ଭାରତ ଆସିବେ ସୁନକ, ଦେଖିବେ ବିଶ୍ବକପ ମ୍ୟାଚ

ଭାରତ-ଇଂଲଣ୍ତ ମ୍ୟାଚ ଦେଖିବେ ଇଂଲଣ୍ତ ପ୍ରଧାନମନ୍ତ୍ରୀ ଋଷି ସୁନକ । ଆସନ୍ତା 29 ରେ ଲକ୍ଷ୍ନୌରେ ଖେଳାଯିବ ଭାରତ ଓ ଇଂଲଣ୍ତ ମଧ୍ୟରେ ବିଶ୍ବକପ ମ୍ୟାଚ । ଅକ୍ଟୋବର ଶେଷରେ ଋଷି ସୁନକଙ୍କର ଭାରତ ଆସିବାର କାର୍ଯ୍ୟକ୍ରମ ରହିଛି ।

ଯଦି ସୁନକଙ୍କର ଭାରତ ଗସ୍ତ ଚୂଡାନ୍ତ ହୁଏ ତେବେ ସେ ଲକ୍ଷ୍ନୌରେ ଭାରତ-ଇଂଲଣ୍ତ ମ୍ୟାଚ ଦେଖି ପାରନ୍ତି ବୋଲି ସୂଚନା ମିଳିଛି । ତେବେ ଏନେଇ କିଛି ଚୂଡାନ୍ତ ସୂଚନା ମିଳି ପାରିନାହିଁ ।

ସୂଚନା ଅନୁସାରେ ଆମଦାନୀ ଶୁଳ୍କ ଉପରେ ରିହାତି ସମସ୍ୟା ଓ ଭାରତ-ଇଂଲଣ୍ତ ବାଣିଜ୍ୟିକ ଆଲୋଚନା ପାଇଁ ସୁନକ ଭାରତ ଆସୁଛନ୍ତି । ଆମଦାନୀ ଶୁକ୍ଲ ଉପରେ ଥିବା ସମସ୍ୟାକୁ ଦୂର କରିବା ପାଇଁ ଉଦ୍ୟମ ଚାଲିଛି । ସୁନକଙ୍କ ଗସ୍ତ ନିମନ୍ତେ ବାଣିଜ୍ୟ ଚୁକ୍ତି ଚୂଡାନ୍ତ ହୋଇନଥିଲେ ମଧ୍ୟ ଏହା ଆଲୋଚନାକୁ ତ୍ୱରାନ୍ୱିତ କରିବାରେ ସାହାଯ୍ୟ କରିବ ବୋଲି ରିପୋର୍ଟ ପ୍ରକାଶ ପାଇଛି ।

ଶେଷ ଥର ପାଇଁ ଜି20 ସମିଟ୍ ବେଳେ ଇଂଲଣ୍ତ ପ୍ରଧାନମନ୍ତ୍ରୀ ଭାରତ ଆସିଥିଲେ । ଏହି ସମୟରେ ଭାରତ ଓ ଇଂଲଣ୍ତ ମଧ୍ୟରେ ବାଣିଜ୍ୟିକ ଚୁକ୍ତି ଉପରେ ଆଲୋଚନା ପାଇଁ ପ୍ରଧାନମନ୍ତ୍ରୀ ମୋଦିଙ୍କ ସହ ଆଲୋଚନା କରିଥିଲେ ।

ଏଣୁ ଚଳିତ ମାସ ଶେଷ ଆଡ଼କୁ ସୁନକ ଭାରତ ଆସି ପାରନ୍ତି ବୋଲି ରିପୋର୍ଟ ପ୍ରକାଶ ପାଇଛି ।