଓ ଶେଆର କରି ଲେଖିଥିଲେ- ଆପଣଙ୍କ ଭଲ ପାଇବା ଓ ସପୋର୍ଟ ପାଇଁ ଧନ୍ୟବାଦ। ଭାବି ନିଅନ୍ତୁ ସନ୍ଧ୍ୟା ୭ଟା ୨୯ ମିନିଟ୍‌ରୁ ମୁଁ ଅବସର ନେଲି’। 

 

 

 

 

View this post on Instagram

 

 

 

 

 

 

 

 

 

 

 

A post shared by M S Dhoni (@mahi7781)

OTV is now on Whatsapp

Join and get latest news update delivered to you via whatsapp

Join Now