LIVE TV
ଚର୍ଚ୍ଚାରେ ରନ୍ ମେସିନ୍ଙ୍କ ଫ୍ୟାନ୍ । କିଙ୍ଗ୍ କୋହଲିଙ୍କୁ ଦେଖିବାକୁ କଲେ ୧୫୬୮ କିମି ଯାତ୍ରା । ଲଗାତାର ୬ ମ୍ୟାଚ୍ ଜିତି ପ୍ଲେଅଫ୍କୁ ଯାଇଥିବା ଆର୍ସିବି ଆଇପିଏଲ୍ରୁ ଏଲିମିନେଟ୍ ହୋଇଛି । ବୁଧବାର ନରେନ୍ଦ୍ର ମୋଦି ଷ୍ଟାଡିୟମ୍ରେ ରାଜସ୍ଥାନ ରୟାଲ୍ସ ୪ ୱିକେଟ୍ରେ ଆର୍ସିବିକୁ ହରାଇ କ୍ବାଲିଫାୟର-୨ରେ ପହଞ୍ଚିଛି । ତା ସହ ଚାରି ମ୍ୟାଚ୍ ପରାଜୟ ଧାରାରେ ବ୍ରେକ୍ ଲଗାଇଥିଲା । ଫଳରେ ଆର୍ସିବି ଓ ବିରାଟ କୋହଲିଙ୍କ ଆଇପିଏଲ୍ ଟ୍ରଫି ଜିତିବା ସ୍ବପ୍ନ ପୁଣି ଥରେ ଅଧୁରା ରହିଯାଇଛି । କିନ୍ତୁ ମ୍ୟାଚ୍ ସମୟରେ ଜଣେ ଫ୍ୟାନ୍ଙ୍କ ପୋଷ୍ଟ ଅନେକ ଚର୍ଚ୍ଚା ସୃଷ୍ଟି କରିଛି ।
Also Read
A fanbase like no other. This is what King Kohli has achieved. ❤️ pic.twitter.com/pigpFHyA8d
— Mufaddal Vohra (@mufaddal_vohra) May 22, 2024
ବିରାଟ କୋହଲିଙ୍କ ଏହି ଫ୍ୟାନ୍ ପୋଷ୍ଟରେ ଲେଖିଛନ୍ତି ଯେ ଘର ଭଡା ଏବଂ ଖାଇବା ଟଙ୍କା ସଂଚୟ କରି ସେ ୧୫୬୮ କିମି ଯାତ୍ରା କରି ଆରସିବି ଷ୍ଟାର ଖେଳାଳି ବିରାଟ କୋହଲିଙ୍କୁ ଦେଖିବାକୁ ଆସିଛନ୍ତି । ତେବେ ଏହି ଘଟଣା ଘଟିବା ପରେ ମେ’ ୨୪ରେ ଶୁକ୍ରବାର ଦିନ ଏକ ଅନ୍ଲାଇନ୍ ଖାଦ୍ୟ ବିତରଣ କମ୍ପାନୀ ଘୋଷଣା କରିଛି ଯେ କୋହଲିଙ୍କ ଏହି ଫ୍ୟାନ୍ଙ୍କୁ ଏକ ମାସ ପାଇଁ ମାଗଣାରେ ଖାଇବା ଦେବ । ଫ୍ୟାନ୍ଙ୍କ ପାଇଁ ପଠାଯାଇଥିବା ଖାଦ୍ୟର ଏକ ଫଟୋ ମଧ୍ୟ ସେୟାର କରିଛି କମ୍ପାନୀ ।
1 month ka Roti, k̶a̶p̶d̶a̶, Makan ka intezam kar diya hai ❤❤ https://t.co/oG7EyiNVLL pic.twitter.com/g8QGzBHO1u
— Swiggy (@Swiggy) May 23, 2024
ସୂଚନାଯୋଗ୍ୟ ଯେ ବିରାଟ କୋହଲି ଆଇପିଏଲ୍ ୨୦୨୪ରେ ଭଲ ଫର୍ମରେ ଥିଲେ । କୋହଲି ହାରାହାରି ୬୧.୭୫ ଏବଂ ଷ୍ଟ୍ରାଇକ୍ ରେଟ୍ ୧୫୪.୬୯ରେ ୧୪ଟି ଇନିଂସ ଖେଳି ୭୪୧ ରନ୍ ସ୍କୋର କରି ଅରେଞ୍ଜ କ୍ୟାପ୍ ମଧ୍ୟ ଜିତିଛନ୍ତି । ଏଲିମଟର ମ୍ୟାଚ୍ରେ କୋହଲି ୨୪ ବଲରେ ୩୩ ରନର ଇନିଂସ ଖେଳିଥିଲେ । କୋହଲିଙ୍କ ୱିକେଟ୍ ୟୁଜବେନ୍ଦ୍ର ଚହଲ ନେଇଥିଲେ । ଚହଲଙ୍କ ଆଇପିଏଲ ଇତିହାସରେ ପ୍ରଥମ ଥର ପାଇଁ ବିରାଟ କୋହଲିଙ୍କୁ ଆଉଟ୍ କରିଥିଲେ।
ଆମେ ଆପଣଙ୍କୁ କହି ରଖୁଛୁ ଯେ ଏଲିମଟର ମ୍ୟାଚ୍ରେ ଆରସିବି ପ୍ରଥମେ ବ୍ୟାଟିଂ କରି ୨୦ ଓଭରରେ ୮ ୱିକେଟ୍ ହରାଇ ୧୭୨ ରନ୍ ସ୍କୋର କରିଥିଲା । ରଜତ ପାଟିଦାର ସର୍ବାଧିକ ୩୪ ରନ୍ କରିଥିଲେ । ଅଭେଶ ଖାନ ତିନୋଟି ୱିକେଟ୍ ନେଇଥିଲେ । ଟାର୍ଗେଟକୁ ଗୋଡାଇ ରାଜସ୍ଥାନ ୧୯ ଓଭରରେ ୧୭୪ ରନ ସ୍କୋର କରି ବିଜୟ ହାସଲ କରିଥିଲା ।
