LIVE TV
ଦିନିକିଆ ବିଶ୍ୱକପ୍ ପାଇଁ ଭାରତ ଆସିବ ପାକିସ୍ତାନ କ୍ରିକେଟ ଦଳ। ତେବେ ବିଶ୍ୱକପ୍କୁ ନେଇ ପାକିସ୍ତାନ ଟିମ୍କୁ ମିଳିଛି ଆଶ୍ୱସ୍ତିକର ଖବର । ଦିନିକିଆ ବିଶ୍ୱକପ୍ ପାଇଁ ପାକିସ୍ତାନ ଦଳକୁ ଆଜି ଭାରତ ସରକାରଙ୍କ ପକ୍ଷରୁ ଭିସା ମିଳିଛି । ସୂଚନା ଅନୁସାରେ ସେପ୍ଟେମ୍ବର ୧୯ରେ ଭିସା ପାଇଁ ଆବେଦନ କରିଥିଲା ପିସିବି । ଆଜି ପାକିସ୍ତାନ କ୍ରିକେଟକୁ ଟିମ୍ ପାକିସ୍ତାନ ସହ ଆଫଗାନିସ୍ତାନକୁ ମଧ୍ୟ ଭିସା ମିଳିଛି । ଦିନିକିଆ ବିଶ୍ୱକପ୍ ପାଇଁ ପାକିସ୍ତାନ ଦଳ ୨୭ ସେପ୍ଟେମ୍ବରରେ ହାଇଦ୍ରାବାଦରେ ପହଞ୍ଚିବ। ଅର୍ଥାତ ଭାରତ ପହଞ୍ଚିବାକୁ ପାକିସ୍ତାନ ପାଖରେ ଆଉ ଦୁଇ ଦିନ ବାକି ଅଛି ।
ବାସ୍ତବରେ ଭିସା ପାଇବାରେ ବିଳମ୍ବ ହେତୁ ପାକିସ୍ତାନ କ୍ରିକେଟ ବୋର୍ଡ ଆଇସିସି ପାଖରେ ଅଭିଯୋଗ କରିଥିଲା। ଭିସା ବିଳମ୍ବ ହେତୁ ପାକିସ୍ତାନ ଦଳର ଅଭ୍ୟାସ ଉପରେ ପ୍ରଭାବ ପଡ଼ିପାରେ ବୋଲି ଆଇସିସି ନିକଟରେ ଅଭିଯୋଗ କରିଥିଲା ପିସିବି । ତେବେ ପାକିସ୍ତାନ ବୁଧବାର ହାଇଦ୍ରାବାଦରେ ପହଞ୍ଚିବା ପରେ ସେପ୍ଟେମ୍ବର ୨୯ରେ ପ୍ରଥମ ଅଭ୍ୟାସ ମ୍ୟାଚ୍ ଖେଳିବ। ଏହାପରେ ଅକ୍ଟୋବର ୬ରେ ନେଦରଲ୍ୟାଣ୍ଡ ବିପକ୍ଷରେ ନିଜର ବିଶ୍ୱକପ୍ ଅଭିଯାନ ଆରମ୍ଭ କରିବ ପାକିସ୍ତାନ ।
