ବିଶ୍ୱକପ୍ ଟ୍ରଫିକୁ ଗୋଡ଼ ତଳେ ରଖିଛନ୍ତି ଅଷ୍ଟ୍ରେଲିଆ ଖେଳାଳି ! ଭାଇରାଲ୍‌ ହେଉଛି ଫଟୋ...

ବିଶ୍ୱକପ୍ ପାଇଁ କେତେ ଝାଳବୁହା ପରିଶ୍ରମ...ଅନେକ ସଂଘର୍ଷ, ଶହ ଶହ ଦିନର ଅଭ୍ୟାସ । କ୍ରିକେଟ୍‌ ବିଶ୍ୱକପ୍ ଟ୍ରଫି ପାଇଁ ଭାରତ ସମେତ ସାରା ବିଶ୍ୱର ଟପ୍ କ୍ରିକେଟ୍ ଟିମ୍ ବହୁତ ପରିଶ୍ରମ କରିଥାନ୍ତି । ହେଲେ ବିଶ୍ୱକପ୍ ଜିତିବା ପରେ ଅଷ୍ଟ୍ରେଲିଆ କିଭଳି ଭାବେ ଏହାର ସମ୍ମାନ କରୁଛି ଏହାର ଏକ ଦୃଶ୍ୟ ସୋସିଆଲ ମିଡିଆରେ ଭାଇରାଲ୍‌ ହେଉଛି । 

ଗତକାଲି ବିଶ୍ୱକପ୍ ଜିତିବା ପରେ ଅଷ୍ଟ୍ରେଲିଆ ଖେଳାଳି ମିଚେଲ୍ ମାର୍ସ ଟ୍ରଫିକୁ ଗୋଡ଼ ତଳେ ରଖିଥିବାର ଏକ ଫଟୋ ସୋସିଆଲ ମିଡିଆରେ ଭାଇରାଲ୍‌ ହେଉଛି । ଟ୍ରଫି ଉପରେ ଗୋଡ଼ ରଖି ସେ ଫଟୋ ଉଠାଇଛନ୍ତି । ଏହି ଫଟୋ ଭାଇରାଲ୍ ହେବା ପରେ ସୋସିଆଲ୍ ମିଡିଆରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି ।

ଫଟୋରେ କେତେ ସତ୍ୟାସତ୍ୟ ଅଛି ତାହା ସ୍ପଷ୍ଟ ହୋଇନାହିଁ । ଏପରିକି ଏହି ଭାଇରାଲ୍‌ ଫଟୋକୁ ନେଇ ଖବର ଲେଖାଯିବା ସୁଦ୍ଧା ଅଷ୍ଟ୍ରେଲିଆ କ୍ରିକେଟ୍‌ ଟିମ୍‌ ପ୍ରତିକ୍ରିୟା ରଖି ନାହିଁ । ଘଟଣା ଯାହା ହେଉନା କାହିଁକି ବିଶ୍ୱକପ୍‌କୁ ଏ କି ପ୍ରକାର ସମ୍ମାନ ବୋଲି କ୍ରୀଡାପ୍ରେମୀ ପ୍ରଶ୍ନ କରିଛନ୍ତି ।