LIVE TV
ଦୁବାଇ: କରୋନା କାରଣରୁ, ଆଇପିଏଲ୍ ୨୦୨୧ର ଦ୍ୱିତୀୟ ପର୍ଯ୍ୟାୟ ୟୁଏଇରେ ଆୟୋଜନ କରାଯାଇଥିଲା । କିନ୍ତୁ ଆଇପିଏଲ୍ ୨୦୨୨ ଭାରତରେ ହିଁ ଆୟୋଜନ କରାଯିବ । ଏନେଇ ବିସିସିଆଇ ସଭାପତି ସୌରଭ ଗାଙ୍ଗୁଲି ସୂଚନା ଦେଇଛନ୍ତି । ଅନ୍ୟପଟେ ଟି-୨୦ ବିଶ୍ୱକପ ୨୦୨୧କୁ ନେଇ ସେ କହିଛନ୍ତି, ଏଥର ଟିମ୍ ଇଣ୍ଡିଆ ବିଜୟ ପାଇଁ ଦାବିଦାର । ଟ୍ରଫି ଜିତିବା ପାଇଁ ଟୁର୍ଣ୍ଣାମେଣ୍ଟରେ ଦଳକୁ ଟିକିଏ ପରିପକ୍ୱତା ଦେଖାଇବା ଆବଶ୍ୟକ । ୨୪ ଅକ୍ଟୋବରରେ ପାକିସ୍ତାନ ବିପକ୍ଷରେ ଟି-୨୦ ବିଶ୍ୱକପରେ ଅଭିଯାନ ଆରମ୍ଭ କରିବ ଭାରତ । ୨୦୦୭ ପରଠାରୁ ଦଳ ଟ୍ରଫି ଜିତିବାରେ ସକ୍ଷମ ହୋଇନାହିଁ ।
ଏକ କାର୍ଯ୍ୟକ୍ରମରେ ପୂର୍ବତନ ଅଧିନାୟକ ସୌରଭ ଗାଙ୍ଗୁଲି କହିଛନ୍ତି ଯେ, ‘ଆଗାମୀ ଆଇପିଏଲ ଭାରତରେ ଆୟୋଜିତ ହେବ ମୁଁ ଆଶା ରଖିଛି । କାରଣ ଏହା ଏକ ଘରୋଇ ଟୁର୍ଣ୍ଣାମେଣ୍ଟ । ଦୁବାଇ ଏବଂ ଭାରତୀୟ ପରିବେଶରେ ଅନେକ ଏକ ପାର୍ଥକ୍ୟ ରହିଛି । ସେଠାରେ ଫ୍ୟାନ୍ସମାନେ ଖେଳ ପାଇଁ ପାଗଳ ।’ ସେ କହିଛନ୍ତି ଯେ, ଆସନ୍ତା ୭-୮ ମାସ ମଧ୍ୟରେ କରୋନାର ସ୍ଥିତି ସମ୍ପୂର୍ଣ୍ଣ ଭିନ୍ନ ଥିବ । ତେଣୁ ଆମେ ଫ୍ୟାନ୍ସରେ ଭରପୁର ଷ୍ଟାଡିୟମରେ ଆଇପିଏଲ୍ ଆୟୋଜନ କରିପାରିବା ।
Also Read
ଟି -୨୦ ବିଶ୍ୱକପ ସମ୍ପର୍କରେ ସେ କହିଛନ୍ତି, ‘ଦଳରେ ଅନେକ ପ୍ରତିଭା ରହିଛନ୍ତି । ରନ୍ କରିବା ଏବଂ ୱିକେଟ୍ ନେବା ପାଇଁ ତାଙ୍କ ପାଖରେ ଏକ ସେ ବଢ଼ କର ଏକ ଖେଳାଳି ରହିଛନ୍ତି । ବିଶ୍ୱକପ ଜିତିବା ପାଇଁ ସେମାନଙ୍କୁ ମାନସିକ ସ୍ତରରେ ଭଲ ସ୍ଥିତିରେ ରହିବାକୁ ହେବ । ସୌରଭ ଗାଙ୍ଗୁଲି କହିଛନ୍ତି ପ୍ରତ୍ୟେକ ମ୍ୟାଚ୍କୁ ଗୁରୁତ୍ୱର ସହ ଖେଳିବାକୁ ହେବ । ପରିସ୍ଥିତିକୁ ଦେଖି ଭାବିଚିନ୍ତି ଖେଳିବାକୁ ହେବ ଏବଂ ଆଗକୁ ଯିବାକୁ ହେବ । ଆରମ୍ଭରୁ ଟାଇଟଲ ଆଶା ରଖି ଖେଳିବା ଉଚିତ୍ ନୁହେଁ ।’
ଇଣ୍ଡିଆନ୍ ପ୍ରିମିୟର ଲିଗ୍ ଧାରାକୁ ଦେଖିଲେ ଗାଙ୍ଗୁଲି କମ୍ ସ୍କୋରର ଟି -୨୦ ବିଶ୍ୱକପ୍ ଆଶା କରୁଛନ୍ତି କି ? ଏହି ପ୍ରଶ୍ନର ଉତ୍ତରରେ ଗାଙ୍ଗୁଲି କହିଛନ୍ତି, 'ନା..ନା.. ମୁଁ ସେପରି ଭାବୁ ନାହିଁ । ଶାରଜାହରେ ୱିକେଟ୍ ପାଇଁ ବୋଡ ହୁଏ ଏମିତି ହୋଇପାରେ । କିନ୍ତୁ ଦୁବାଇରେ ଏପରି ହେବ ନାହିଁ ଯେଉଁଠାରେ ଆଇପିଏଲ୍ ଫାଇନାଲ ଖେଳାଯାଇଥିଲା । ସୌରଭ ଗାଙ୍ଗୁଲି କହିଛନ୍ତି ଯେ ଆବୁଧାବି ବ୍ୟାଟିଂ ପାଇଁ ବହୁତ ଭଲ ହେବ ଏବଂ ଏଥର ଜବରଦସ୍ତ ବିଶ୍ୱକପ୍ ଦେଖିବାକୁ ମିଳିବ । ୧୭ ଅକ୍ଟୋବରରୁ ଟି -୨୦ ବିଶ୍ୱକପ ଆରମ୍ଭ ହେଉଛି । ୧୬ଟି ଦଳ ମଧ୍ୟରେ ମୋଟ ୪୫ଟି ମ୍ୟାଚ୍ ଖେଳାଯିବ ।
