LIVE TV
୧୯ ବର୍ଷରୁ କମ୍ ମହିଳା ବିଶ୍ୱକପ୍ କ୍ରିକେଟ ଫାଇନାଲରେ ଭାରତ । ଆଜି ସାଉଥ୍ ଆଫ୍ରିକାରେ ଖେଳାଯାଇଥିବା ପ୍ରଥମ ସେମିଫାଇନାଲରେ ନ୍ୟୁଜିଲାଣ୍ଡକୁ ୮ ୱିକେଟରେ ପରାସ୍ତ କରିଛି ଭାରତୀୟ ବାଳିକା ଦଳ । ଟସ୍ ଜିତି ନ୍ୟୁଜିଲାଣ୍ଡକୁ ପ୍ରଥମେ ବ୍ୟାଟିଂ ପାଇଁ ନିମନ୍ତ୍ରଣ କରିଥିଲା ଭାରତ । ନିର୍ଦ୍ଧାରିତ ୨୦ ଓଭରରେ କିଓ୍ୱି ଟିମ୍ ୯ ଓ୍ୱିକେଟ୍ ହରାଇ ୧୦୭ ରନ୍ କରିଥିଲା । ଭାରତ ପକ୍ଷରୁ ପରଶ୍ୱି ଚୋପ୍ରା ୩ଟି ଓ୍ୱିକେଟ୍ ନେଇଥିଲେ । ଜବାବରେ ଭାରତ ୧୪.୨ ଓଭରରେ ୨ ଓ୍ୱିକେଟ୍ ହରାଇ ବିଜୟ ଲକ୍ଷ୍ୟ ହାସଲ କରିନେଇଥିଲା । ଇଣ୍ଡିଆର ଶ୍ୱେତା ସେହରାଓ୍ୱତ୍ ଅପରାଜିତ ୬୧ ରନ୍ କରିଥିଲେ । ଫାଇନାଲରେ ଭାରତ, ଇଂଲଣ୍ଡ ଓ ଅଷ୍ଟ୍ରେଲିଆ ମଧ୍ୟରେ ଖେଳାଯାଉଥିବା ଦ୍ୱିତୀୟ ସେମିଫାଇନାଲର ବିଜେତାଙ୍କୁ ଭେଟିବ ।
