ୟେଲୋ ଜର୍ସିରେ ଆଉ ଫିଲ୍ଡକୁ ଓହ୍ଲାଇବେନି ମିଷ୍ଟର IPL

ଟିମ୍ ଇଣ୍ଡିଆ ପୂର୍ବତନ ଷ୍ଟାର କ୍ରିକେଟର ସୁରେଶ ରାଇନା ଆଜି ସମସ୍ତ ଫର୍ମାଟ କ୍ରିକେଟରୁ ଅବସର ଘୋଷଣା କରିଛନ୍ତି । ନିଜ ଟ୍ୱିଟର୍‌ ପେଜ୍‌ରେ ଏନେଇ ସେ ଘୋଷଣା କରିଛନ୍ତି । ୨୦୨୦ ରେ ସେ ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କରିଥିବା ବେଳେ ଆଜି ଆଇପ୍‌ଇଏଲ୍‌ ଓ ସମସ୍ତ ଘରୋଇ କ୍ରିକେଟ୍‌ରୁ ସନ୍ୟାସ୍‌ ନେଇଛନ୍ତି । ରାଇନା ବିସିସିଆଇ (BCCI) ଏବଂ ଚେନ୍ନାଇ ସୁପର କିଙ୍ଗ୍ସ (CSK) କୁ ଧନ୍ୟବାଦ ଜଣାଇବା ପାଇଁ ଏକ ବିଶେଷ ନୋଟ୍ ମଧ୍ୟ ଲେଖିଛନ୍ତି ।

Also Read

ନବୀନଙ୍କୁ ବିରୋଧୀ ଦଳ ନେତା ଜୟନାରାୟଣଙ୍କ କଟାକ୍ଷ...କହିଲେ ଏହା ‘ କିଣା ଆୱାର୍ଡ ’

Read More

Today Gold Price - 6th Sep.: ବୃଦ୍ଧି ପାଇଲା ସୁନା ଦର, ଜାଣନ୍ତୁ, ଆଜି କେତେ ଅଛି ସୁନାର ଦାମ୍

Read More

ପ୍ରେସମିଟ୍‌ରେ ଭାବବିହ୍ୱଳ କୋହଲି, କହିଲେ ଧୋନି ହିଁ ମୋର..

Read More

ସେ ଟ୍ୱିଟ୍‌ କରି ଲେଖିଛନ୍ତି ଯେ, ‘ଆମ ଦେଶ ତଥା ୟୁପି ପାଇଁ ପ୍ରତିନିଧିତ୍ୱ କରିବା ମୋ ପାଇଁ ଏକ ଗର୍ବର ବିଷୟ। ସମସ୍ତ ପ୍ରକାର କ୍ରିକେଟ୍‌ରୁ ମୋର ଅବସର ଘୋଷଣା କରିବାକୁ ଚାହୁଁଛି । ମୋର ଦକ୍ଷତା, ମୋ ଉପରେ ବିଶ୍ୱାସ ଓ ମତେ ସମର୍ଥନ କରିଥିବା ପାଇଁ ମୁଁ @BCCI, @UPCACricket, @ChennaiIPL, @ShuklaRajiv ସାର୍ ଏବଂ ମୋର ସମସ୍ତ ଫ୍ୟାନ୍ସଙ୍କୁ ଧନ୍ୟବାଦ ଦେବାକୁ ଚାହୁଁଛି।’

It has been an absolute honour to represent my country & state UP. I would like to announce my retirement from all formats of Cricket. I would like to thank @BCCI, @UPCACricket, @ChennaiIPL, @ShuklaRajiv sir & all my fans for their support and unwavering faith in my abilities 🇮🇳

— Suresh Raina🇮🇳 (@ImRaina) September 6, 2022

ସୋମବାର ରାଇନା ଟ୍ୱିଟର୍‌ରେ ଏକ ଭିଡିଓ ସେୟାର କରିଥିଲେ, ଯେଉଁଥିରେ ପୂର୍ବତନ CSK ଆଇକନ୍ ତଥା Mr IPL ନେଟ୍ ସେସନ୍‌ରେ ଦମଦାର ବ୍ୟାଟିଂ କରୁଥିବାର ଦେଖିବାକୁ ମିଳିଛି । ସେ କ୍ୟାପ୍ସନ୍‌ରେ ଲେଖିଛନ୍ତି ଯେ, ‘Growing each day in my happy place’ ଅର୍ଥାତ୍‌ ‘ମୁଁ ପ୍ରତିଦିନ ମୋ ପ୍ରିୟ ସ୍ଥାନରେ କିଛିକିଛି ନୂଆ ଶିଖୁଛି’।

Growing each day in my happy place 🏏❤️ pic.twitter.com/wJqOu1qWq8

— Suresh Raina🇮🇳 (@ImRaina) September 5, 2022

ପୂର୍ବରୁ ରାଇନା CSK ପାଇଁ ଅନେକ କିର୍ତ୍ତୀମାନ ସ୍ଥାପନ କରିବା ସହ ଆଇପିଏଲ ଟାଇଟଲ୍‌ ଜିତାଇଥିଲେ ମଧ୍ୟ ଆଇପିଏଲ ୨୦୨୨ରେ ଟିମ୍‌ ତାଙ୍କୁ ମେଗା ଅକ୍ସନରେ କିଣିନଥିଲା । ଏମିତିକି କୌଣସି ଫ୍ରାଞ୍ଚାଇଜ୍‌ ମଧ୍ୟ ରାଇନାଙ୍କୁ କିଣିନଥିଲେ । ଆଇପିଏଲ୍ କ୍ୟାରିୟରରେ ରାଇନା ୨୦୫ଟି ମ୍ୟାଚ୍ ଖେଳିଛନ୍ତି। ସେ ୫୫୨୮ ରନ୍ ସ୍କୋର କରିବାରେ ସଫଳ ହୋଇଥିଲେ।

ବିସିସିଆଇରୁ NOC ପାଇବା ପରେ ସୁରେଶ ରାଇନା ଦେଶ ତଥା ବିଦେଶର ବିଭିନ୍ନ ଲିଗରେ ଖେଳିପାରିବେ। ସେ ୟୁପିସିଏ(ଉତ୍ତରପ୍ରଦେଶ କ୍ରିକେଟ୍‌ ଆସୋସିଏସନ୍‌)ରୁ ଏନଓସି ନେଇଛନ୍ତି । ବିସିସିଆଇ ସଚିବ ଜୟ ଶାହା ଏବଂ ଉପାଧ୍ୟକ୍ଷ ରାଜୀବ ଶୁକ୍ଲାଙ୍କୁ ଏନେଇ ସୂଚନା ଦେଇଛନ୍ତି ସୁରେଶ ରାଇନା।

ସେପ୍ଟେମ୍ବର ୧୦ରୁ ସେ ସଡକ ସୁରକ୍ଷା ବିଶ୍ୱ ସିରିଜର ଏକ ଅଂଶ ମଧ୍ୟ ହେବେ ବୋଲି ରାଇନା ନିଶ୍ଚିତ କରିଛନ୍ତି। ସେ ଗତ ଏକ ସପ୍ତାହ ଧରି ଅଭ୍ୟାସ କରୁଛନ୍ତି। ଦକ୍ଷିଣ ଆଫ୍ରିକା, ଶ୍ରୀଲଙ୍କା ଏବଂ ୟୁଏଇର ଟି-୨୦ ଲିଗ୍ ପାଇଁ ତାଙ୍କୁ ଯୋଗାଯୋଗ କରାଯାଇଛି ବୋଲି ସୁରେଶ ରାଇନା ସୂଚନା ଦେଇଛନ୍ତି।