BCCI ର ନୂଆ ସ୍କିମ୍‌; କୋଟିପତି ହେବେ ଟେଷ୍ଟ କ୍ରିକେଟର, ମ୍ୟାଚ୍‌ ଫି’ ଛଡ଼ା ମିଳିବ ୪୫ ଲକ୍ଷ

ଟେଷ୍ଟ କ୍ରିକେଟରଙ୍କ ପାଇଁ ଖୁସି ଖବର। ଟେଷ୍ଟ କ୍ରିକେଟରଙ୍କୁ ପୋତ୍ସାହିତ କରିବା ଲାଗି BCCI ର ବଡ଼ ପଦକ୍ଷେପ। ମିଳିବ ଅଧିକ ଟଙ୍କାର ମ୍ୟାଚ୍‌ ଫି’। ଲକ୍ଷେ କି ଦୁଇ ଲକ୍ଷେ ନୁହେଁ, ମ୍ୟାଚ୍‌ ଫି’ ବ୍ୟତୀତ ସେମାନଙ୍କୁ ୪୫ ଲକ୍ଷ ଟଙ୍କା ଲେଖାଏ ପ୍ରୋତ୍ସାହନ ରାଶି ମଧ୍ୟ ମିଳିବ। ଇଂଲଣ୍ତ ବିପକ୍ଷ ଅନ୍ତିମ ଟେଷ୍ଟ ମ୍ୟାଚ୍‌ ବିଜୟ ପରେ BCCI ପକ୍ଷରୁ ଏହି ଘୋଷଣା କରାଯାଇଛି। ଏହାର ନାମ ‘ଟେଷ୍ଟ କ୍ରିକେଟ ଇନସେନଟିଭ୍‌ ସ୍କିମ’ ରଖାଯାଇଛି। ଅଧିକ ସଂଖ୍ୟକ ଟେଷ୍ଟ ମ୍ୟାଚ୍‌ ଖେଳୁଥିବା କ୍ରିକେଟରଙ୍କୁ ଏହି ପ୍ରୋତ୍ସାହନ ରାଶି ମିଳିବ।

ଏଣିକି ଧନୀ ହେବେ ଟେଷ୍ଟ କ୍ରିକେଟର। ମ୍ୟାଚ୍‌ ଫି ଛଡ଼ା ମିଳିବ ଇନସେନଟିଭ୍‌ ଟଙ୍କା। BCCI ର କହିବାନୁଯାୟୀ, ଗୋଟିଏ ସିଜିନରେ ଯଦି କୌଣସି ଖେଳାଳି ଭାରତ ପାଇଁ ୭୫%ରୁ ଅଧିକ ମ୍ୟାଚ୍‌ ଖେଳନ୍ତି, ତା’ହେଲେ ତାଙ୍କୁ ମ୍ୟାଚ୍‌ ଫି ସହ ଅତିରିକ୍ତ ୪୫ ଲକ୍ଷ ଟଙ୍କା ଲେଖାଏଁ ମିଳିବ। ବର୍ତ୍ତମାନ ବିସିସିଆଇ ଜଣେ ଖେଳାଳିଙ୍କୁ ପ୍ରତି ଟେଷ୍ଟ ମ୍ୟାଚ ପିଛା ୧୫ ଲକ୍ଷ ଟଙ୍କା ଲେଖାଏ ଦେଉଛି।

Also Read

ଚାକଚକ୍ୟ ଜୀବନର ସ୍ୱପ୍ନ ମାରୁଛି ଭବିଷ୍ୟତ, ଫସିଛନ୍ତି ଅନେକ ଭାରତୀୟ

Read More

ମଧ୍ୟାହ୍ନ ଭୋଜନରେ ଝିଟିପିଟି; ୧୧ ଛାତ୍ରଛାତ୍ରୀ ଅସୁସ୍ଥ

Read More

ସ୍ୱାମୀ-ସ୍ତ୍ରୀଙ୍କ ଭିତରେ ଲାଗୁଥିଲା ଝଗଡ଼ା, ସୁପାରୀ ଦେଇ ପୁଅକୁ ମାରିଦେଲା ବାପା

Read More

BCCI ର ଏହି ନୂଆ ସ୍କିମ୍‌ ୨୦୨୨-୨୩ ବର୍ଷ ଲାଗି ମଧ୍ୟ କାର୍ଯ୍ୟକାରୀ ହେବ। ଏହି ସ୍କିମ୍‌ ପାଇଁ ବିସିସିଆଇ ପ୍ରତି ସିଜନ୍‌ ପିଛା ଅତିରିକ୍ତ ୪୦ କୋଟି ଟଙ୍କା ଖର୍ଚ୍ଚ କରିବ। ସ୍କିମ ଅନୁଯାୟୀ, ଜଣେ ଜଣେ ଖେଳାଳି ଗୋଟିଏ ସିଜିନରେ ଭାରତ ପାଇଁ ୭୫%ରୁ ଅଧିକ ମ୍ୟାଚ୍‌ ଖେଳିବେ, ତା’ହେଲେ ତାଙ୍କୁ ମ୍ୟାଚ୍‌ ପିଛା ଅତିରିକ୍ତ ୪୫ ଲକ୍ଷ ଟଙ୍କା ଲେଖାଏ ମିଳିବ। ପ୍ଲେଇଙ୍ଗ ଇଲେଭେନ୍‌ ରହୁନଥିବା ଖେଳାଳିମାନଙ୍କୁ ମଧ୍ୟ ଅତିରିକ୍ତ ଭାବେ ୨୨.୫ ଲକ୍ଷ ଟଙ୍କା ଲେଖାଏ ମିଳିବ।

🚨 NEWS 🚨

BCCI is pleased to announce the initiation of the 'Test Cricket Incentive Scheme' for Senior Men, a step aimed at providing financial growth and stability to our esteemed athletes.

Details 🔽 #TeamIndia https://t.co/8XxHFuaY4U

— BCCI (@BCCI) March 9, 2024

ସ୍କିମରେ ଥିବା ବ୍ୟବସ୍ଥାରେ କୁହାଯାଇଛି ଯେ ଯଦି ଜଣେ ଖେଳାଳି ଗୋଟିଏ ସିଜିନରେ ୫୦%ରୁ କମ ମ୍ୟାଚ୍‌ ଖେଳନ୍ତି, ତାଙ୍କୁ ଏହି ଯୋଜନାରେ କୌଣସି ପ୍ରକାରର ପ୍ରୋତ୍ସାହନ ରାଶି ମିଳିବ ନାହିଁ। ଯଦି ଗୋଟିଏ ସିଜିନରେ ୯ଟି ମ୍ୟାଚ୍‌ ଆୟୋଜନ ହୁଏ ଓ ଜଣେ ଖେଳାଳି ୪ରୁ କମ ମ୍ୟାଚ୍‌ରେ ଭାଗ ନିଅନ୍ତି, ତା’ହେଲେ ତାଙ୍କୁ ଯୋଜନାରେ ସାମିଲ କରାଯିବ ନାହିଁ। ସେହିପରି ମୋଟ ୯ଟି ମ୍ୟାଚ୍‌ରୁ ୫ କିମ୍ବା ୬ଟି ମ୍ୟାଚ୍‌ ଅର୍ଥାତ ୫୦ ପ୍ରତିଶତରୁ ଅଧିକ ମ୍ୟାଚ୍‌ରେ ଚୂଡ଼ାନ୍ତ ଏକାଦଶରେ ଥିବା ଖେଳାଳିଙ୍କୁ ମ୍ୟାଚ ଫି’ ବ୍ୟତୀତ ଅତିରିକ୍ତ ୩୦ ଲକ୍ଷ ଟଙ୍କା ଲେଖାଏ ମିଳିବ। ଚୂଡ଼ାନ୍ତ ଏକାଦଶରେ ନଥିବା ଖେଳାଳିଙ୍କୁ ମଧ୍ୟ ୧୫ ଲକ୍ଷ ଟଙ୍କା ଲେଖାଏ ଦିଆଯିବ।

ଖେଳାଳିମାନଙ୍କୁ ଟେଷ୍ଟ କ୍ରିକେଟ ପ୍ରତି ଅଧିକ ଆକର୍ଷିତ କରିବା ପାଇଁ ବିସିସିଆଇ ପକ୍ଷରୁ ଏପରି ପ୍ରୋତ୍ସାହନ ସ୍କିମ ଘୋଷଣା କରାଯାଇଛି। ଟେଷ୍ଟ ଟିମକୁ ସେତେବେଳେ ଜଣେ ଖେଳାଳି ଆସିବେ ଯେତେବେଳେ ସେ ରଣଜୀ ଟ୍ରଫିରେ ସେ ରନ କରିବେ। ତେଣୁ ପରୋକ୍ଷରେ ବିସିସିଆଇ କ୍ରିକେଟମାନଙ୍କୁ ରଣଜୀ ଖେଳିବାକୁ ସଙ୍କେତ ଦେଇଛି। ନିକଟରେ ଶ୍ରେୟସ ଅୟର ଓ ଇଶାନ କିଶାନଙ୍କୁ BCCI ର ବାର୍ଷିକ ଚୁକ୍ତିରୁ ବାଦ ଦିଆଯାଇଛି। ସେମାନଙ୍କୁ ରଣଜୀ କ୍ରିକେଟ ଖେଳିବାକୁ ପରାମର୍ଶ ଦିଆଯାଇଛି।

OTV is now on Whatsapp

Join and get latest news update delivered to you via whatsapp

Join Now