ବାଂଲାଦେଶ ବିପକ୍ଷରେ ଭାରତର ରନ୍ ବର୍ଷା; ୬ ୱିକେଟ୍ ହରାଇ କଲା ୨୯୭ ରନ୍

ବାଂଲାଦେଶ ବିପକ୍ଷ ଟି-ଟ୍ବେଣ୍ଟି ସିରିଜର ଶେଷ ମ୍ୟାଚରେ ଭାରତର ରନ୍ ବର୍ଷା। ୬ ୱିକେଟ୍ ହରାଇ ଟିମ୍ ଇଣ୍ଡିଆ ଆଜି ରେକର୍ଡ ୨୯୭ ରନ୍ କରିଛି । ଅନ୍ତର୍ଜାତୀୟ ଟି-ଟ୍ବେଣ୍ଟିରେ ଭାରତର ସର୍ବାଧିକ ସ୍କୋର୍ ବୋଲି କୁହାଯାଉଛି । ଟେଷ୍ଟ ଖେଳୁଥିବା ରାଷ୍ଟ୍ରଙ୍କ ମଧ୍ୟରେ ଏହା ହେଉଛି ସର୍ବାଧିକ ଇନିଂସ ସ୍କୋର। 

ଭାରତୀୟ ଇନିଂସରେ ସର୍ବାଧିକ ୨୨ ଛକାର ରେକର୍ଡ ରହିଥିବାବେଳେ ୨୫ଟି ଚୌକା ସହ ସର୍ବାଧିକ ବାଉଣ୍ଡରୀର ଆଉ ଏକ ରେକର୍ଡ ହୋଇଛି। କୌଣସି ଟି-୨୦ ଇନିଂସରେ ମୋଟ୍ ୪୭ ବାଉଣ୍ଡରୀ ସର୍ବାଧିକ। ତେବେ ୨୯୮ ରନର ବିଜୟ ଲକ୍ଷ୍ୟକୁ ପିଛା କରୁଥିବା ବାଂଲାଦେଶର ପ୍ରାରମ୍ଭିକ ବ୍ୟାଟିଂ ବିପର୍ଯ୍ୟୟ ଘଟିଛି। ପ୍ରଥମ ବଲରେ ପ୍ରଥମ ୱିକେଟର ପତନ ହୋଇଛି।