ଟି-ଟ୍ୱେଣ୍ଟି ବିଶ୍ୱକପ୍‌ରେ ଭାରତର ବିଜୟକୁ ନେଇ ଆସୁଛି ଫିଲ୍ମ, ଟାଇଟଲ ବି ଫାଇନାଲ..

ନୂଆଦିଲ୍ଲୀ: ଆଜି ୨୪ ସେପ୍ଟେମ୍ବର ଭାରତୀୟ କ୍ରିକେଟ୍‌ ଜଗତ ପାଇଁ ଏକ ବିଶେଷ ଦିନ । ୧୪ ବର୍ଷ ପୂର୍ବେ ଆଜିର ଦିନରେ, ଟିମ୍ ଇଣ୍ଡିଆ ଟି-୨୦ବିଶ୍ୱକପ୍‌ର ପ୍ରଥମ ବିଶ୍ୱ ଚାମ୍ପିଅନ୍ ହୋଇଥିଲା । ସେତେବେଳେ ମହେନ୍ଦ୍ର ସିଂ ଧୋନିଙ୍କ ଅଧିନାୟକତ୍ୱରେ ଭାରତ ଇତିହାସ ରଚିଥିଲା । ଏବେ ଏହି ସୁବର୍ଣ୍ଣ ସଫଳତା ଖୁବଶୀଘ୍ର ଏକ ଚଳଚ୍ଚିତ୍ର ରୂପରେ କ୍ରିକେଟ୍ ପ୍ରେମୀଙ୍କ ସମ୍ମୁଖକୁ ଆସିବ । ଭାରତର ଟି -୨୦ ବିଶ୍ୱକପ ବିଜୟର ୧୪ ବର୍ଷ ପୂରଣ ହେବା ଅବସରରେ ଲଣ୍ଡନ ସ୍ଥିତ ୱାନ ୱାନ ସିକ୍ସ ନେଟୱାର୍କ ଲିମିଟେଡ ଏହାର ପ୍ରଥମ ପ୍ରକଳ୍ପ 'ହକ ସେ ଇଣ୍ଡିଆ' ଫିଲ୍ପ ପ୍ରସ୍ତୁତ କରିବାକୁ ଘୋଷଣା କରିଛି । ଏହି ଫିଲ୍ମଟି ଭାରତୀୟ କ୍ରିକେଟ୍ ଦଳ ୨୦୦୭ର ହୋଇଥିବା ପ୍ରଥମ ଟି -୨୦ ବିଶ୍ୱକପ ଚାମ୍ପିୟନ କାହାଣି ଉପରେ ଆଧାରିତ ହେବ ।

ଏହି ଚଳଚ୍ଚିତ୍ର ପାଇଁ ୱାନ୍ ୱାନ୍ ସିକ୍ସ ନେଟୱାର୍କର ସିଇଓ ଗୌରବ ବାହିରୱାନି ଏବଂ ଲଣ୍ଡନ ସ୍ଥିତ ଷ୍ଟକ୍ ସ୍ପେଶାଲିଷ୍ଟ ଜୟଦୀପ ପାଣ୍ଡ୍ୟା ହାତ ମିଳାଇଛନ୍ତି । ମୁମ୍ବାଇର ନିର୍ଦ୍ଦେଶକ ସୌଗତା ଭଟ୍ଟାଚାର୍ଯ୍ୟ ଏହି ଚଳଚ୍ଚିତ୍ର ‘ହକ୍ ସେ ଇଣ୍ଡିଆ’ର ନିର୍ଦ୍ଦେଶନା ଦେବେ । ଚଳଚ୍ଚିତ୍ର ନିର୍ମାଣ କରୁଥିବା ଟିମ୍‌ର କହିବାନୁଯାୟୀ, ଏହି ବିଜୟ ସହିତ ଆଧୁନିକ ଯୁଗର କ୍ରିକେଟ୍‌ରେ ଭାରତ ରାଜ୍‌ କରିବାର ପ୍ରଥମ ସୋପାନ ଅତିକ୍ରମ କରିଥିଲା । ସେହି ସମୟଠାରୁ ଭାରତର ଜୋସ୍ ଆଉ କମି ନାହିଁ । ଏହି ଚଳଚ୍ଚିତ୍ରଟି OTT ପ୍ଲାଟ୍‌ଫର୍ମରେ ମୁକ୍ତିଲାଭ କରିବ । ଫ୍ୟାନ୍ସମାନେ ଏଥିରେ ଅନେକ ଅଜଣା କଥା ଦେଖିବାକୁ ପାଇବେ । ଏହି ଚଳଚ୍ଚିତ୍ରରେ ‘ଚକ ଦେ ଇଣ୍ଡିଆ’ର ଲୋକପ୍ରିୟ ମ୍ୟୁଜିକ୍‌ କମ୍ପୋଜର ସଲିମ-ସୁଲେମାନଙ୍କ ଗୀତ ମଧ୍ୟ ରହିବ ।

ବ୍ରିଟିଶ ନେଟୱାର୍କର ସିଇଓ ଆହୁରି ମଧ୍ୟ କହିଛନ୍ତି ଯେ, 'ହକ୍ ସେ ଇଣ୍ଡିଆ' ହେଉଛି ୨୦୦୭ ଟି-୨୦ ବିଶ୍ୱକପ୍ ଦଳର ହିରୋମାନଙ୍କ ଏକ ଉତ୍ସବ । ଏହି ବିଶେଷ ପ୍ରୋଜେକ୍ଟ ସହିତ ତାଙ୍କ ବଡ଼ ପରଦାରେ ଯାତ୍ରା ଆରମ୍ଭ ହେବାକୁ ଯାଉଛି । ଯେଉଁଥିପାଇଁ ସେ ବେଶ୍‌ ଉତ୍ସାହିତ । ଏହାସହ ଏହି ଟାଇଟଲ ଓ ଫିଲ୍ମ ଲୋକଙ୍କ ମନକୁ ବେଶ୍ ଛୁଇଁବ ବୋଲି ତାଙ୍କର ଆଶା ରହିଛି ।

Also Read

ଉଛୁଳୁଛି ସୁବର୍ଣ୍ଣରେଖା: ତଳିଆ ଅଂଚଳରେ ପଶିଲାଣି ପାଣି

ଓଡ୍ରାଫ୍ ବୋଟ୍ ଦୁର୍ଘଟଣା: ଓଟିଭିର ଚିଫ୍ ରିପୋର୍ଟର ଅରିନ୍ଦମ ଦାସଙ୍କ ଅକାଳ ବିୟୋଗ

୩ ଦିନ ପାଇଁ ସିଲ୍‌ ହେଲା ଭୁବନେଶ୍ୱର ଜୁଡ଼ିସିଆଲ କମ୍ପ୍ଲେକ୍ସ

'ହକ୍ ସେ ଇଣ୍ଡିଆ' ଦେଶର ଭାବନା

ଏହି ପ୍ରୋଜେକ୍ଟ ସହ ଜଡିତ ଜୟଦୀପ ପାଣ୍ଡ୍ୟା କହିଛନ୍ତି ଯେ, ୧୯୮୩ ପରେ କ୍ରିକେଟ୍‌ରେ ଏକ ବଡ ଟୁର୍ଣ୍ଣାମେଣ୍ଟ ଜିତିବା ପାଇଁ ଭାରତକୁ ୨୪ ବର୍ଷ ଅପେକ୍ଷା କରିବାକୁ ପଡିଥିଲା । ଆମେ ଆରମ୍ଭକୁ ଯାଇ ସେହି ପୁରୁଣା ଖେଳାଳିଙ୍କ ସହ କଥାବାର୍ତ୍ତା କରିବାକୁ ଚାହୁଁଥିଲୁ । ଯେଉଁମାନେ ଭାରତ ପାଇଁ ଗର୍ବି । ହକ୍‌ ସେ ଇଣ୍ଡିଆ ଆଜି ଭାରତର ଏକ ଭାବନା ।

ଧୋନିଙ୍କ ଅଧିନାୟକତ୍ୱରେ ଭାରତ ଟି -20 ବିଶ୍ୱକପ ଜିତିଥିଲା

ଧୋନିଙ୍କ ଅଧିନାୟକତ୍ୱରେ ଭାରତ ପ୍ରଥମ ଥର ପାଇଁ ୨୦୦୭ରେ ପାକିସ୍ତାନକୁ ପରାସ୍ତ କରି ଟି-୨୦ ବିଶ୍ୱକପ ଜିତିଥିଲା। ଏହି ବିଶ୍ୱକପ୍‌ରେ ଫାଇନାଲ ପୂର୍ବରୁ ଭାରତ ଲିଗ୍‌ ମ୍ୟାଚ୍‌ରେ ମଧ୍ୟ ପାକିସ୍ତାନକୁ ପରାସ୍ତ କରିଥିଲା । ଏହି ଟୁର୍ଣ୍ଣାମେଣ୍ଟରେ ଯୁବରାଜ ସିଂଙ୍କ ୬ ବଲ୍‌ରେ ୬ ଛକା ବୋଧ ହୁଏ କେହି ଭୁଲିପାରିବେ । କାରଣ ଯୁବରାଜ ସେତେବେଳେ ପ୍ରଥମ ଖେଳାଳି ଥିଲେ ଯିଏ ଗୋଟିଏ ଓଭରରେ ୬ ଛକା ମାରିଥିଲେ ।

OTV is now on Whatsapp

Join and get latest news update delivered to you via whatsapp

Join Now