LIVE TV
ଏସିଆ କପ୍ର ଭେନ୍ୟୁକୁ ନେଇ ବିବାଦ ଲାଗି ରହିଥିବା ବେଳେ ସମାଧାନର ବାଟ ବାହାର କରିଛି ପାକିସ୍ତାନ କ୍ରିକେଟ୍ ବୋର୍ଡ । ପାକିସ୍ତାନରେ ଏସିଆ କପ୍ ଖେଳାଯିବାକୁ ନେଇ BCCI ନାରାଜ୍ ଥିବା ବେଳେ ଭାରତର ମ୍ୟାଚ୍ ଗୁଡ଼ିକ ନିରପେକ୍ଷ ସ୍ଥାନରେ ଖେଳାଯିବ ବୋଲି ପିସିବି ସୂଚନା ଦେଇଛି । ତେବେ ଏସିଆ କପ୍ ଖେଳିବା ପାଇଁ ଭାରତ ପାକିସ୍ତାନ ଯିବ ନାହିଁ ।
୨୦୨୩ ସେପ୍ଟେମ୍ବର ପାକିସ୍ତାନରେ ଏସିଆ କପ୍ର ଆୟୋଜନ କରୁଛି । କିନ୍ତୁ ଭାରତ ନିଜ ମ୍ୟାଚ୍ ଗୁଡ଼ିକୁ ଅନ୍ୟ ଦେଶରେ ଖେଳିବ । ଟିମ୍ ଇଣ୍ତିଆର ମ୍ୟାଚ୍ ଗୁଡ଼ିକ ୟୁଏଇ, ଓମାନ, ଶ୍ରୀଲଙ୍କା ଓ ଇଂଲଣ୍ତରେ ଖେଳାଯାଇପାରେ । ସେପ୍ଟେମ୍ବରରେ ଟୁର୍ଣ୍ଣାମେଣ୍ଟ ଖେଳାଯିବାକୁ ଥିବାରୁ ସେତେବେଳେ ୟୁଏଇରେ ତାପମାତ୍ରା ୪୦ ଡିଗ୍ରୀ ପାଖାପାଖି ରହିଥାଏ । ତେବେ ମ୍ୟାଚ୍ ଇଂଲଣ୍ତରେ ଖେଳାଯିବାର ସମ୍ଭାବନା ରହିଛି । ନିରପେକ୍ଷ ସ୍ଥାନରେ ଭାରତ ଓ ପାକିସ୍ତାନର ଦୁଇଟି ମ୍ୟାଚ୍ ସହିତ ମୋଟ୍ ୫ଟି ମ୍ୟାଚ୍ ଆୟୋଜନ ହେବ ।
Also Read
ଏସିଆ କପ୍ରେ ମୋଟ୍ ୬ଟି ଟିମ୍ ଭାଗ ନେବେ । ସବୁ ଟିମ୍କୁ ଦୁଇଟି ଗ୍ରୁପ୍ରେ ଭାଗ କରାଯାଇଛି । ସମସ୍ତ ୬ ଦଳକୁ ନେଇ ୧୩ ଦିନରେ ୧୩ ମ୍ୟାଚ୍ ଖେଳାଯିବ । ପୂର୍ବ ନିୟମ ଅନୁଯାୟୀ, ଉଭୟ ଗ୍ରୁପ୍ର ଶ୍ରେଷ୍ଠ ଦୁଇ ଦଳ ସୁପର ୪ ତଥା ସେମିଫାଇନାଲ୍କୁ ଉନ୍ନୀତ ହେବେ ।
Presenting the @ACCMedia1 pathway structure & cricket calendars for 2023 & 2024! This signals our unparalleled efforts & passion to take this game to new heights. With cricketers across countries gearing up for spectacular performances, it promises to be a good time for cricket! pic.twitter.com/atzBO4XjIn
— Jay Shah (@JayShah) January 5, 2023
ଭାରତ-ପାକିସ୍ତାନ ଉଭୟ ଗୋଟିଏ ଗ୍ରୁପ୍ରେ ରହିଥିବା ବେଳେ ରୋମାଞ୍ଚକ ମ୍ୟାଚ୍ ନେଇ ଦର୍ଶକ ବେଶ୍ ଉତ୍ସାହିତ ରହିଛନ୍ତି । ଏହି ବର୍ଷ ଟୁର୍ଣ୍ଣାମେଣ୍ଟରେ ଭାରତ ଓ ପାକିସ୍ତାନ ମଧ୍ୟରେ ୩ଟି ମ୍ୟାଚ୍ ଖେଳାଯିବାର ସମ୍ଭାବନା ରହିଛି ।
