ୱାଲ୍ଡ ଡ୍ୱାର୍ଫ ଗେମ୍ସରେ ସ୍ୱର୍ଣ୍ଣ ଜିତିଥିବା ପ୍ରଥମ ଭାରତୀୟ ହେଲେ ମାର୍କ ଧର୍ମାଇ

ପାରା ଅଲିମ୍ପିକ୍ ଆଥଲେଟ୍(Paralympic Athlete) ମାର୍କ ଧର୍ମାଇ ନିକଟରେ ଜର୍ମାନୀରେ ଆୟୋଜିତ ବିଶ୍ୱ ଡ୍ୱାର୍ଫ୍ ଗେମ୍ସରେ ସ୍ୱର୍ଣ୍ଣ ପଦକ ହାସଲ କରିଛନ୍ତି । ସେ boccia (ଡବଲ୍ସ) ଖେଳରେ ଏହି ସଫଳତା ହାସଲ କରିଛନ୍ତି । ବିଶ୍ୱ ଡ୍ୱାର୍ଫ୍ ଗେମ୍ସରେ ସ୍ୱର୍ଣ୍ଣ ଜିତିଥିବା ପ୍ରଥମ ଭାରତୀୟ ହୋଇ ମାର୍କ ଧର୍ମାଇ ଇତିହାସ ରଚିଛନ୍ତି । 

 ମାର୍କ ଧର୍ମାଇ କଠିନ ସ୍ଥିତିର ସମ୍ମୁଖୀନ ହୋଇ ଏହି ସଫଳତା ହାସଲ କରିଛନ୍ତି । ପ୍ରତିକୂଳ ପରିସ୍ଥିତିରେ ଥାଇ ବି ସେ ଭାରତକୁ ଗୌରାବାନ୍ୱିତ କରିଛନ୍ତି । ମାର୍କ ଧର୍ମାଇ(Mark Dharmai) ମୁମ୍ବାଇର ବାନ୍ଦ୍ରା ନିବାସୀ । World Dwarf Gamesରେ ସେ ଆଉ ଚାରୋଟି ପଦକ ଜିତିଛନ୍ତି । ଏହି ଟୁର୍ନାମେଣ୍ଟରେ ୨୨ ଟି ଦେଶର ୫୦୫ ଜଣ ଆଥଲେଟ୍ ଅଂଶଗ୍ରହଣ କରିଥିଲେ ।

ତାଙ୍କର ସଫଳତା ସମ୍ପର୍କରେ ଅବଗତ ହେବା ପରେ ମାର୍କ ନିୟମିତ ଅଭ୍ୟାସ କରୁଥିବା ବାନ୍ଦ୍ରା ଜିମଖାନ ତାଙ୍କୁ ସେଠାକାର ଆଜୀବନ ସଦସ୍ୟତା ପ୍ରଦାନ କରିଛି । ଅଳ୍ପ ବୟସରୁ ହିଁ ମାର୍କ ଧର୍ମାଇ କ୍ରୀଡା ପ୍ରତି ଆକର୍ଷିତ ହୋଇଥିଲେ । ୨୦୦୪ରୁ ପାରାଲିମ୍ପିକ୍ ଗେମ୍ସରେ ଅଂଶଗ୍ରହଣ କରିବା ପରେ ତାଙ୍କର ଉଲ୍ଲେଖନୀୟ ଯାତ୍ରା ଆରମ୍ଭ ହୋଇଥିଲା । ସେଥିରେ ସେ ୪୦୦ ମିଟର ଦୌଡ଼ରେ ବ୍ରୋଞ୍ଜ ପଦକ ହାସଲ କରିଥିଲେ ।

ବର୍ଷ ପରେ ବର୍ଷ କଠିନ ପରିଶ୍ରମ ବଳରେ ସେ ଖେଳ ଜଗତରେ ଅନେକ ମାଇଲଖୁଣ୍ଟ ହାସଲ କରିଛନ୍ତି । ୨୦୧୦ରେ କମନ ୱେଲ୍ଥ ଗେମରେ ୨୦୦ ମିଟର ଦୌଡ଼ରେ ସ୍ୱର୍ଣ୍ଣ ପଦକ ଏବଂ ୨୦୧୨ରେ ଲଣ୍ଡନ ପାରାଲିମ୍ପିକ୍ସରେ ୪*୪୦୦ ମିଟର ରିଲେ ରେସରେ ରୌପ୍ୟ ପଦକ ଜିତିଥିଲେ ।