ବିରାଟ ଛାଡ଼ିଲେ, ରୋହିତ ହେଲେ ଭାରତର ନୂଆ ଅଧିନାୟକ

ନୂଆଦିଲ୍ଲୀ: ଏବେ ପଡ଼ିଆରେ ଚାଲିବ ରୋହିତ ରାଜ । ରୋହିତ ଶର୍ମା ଏବେ ନୂଆ କ୍ୟାପ୍‌ଟେନ୍‌ । ଭାରତୀୟ ଟି-୨୦ ଦଳର ନୂଆ ଅଧିନାୟକ ହେଲେ ଟି-୨୦ ସ୍ପେସାଲିଷ୍ଟ ରୋହିତ ଶର୍ମା । ବିରାଟ୍ କୋହଲି ଅଧିନାୟକତ୍ୱ ଛାଡ଼ିବା ପରେ ରୋହିତ ଶର୍ମା ମୁଣ୍ଡାଇଛନ୍ତି ଭାରତୀୟ ଟି-୨୦ ଦଳର ଭାର । ଏବେ ତାଙ୍କ ଅଧିନାୟକତ୍ୱରେ ଭାରତ ଟି-୨୦ ମ୍ୟାଚ୍‌ ଖେଳିବ । ଆଗାମୀ ନ୍ୟୁଜିଲାଣ୍ଡ ବିପକ୍ଷ ସିରିଜରେ ରୋହିତ ଶର୍ମା ଅଧିନାୟକ ଦାୟିତ୍ୱ ତୁଲାଇବେ । ସେହିଭଳି ଲୋକେଶ ରାହୁଲଙ୍କୁ ଉପ-ଅଧିନାୟକ ଦାୟିତ୍ୱ ଦିଆଯାଇଛି ।

Also Read

ଆଗପରି ନାହାନ୍ତି, ପୂରା ବଦଳି ଗଲେଣି ନବୀନ: ବିରୋଧୀ

ଜୀବନରେ କେବେ ସ୍କୁଲ ମାଟି ମାଡ଼ି ନାହାନ୍ତି ପଦ୍ମଶ୍ରୀ ତୁଳସୀ, ହେଲେ ମେଡିସିନାଲ ପ୍ଲାଣ୍ଟ ବିଷୟରେ ସବୁ ଜାଣନ୍ତି

ବର୍ଷକ ତଳେ ବାହାଘର ହୋଇଥିଲା, ଏବେ ନୂଆ ବୋହୂକୁ ମାରିଦେଲେ ଶାଶୂଘର ଲୋକେ

ଅନ୍ୟପଟେ ବିସିସିଆଇ ପକ୍ଷରୁ ନ୍ୟୁରଜିଲ୍ୟାଣ୍ଡ ବିପକ୍ଷ ସିରିଜ୍‌ ପାଇଁ ଟିମ୍‌ ଘୋଷଣା ହୋଇସାରିଛି । ଏହି ଟିମ୍‌ରେ ଋତୁରାଜ, ଶ୍ରେୟସ, ସୂର୍ଯ୍ୟକୁମାର, ଋଷଭ, ଇଶାନ୍‌ କିଶନ୍‌, ଭେଙ୍କଟେସ୍ ଆୟର୍, ୟୁଜବେନ୍ଦ୍ର ଚହଲ, ଆର୍‌ ଅଶ୍ୱିନ୍, ଅକ୍ସର ପଟେଲ, ଆଭିସ ଖାନ୍‌, ଭୁବନେଶ୍ୱର କୁମାର, ଦୀପକ ଚହର, ହର୍ସଲ ପଟେଲ, ମହମ୍ମଦ ସିରାଜଙ୍କୁ ସୁଯୋଗ ଦିଆଯାଇଛି । ଆସନ୍ତା ୧୭ରୁ ନ୍ୟୁଜିଲ୍ୟାଣ୍ଡ ବିପକ୍ଷରେ ୩ ମ୍ୟାଚ ବିଶିଷ୍ଟ ଟି-୨୦ ସିରିଜ ଖେଳିବ ଭାରତ ।

ଅନ୍ୟପଟେ ଆଜି ଭାରତୀୟ କ୍ରିକେଟ୍‌ ଦଳର କୋଚ୍ ରବି ଶାସ୍ତ୍ରୀଙ୍କ କାର୍ଯ୍ୟକାଳ ଶେଷ ହୋଇଛି । ‘ଭାରତୀୟ କ୍ରିକେଟ୍ ଟିମ୍ ସବୁ ଫର୍ମାଟରେ ଚାମ୍ପିଅନ୍‌ । ସାରା ବିଶ୍ୱରେ ଟିମ୍ ଇଣ୍ଡିଆର ଖ୍ୟାତି ରହିଛି । ସବୁ ଖେଳାଳି ପ୍ରତିଭାବାନ ।’ ଡ୍ରେସିଂ ରୁମରେ ବିଦାୟୀ କୋଚ୍ ରବି ଶାସ୍ତ୍ରୀ ଏପରି କିଛି କହି ଖେଳାଳିଙ୍କ ଦମ୍ଭ ବଢ଼ାଇଛନ୍ତି । ଟେଷ୍ଟ, ଦିନିକିଆ, ଟି-୨୦, ସବୁ ଫର୍ମାଟରେ ଟିମ୍ ଇଣ୍ଡିଆର ଭଲ ପ୍ରଦର୍ଶନ ରହିଛି । ଚଳିତ ବିଶ୍ୱକପ୍‌ରେ କିଛିଟା ଖରାପ ପ୍ରଦର୍ଶନ ହୋଇଥିଲେ ମଧ୍ୟ ତାହା କୌଣସି ପ୍ରଭାବ ପକାଇବ ନାହିଁ । ଆମେ ଅତୀତରେ କଣ କରିଛୁ ନଭାବି ଆଗକୁ କଣ କରିବା ତାହା ଟିମ୍‌ର ଭାଗ୍ୟ ନିର୍ଦ୍ଧାରଣ କରିବ ବୋଲି ଦୋହରାଇଥିଲେ ରବି ଶାସ୍ତ୍ରୀ ।

ଗତକାଲି ନାମିବ୍ୟା ବିପକ୍ଷରେ ବିଶାଳ ବିଜୟ ସହ ଭାରତର ଟି-୨୦ ବିଶ୍ୱକପ୍ ଅଭିଯାନ ଶେଷ ହୋଇଛି । ତାସହ ରବି ଶାସ୍ତ୍ରୀଙ୍କ ମୁଖ୍ୟ କୋଚ୍‌ କାର୍ଯ୍ୟକାଳ ସମାପ୍ତ ହୋଇଛି । ରବି ଶାସ୍ତ୍ରୀଙ୍କ ପରେ ତାଙ୍କ ସ୍ଥାନରେ ରହିବେ ଦଗ୍ରେଟ୍ ୱାଲ୍‌ ରାହୁଲ ଦ୍ରାବିଡ଼ ।

OTV is now on Whatsapp

Join and get latest news update delivered to you via whatsapp

Join Now