IPL Final 2021: ଟାଇଟଲ୍‌ ପାଇଁ ସିଏସ୍‌କେ-କେକେଆର୍‌ ମଧ୍ୟରେ ହେବ କଡ଼ା ମୁକାବିଲା

ଆବୁ ଧାବି: ଆଜି ଆଇପିଏଲ୍‌ର ଗ୍ରାଣ୍ଡ୍‌ ଫିନାଲେ। ଟାଇଟଲ୍‌ ପାଇଁ ୟୁଏଇରେ ଧୋନିଙ୍କ ଚେନ୍ନାଇ ସୁପର କିଙ୍ଗସ୍‌(CSK) ଓ ମୋର୍ଗାନ୍‌ଙ୍କ କୋଲକାତା ନାଇଟ୍ ରାଇଡର୍ସ(KKR) ମଧ୍ୟରେ ହେବ କଡ଼ା ମୁକାବିଲା। ରେକର୍ଡ କହୁଛି, ଦ୍ୱିତୀୟ ବ୍ୟାଟିଂ କରିଥିବା ଟିମ୍ ଶେଷ ୮ ମ୍ୟାଚ୍‌ ଜିତିଛି। ତେଣୁ ଆଜି ଯେଉଁ ଟିମ୍ ଟସ୍ ଜିତିବ, ପ୍ରଥମେ ବୋଲିଂ କରିବାକୁ ପସନ୍ଦ କରିବ।

କେକେଆର୍‌ ଟିମ୍ ଶେଷ ୪ଟି ଯାକ ମ୍ୟାଚ୍‌ରେ ଜବରଦସ୍ତ ପ୍ରଦର୍ଶନ କରି ଫାଇନାଲକୁ ଯାଇଛି। ଆଇପିଏଲ୍‌ରେ କୋଲକାତା ଟିମ୍ ତୃତୀୟ ଥର ଫାଇନାଲରେ ପହଞ୍ଚିଛି ଏବଂ ୨ଥର ଚାମ୍ପିଅନ୍ ହୋଇଛି। 

Also Read

ଜାମ୍ମୁ କାଶ୍ମୀର ଓ ଲଦାଖ ଗସ୍ତରେ ରାଷ୍ଟ୍ରପତି ରାମ ନାଥ କୋବିନ୍ଦ; ଜବାନଙ୍କ ସହିତ ପାଳିବେ ଦଶହରା

ବର୍ଷକୁ ଲକ୍ଷେ ଲୋକଙ୍କ ପ୍ରାଣ ନେଉଛି ଏହି କେମିକାଲ୍‌

ବରିଷ୍ଠ ମାଓ ନେତା ଆର୍‌କେ ମୃତ

୨୦୧୨ ଓ ୨୦୧୪ରେ ଗୌତମ ଗମ୍ଭୀରଙ୍କ ଅଧିନାୟକତ୍ୱରେ କୋଲକାତା ନାଇଟ୍ ରାଇଡର୍ସ ଚାମ୍ପିଅନ୍ ହୋଇଥିଲା। ଆଉ ଏଥର ଇଅନ୍ ମୋର୍ଗାନ୍‌ଙ୍କ କ୍ୟାପ୍ଟେନ୍ସିରେ ଦଳ ଫାଇନାଲକୁ ଯାଇଛି। ସେହିପରି ଆଇପିଏଲ୍‌ରେ ଚେନ୍ନାଇ ଟିମ୍ ନବମ ଥର ପାଇଁ ଫାଇନାଲକୁ ଯାଇ ଥିବାବେଳେ ୩ ଥର ଚାମ୍ପିଅନ୍ ହୋଇଛି। ଫଳରେ ଆଜି ଏକ ଦମ୍‌ଦାର୍‌ ମ୍ୟାଚ୍‌ ଦେଖିବାକୁ କ୍ରିକେଟପ୍ରେମୀ ଆଶା ରଖିଛନ୍ତି। 

OTV is now on Whatsapp

Join and get latest news update delivered to you via whatsapp

Join Now