ଟିମ୍‌ ଇଣ୍ଡିଆର ରାସ୍ତା କ୍ଲିୟର କରିବ ଆଫଗାନିସ୍ତାନ ନା ଭାରତର ଅଭିଯାନ ଶେଷ ହେବ?

ନୂଆଦିଲ୍ଲୀ: ଟି-୨୦ ବିଶ୍ୱକପ୍ (ICC T20 World Cup)ରେ ଆଜି ଏକ ଗୁରୁତ୍ୱପୂର୍ଣ୍ଣ ମ୍ୟାଚ୍‌ ଖେଳାଯିବ। ଅପରାହ୍ନ ୩ଟା ୩୦ରେ ଆବୁଧାବିରେ ନ୍ୟୁଜିଲ୍ୟାଣ୍ଡ୍‌-ଆଫଗାନିସ୍ତାନ ସାମ୍ନାସାମ୍ନି ହେବେ। ତେବେ ଏହି ମ୍ୟାଚ୍‌ର ରେଜଲ୍ଟ ଉପରେ ନିର୍ଭର କରିବ ଟିମ୍ ଇଣ୍ଡିଆର ଭାଗ୍ୟ।

ଯଦି ଆଜିର ମ୍ୟାଚ୍‌ରେ ଆଫଗାନିସ୍ତାନ ଜିତେ, ତେବେ ଭାରତର ସେମିଫାଇନାଲକୁ ଯିବା ଆଶା ଉଜ୍ଜୀବିତ ହେବ। ଆଉ ନ୍ୟୁଜିଲ୍ୟାଣ୍ଡ୍‌ ଜିତିଲେ ଟିମ୍ ଇଣ୍ଡିଆର ବିଶ୍ୱକପ୍ ଅଭିଯାନ ଶେଷ ହୋଇଯିବ। ଯଦି ଆଜିର ମ୍ୟାଚ୍‌ରେ ଆଫଗାନିସ୍ତାନ ଜିତେ ଏବଂ ଆସନ୍ତାକାଲି ହେବାକୁ ଥିବା ମ୍ୟାଚ୍‌ରେ ଭାରତ ନାମିବିଆକୁ ହରାଇଲେ ଭାରତ ସେମିଫାଇନାଲ୍‌କୁ ଯିବାର ରାସ୍ତା ସଫା ହୋଇ ଯିବ। ତେଣୁ ଆଜିର ମ୍ୟାଚ୍‌ରେ ଆଫଗାନିସ୍ତାନ ବିଜୟ ହାସଲ କରୁ ବୋଲି ଭାରତୀୟ ପ୍ରଶଂସକମାନେ ପ୍ରାର୍ଥନା କରୁଛନ୍ତି। 

Also Read

ଚତୁର୍ଥ ବିଜୟ ସହ ସେମିଫାଇନାଲର ନିକଟତର ହେଲା ଅଷ୍ଟ୍ରେଲିଆ

T20 World Cup: ଏମିତି ହେଲେ ଭାରତ ଯିବ ସେମିଫାଇନାଲ୍‌କୁ...

ଅନ୍ତର୍ଜାତୀୟ କ୍ରିକେଟ୍‌ରୁ ଅବସର ନେଲେ ଡ୍ୱେନ୍ ବ୍ରାଭୋ

ଆଫଗାନିସ୍ତାନ, ନ୍ୟୁଜିଲ୍ୟାଣ୍ଡ୍‌କୁ ହରାଇଲେ ମଧ୍ୟ ଭାରତକୁ ଭଲ ନେଟ୍ ରନ୍‌ରେଟ୍‌ ବଜାୟ ରଖିବାକୁ ପଡ଼ିବ। ସେପଟେ ସେମିଫାଇନାଲରେ ପହଞ୍ଚିବା ପାଇଁ ନ୍ୟୁଜିଲ୍ୟାଣ୍ଡ୍‌କୁ କେବଳ ଆଫଗାନିସ୍ତାନକୁ ହରାଇବାକୁ ପଡ଼ିବ। ଆଉ ଏହି ବିଜୟ ପରେ ନ୍ୟୁଜିଲ୍ୟାଣ୍ଡ୍‌ର ୮ ପଏଣ୍ଟ ହୋଇଯିବ। ଯଦି ନ୍ୟୁଜିଲ୍ୟାଣ୍ଡ୍, ଆଫଗାନିସ୍ତାନଠୁ ହାରେ ତା’ହେଲେ ନେଟ୍ ରନ୍‌ରେଟ୍‌ରେ ଆଫଗାନିସ୍ତାନର ତଳେ ରହିବ। ଆଉ ଟିମ୍ ଇଣ୍ଡିଆ ସେମିଫାଇନାଲକୁ ଏଣ୍ଟ୍ରି କରିବ।

OTV is now on Whatsapp

Join and get latest news update delivered to you via whatsapp

Join Now