LIVE TV
ଆଇପିଏଲକୁ ପୁଣି ଫେରିଲେ ରାହୁଲ ଦ୍ରାବିଡ । ଦୀର୍ଘଦିନ ବ୍ୟବଧାନ ପରେ ଦ୍ରାବିଡ ପୁଣିଥରେ ତାଙ୍କ ପୁରୁଣା ଦଳ ରାଜସ୍ଥାନ ରୟାଲ୍ସରେ ଯୋଗ ଦେଇଛନ୍ତି । ପୂର୍ବରୁ ରାଜସ୍ଥାନ ରୟାଲ୍ସର ଅଧିନାୟକ ରହିଥିବା ରାହୁଲ ଦ୍ରାବିଡ ଆଇପିଏଲ ୨୦୨୫ ଆରମ୍ଭ ପୂର୍ବରୁ ଏହି ଫ୍ରାଞ୍ଚାଇଜ୍ର ମୁଖ୍ୟ କୋଚ୍ ଭାବେ ଯୋଗ ଦେଇଛନ୍ତି । ଦ୍ରାବିଡଙ୍କୁ ନେଇ ଦୀର୍ଘଦିନ ହେବ ଆଲୋଚନା ଜାରି ରହିଥିବାବେଳେ ଶୁକ୍ରବାର ଔପଚାରିକ ଭାବେ ରାଜସ୍ଥାନ ରୟାଲ୍ସ ପକ୍ଷରୁ ଘୋଷଣା କରାଯାଇଛି ।
Also Read
Rahul Dravid, India's legendary World Cup-winning coach, is set for a sensational return to Rajasthan Royals! 🇮🇳🤝
— Rajasthan Royals (@rajasthanroyals) September 6, 2024
The cricket icon was captured receiving his Pink jersey from the Royals Sports Group CEO Jake Lush McCrum. It is believed that the RR Admin was present too,… pic.twitter.com/C6Q8KRDFgW
ରାହୁଲ ଦ୍ରାବିଡ ୨୦୧୫ ପରେ ପ୍ରଥମ ପାଇଁ ରାଜସ୍ଥାନକୁ ଫେରିବେ । ସେ ୨୦୧୨ ଓ ୨୦୧୩ରେ ଆଇପିଏଲରେ ରାଜସ୍ଥାନର ନେତୃତ୍ୱ ନେଇଥିଲେ । ତେବେ ଦିଲ୍ଲୀ କ୍ୟାପିଟାଲ୍ସ ଆସିବା ପୂର୍ବରୁ ସେ ୨୦୧୪ ଏବଂ ୨୦୧୫ରେ ରାଜସ୍ଥାନର ମେଣ୍ଟର ଓ କ୍ରିକେଟ ନିର୍ଦ୍ଦେଶକ ଭାବେ କାର୍ଯ୍ୟ କରିଥିଲେ । ରାଜସ୍ଥାନ ରୟାଲ୍ସରେ ଯୋଗଦେବା ପରେ ରାହୁଲ ଦ୍ରାବିଡ କହିଛନ୍ତି, 'ମୁଁ ଅନେକ ବର୍ଷ ଧରି' ଘର 'ବୋଲି କହିଥିବା ଫ୍ରାଞ୍ଚାଇଜକୁ ଫେରି ବହୁତ ଖୁସି । ବିଶ୍ୱକପ ପରେ, ମୁଁ ଭାବୁଛି ମୋ ପାଇଁ ଅନ୍ୟ ଏକ ଚ୍ୟାଲେଞ୍ଜ ନେବା ପାଇଁ ଏହା ଉପଯୁକ୍ତ ସମୟ ।
ରାହୁଲ ଦ୍ରାବିଡଙ୍କ ବ୍ୟତୀତ କୁମାର ସାଙ୍ଗାକାରାଙ୍କ ସମର୍ଥନ ମଧ୍ୟ ରାଜସ୍ଥାନ ରୟାଲ୍ସ ସହିତ ରହିବ । ୨୦୨୨ ପରଠାରୁ ରାଜସ୍ଥାନ ଦଳ ସହ ଜଡିତ ଥିବା ସାଙ୍ଗାକା ଆସନ୍ତା ସିଜିନରେ ରାଜସ୍ଥାନର କ୍ରିକେଟ୍ ନିର୍ଦ୍ଦେଶକ ଭାବେ ଦାୟିତ୍ୱ ତୁଲାଇବେ । ଦୁଇ ମହାନ କ୍ରିକେଟରଙ୍କ ମିଶ୍ରଣ ରାଜସ୍ଥାନ ଦଳର ଭାଗ୍ୟ ବଦଳାଇବ କି ନାହିଁ ତାହା କେବଳ ସମୟ କହିବ। ରାଜସ୍ଥାନ ରୟାଲ୍ସ ଏହାର ସୋସିଆଲ ମିଡିଆ ଆକାଉଣ୍ଟ ଜରିଆରେ ରାହୁଲ ଦ୍ରାବିଡଙ୍କୁ ମୁଖ୍ୟ ପ୍ରଶିକ୍ଷକ ଭାବରେ ନିଯୁକ୍ତି ନେଇ ସୂଚନା ଦେଇଛି ।
Watch it till the end because yes, this is happening! 🔥💗 pic.twitter.com/yh5Ozz395E
— Rajasthan Royals (@rajasthanroyals) September 6, 2024
