ହକି ତାରକାଙ୍କ ଘରୁ ଚୋରି: ମେଡାଲ୍‌, ସୁନା ଅଳଙ୍କାର ସମେତ ମୂଲ୍ୟବାନ ସାମଗ୍ରୀ ଲୁଟ୍‌...

ଗୋଟିଏପଟେ ରାଜ୍ୟରେ ପୁରୁଷ ହକି ବିଶ୍ୱକପ୍‌ ମ୍ୟାଚ୍‌ ଚାଲିଥିବା ବେଳେ ଅନ୍ୟପଟେ ଭାରତୀୟ ହକି ଟିମ୍‌ର ପୂର୍ବତନ କ୍ୟାପଟେନ୍‌ଙ୍କ ଘରୁ ଚୋରି ହୋଇଥିବା ଅଭିଯୋଗ ହୋଇଛି। ଭୁବନେଶ୍ୱର ଓ ରାଉରକେଲାରେ ମ୍ୟାଚ୍‌ ଆୟୋଜନ ନେଇ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି। ହେଲେ ରାଜଧାନୀ ଭୁବନେଶ୍ୱରରେ ହକି ଟିମ୍‌ର ପୂର୍ବତନ କ୍ୟାପଟେନ୍ ପ୍ରବୋଧ ତିର୍କୀଙ୍କ ୟୁନିଟ୍-୬ ସ୍ଥିତ VR- ୮୬ ସରକାରୀ ବାସଭବନରୁ ଚୋରି ହୋଇଥିବା ଅଭିଯୋଗ ଆସିଛି। 

ଶୁକ୍ରବାର ରାତିରେ ଲୁଟେରାମାନେ ଦାମୀ ସାମଗ୍ରୀ ସହ ପ୍ରବୋଧଙ୍କ ଅନେକ ମେଡାଲ ଚୋରି କରି ନେଇଛନ୍ତି। ଘରେ କେହି ନଥିବାରୁ ସୁଯୋଗ ନେଇ ଲୁଟେରାମାନେ ପ୍ରବୋଧଙ୍କ ମେଡାଲ୍‌, ଟିଭି, କମ୍ପ୍ୟୁଟର ଓ ସୁନା ଅଳଙ୍କାର ସମେତ ମୂଲ୍ୟବାନ ଜିନିଷ ନେଇ ଯାଇଥିବା ଅଭିଯୋଗ ହୋଇଛି।

#ହକି_ତାରକାଙ୍କ_ଘରୁ_ଚୋରି

ଗୋଟିଏପଟେ ଚାଲିଛି ହକି ବିଶ୍ୱକପ୍‌, ସେପଟେ ହକି ତାରକାଙ୍କୁ ଘରୁ ଚୋରି...ମେଡାଲ୍‌, ସୁନା ଅଳଙ୍କାର ସମେତ ମୂଲ୍ୟବାନ ସାମଗ୍ରୀ ଲୁଟ୍‌...#Loot #Bhubaneswar #Odisha #Hockey pic.twitter.com/1D1uOIgr8Z

— ଓଟିଭି (@otvkhabar) January 22, 2023

ପ୍ରବୋଧଙ୍କ ବାପା, ମା ଓ ଭାଇ ବିଶ୍ୱକପ୍ ହକି ମ୍ୟାଚ ଦେଖିବା ପାଇଁ ରାଉରକେଲା ଯାଇଥିବା ବେଳେ ତାଙ୍କ ଘରୁ ଚୋରି ହୋଇଥିବା ଜଣାପଡ଼ିଛି। ଏନେଇ କ୍ୟାପିଟାଲ ଥାନାରେ ଲିଖିତ ଅଭିଯୋଗ କରାଯାଇଛି।