ବିଶ୍ୱକପ୍ ପରାଜୟ କ୍ଷତରେ ସାମାନ୍ୟ ମଲମ; ଅଷ୍ଟ୍ରେଲିଆକୁ ୨ ୱିକେଟରେ ହରାଇଲା ଭାରତ

ବିଶ୍ୱକପ୍ ପରାଜୟର କ୍ଷତରେ ସାମାନ୍ୟ ମଲମ ଦେଲା ଟି-ଟ୍ୱେଣ୍ଟି ବିଜୟ । ଟି-ଟ୍ୱେଣ୍ଟି ସିରିଜର ପ୍ରଥମ ମ୍ୟାଚରେ ଆଜି ବାଜି ମାରିଛି ଭାରତ । ଅଷ୍ଟ୍ରେଲିଆକୁ ୨
ୱିକେଟରେ ଭାରତ ପରାସ୍ତ କରିଛି । ଭାରତ ଆଜି ପ୍ରଥମେ ଟସ୍ ଜିତି ଫିଲଡିଂ କରିଥିଲା । ନିର୍ଦ୍ଧାରିତ ୨୦ ଓଭରରେ ଅଷ୍ଟ୍ରେଲିଆ ୩ ୱିକେଟ ହରାଇ ୨୦୮ ରନ୍ କରିଥିଲା । ଭାରତ ପକ୍ଷରୁ ପ୍ରସିଦ୍ଧ କ୍ରିଷ୍ଣା ଓ ରବି ବିଷ୍ଣୋଇ ଗୋଟିଏ ଲେଖାଏଁ ୱିକେଟ ନେଇଥିଲେ ।

୨୦୯ ରନର ବିଜୟ ଲକ୍ଷ୍ୟ ନେଇ ପଡ଼ିଆକୁ ଓହ୍ଲାଇଥିବା ଭାରତ ଗୋଟିଏ ବଲ୍ ବାକି ଥାଇ ୮ ୱିକେଟରେ ଟାର୍ଗେଟ ହାସଲ କରିନେଇଥିଲା । ଧୂଆଁଧାର ବ୍ୟାଟିଂ କରି ସର୍ବାଧିକ ୮୦ ରନ୍ କରିଥିଲେ ସୂର୍ଯ୍ୟକୁମାର ଯାଦବ ଏବଂ ୫୮ ରନ କରିଥିଲେ ଇଶାନ୍ କିଶାନ । ଶେଷରେ ମ୍ୟାଚ୍‌ ଫିନିସ୍‌ କରିଥିଲେ ରିଙ୍କୁ ସିଂ । ଆଇପିଏଲ୍‌ରେ ଯେଉଁଭଳି ଛକା ମାରି ମ୍ୟାଚ୍‌ ଜିତାଉଥିଲେ । ଠିକ୍‌ ସେହିପରି ଆଜି ଶେଷ ବଲ୍‌ରେ ୧ ରନ୍‌ ଥିବା ବେଳେ ୬ ମାରି ମ୍ୟାଚ୍‌ ଜିତାଇଥିଲେ ।