LIVE TV
ଧୋନି ତାଙ୍କର କ୍ୟାରିଅର ଖରାପ କରିଛନ୍ତି ବୋଲି କହି ଗତ କିଛିଦିନ ବିବାଦରେ ରହିବା ପରେ ଆଜି ପୁଣି ଏକ ବଡ଼ ଅଭିଯୋଗ ଆଣିଛନ୍ତି ମନୋଜ ତିୱାରୀ । ସେ ଦାବି କରିଛନ୍ତି ଯେ, ଯଦି ସେ କୋଲକାତା ନାଇଟ୍ ରାଇଡର୍ସର ପୂର୍ବତନ ଅଧିନାୟକ ଗୌତମ ଗମ୍ଭୀରଙ୍କ ସହ ଝଗଡ଼ା ନ କରିଥାନ୍ତେ ତେବେ ତାଙ୍କୁ ଅଧିକ ଫାଇଦା ମିଳିଥାଆନ୍ତା ।
ଆଇପିଏଲ ଦଳ କେକେଆର୍ ସହ ଚୁକ୍ତି ଥିଲା ୨.୫ କୋଟିର । ଦଳ ଚାମ୍ପିଅନ ୨୦୧୨ ମସିହାରେ ହୋଇଥିଲା । ସେତେବେଳେ ଦଳର ଅଧିନାୟକ ଥିଲେ ଗୌତମ ଗମ୍ଭୀର । ମନୋଜଙ୍କ ଚୌକା ପାଇଁ କେକେଆର ଚାମ୍ପିଅନ ହୋଇଥିଲା । ଏଣୁ ସେ ୨୦୧୩ ସିଜିନ ମଧ୍ୟ ଖେଳିଥିଲେ । କିନ୍ତୁ ଏହି ସମୟରେ ତାଙ୍କର ଗୌତମଙ୍କ ସହ ଭୀଷଣ ଭାବେ ଝଗଡ଼ା ହୋଇଥିଲା । ଫଳରେ ୨୦୧୪ ସିଜିନରେ ତାଙ୍କୁ ଦଳରୁ ବାହାର କରି ଦିଆଯାଇଥିଲା ।
ଏହାକୁ ନେଇ ମନୋଜ କହିଛନ୍ତି, 'ଯେତେବେଳେ ମୋର ଚୁକ୍ତି ୨.୫ କୋଟିର ଥିଲା । ସେତେବେଳେ ମୋତେ ଦଳରୁ ବାହାର କରିଦେଲେ । ମୋର ସେତେବେଳର ହୋଇଥିବା କ୍ଷତି କାହାର ମଧ୍ୟ ନଜରକୁ ଆସିଲା ନାହିଁ । ଝଗଡ଼ା ନକରିଥିଲେ ହୁଏ ତ ମୋର ବ୍ୟାଙ୍କ ବାଲାନ୍ସ ଆଜି ଅଧିକ ଥାଆନ୍ତା ।'
Also Read
କୋଲକାତା ନାଇଟ୍ ରାଇଡର୍ସରେ ଗୌତମ ଗମ୍ଭୀରଙ୍କ ସହ ଖେଳିଥିବା ବଙ୍ଗଳାର ଅନ୍ୟତମ ଶ୍ରେଷ୍ଠ ବ୍ୟାଟର୍ ହେଲେ ମନୋଜ ତିୱାରୀ । ତିୱାରୀ ଗତ ୨୦୧୨ରେ କେକେଆର୍ ସହିତ ଏକ ପୂରା ସିଜନ ଖେଳିଥିଲେ । ଏହି ସିଜନରେ ସେ ହାରାହାରି ୨୬୦ ରନ୍ ସ୍କୋର କରିଥିଲେ ।
ସେ ସମୟରେ କେକେଆର ଅଧିନାୟକଙ୍କ ସହ ଏକ ବଡ଼ ଝଗଡ଼ା ହୋଇଥିଲା ବୋଲି ମନୋଜ କହିଛନ୍ତି । ସେ ସମୟରେ ଦଳର କ୍ୟାପଟେନ ଗୌତମ ଗମ୍ଭୀର ଥିଲେ । ଝଗଡ଼ା ହେବା ପଳରେ ତାଙ୍କୁ ୨୦୧୪ ସିଜନରେ ଦଳରୁ ବାହାର କରି ଦିଆଯାଇଥିଲା ବୋଲି ମନୋଜ ପ୍ରକାଶ କରିଛନ୍ତି ।
ଆଗାମୀ ଦୁଇ ତିନୋଟି ସିଜନ ଯଦି ସେ କେକେଆର୍ ତରଫରୁ ଖେଳି ଥାଆନ୍ତେ, ତେବେ ତାହା ତାଙ୍କ ପାଇଁ ବହୁ ଲାଭଦାୟକ ହୋଇଥାଆନ୍ତା ବୋଲି ତିୱାରୀ କହିଛନ୍ତି । ତେବେ ଉକ୍ତ ଝଗଡ଼ା କେବେ ବି ମିଡ଼ିଆ କି କୌଣସି ଲୋକଙ୍କ ସାମ୍ନାକୁ ଆସିଲା ନାହିଁ ବୋଲି ସେ କହିଛନ୍ତି ।
୨୦୧୨ ରେ KKR ଚାମ୍ପିଅନ୍ ହୋଇଥିଲା । ତେଣୁ ଆଉ ଗୋଟାଏ ବର୍ଷ KKR ପାଇଁ ଖେଳିବାର ସୁଯୋଗ ମିଳିଲା । ଯଦି ୨୦୧୩ ରେ ଗମ୍ଭୀରଙ୍କ ସହ ଝଗଡ଼ା ନହୋଇଥାଆନ୍ତା ତେବେ ଆଉ ଦୁଇ-ତିନି ବର୍ଷ ଖେଳିଥାନ୍ତି ବୋଲି କହିଛନ୍ତି ମନୋଜ ।
ଅନ୍ୟପଟେ ଗତକାଲି ଗଣମାଧ୍ୟମ ଆଗରେ ପ୍ରତିକ୍ରିୟା ଦେବା ବେଳେ ସେ ଧୋନିଙ୍କ ଉପରେ ମଧ୍ୟ ପ୍ରଶ୍ନ ଉଠାଇଥିଲେ । ତିୱାରୀ କହିଛନ୍ତି, ‘ଚେନ୍ନାଇରେ ୱେଷ୍ଟଇଣ୍ତିଜ୍ ବିପକ୍ଷରେ ୧୦୪ ନଟଆଉଟ୍ ଥାଇ ମଧ୍ୟ ତାଙ୍କୁ ପରବର୍ତ୍ତୀ ମ୍ୟାଚ୍ରୁ ଡ୍ରପ୍ କରାଗଲା । ମୋତେ ଯଦି କେବେ ସୁଯୋଗ ମିଳେ, ତେବେ ମୁଁ ଧୋନିଙ୍କୁ ଥରେ ପଚାରିବି, ମୁଁ ଶତକ ମାରିବା ସତ୍ତ୍ୱେ କାହିଁକି ଡ୍ରପ୍ କରାଗଲା । ମୁଖ୍ୟତଃ ସେତେବେଳେ ଅଷ୍ଟ୍ରେଲିଆ ବିପକ୍ଷରେ କୋହଲି, ରୋହିତ ଶର୍ମା ଓ ସୁରେଶ ରୈନା ଭଲ ପ୍ରଦର୍ଶନ କରିନଥିଲେ ।‘
ସେ ଆହୁରି କହିଛନ୍ତି, ‘ମୁଁ ଆଜି ଯାଏ ଟେଷ୍ଟ କ୍ୟାପ୍ ବି ପାଇନି । ଯେବେ କି ମୁଁ ୬୫ଟି ଫାଷ୍ଟ କ୍ଲାସ୍ କ୍ରିକେଟ୍ ଖେଳିସାରିଛି ଏବଂ ମୋର ଆଭରେଜ୍ ସ୍କୋର୍ ରହିଛି ୬୫ । ଅଷ୍ଟ୍ରେଲିଆ ଭାରତ ଗସ୍ତରେ ଆସିଥିବା ବେଳେ ଫ୍ରେଣ୍ତସିପ୍ ମ୍ୟାଚ୍ରେ ୧୩୦ ରନ୍ ଓ ଇଂଲଣ୍ତ ବିପକ୍ଷ ଫ୍ରେଣ୍ତସିପ୍ ମ୍ୟାଚ୍ରେ ୯୩ ରନ୍ କରିଥିଲି, କିନ୍ତୁ ସେମାନେ ମୋ ବଦଳରେ ଯୁବରାଜ ସିଂଙ୍କୁ ଚୟନ କରିଥିଲେ ।
ଯେତେବେଳେ ମୋ ମନୋବଳ ଦୃଢ଼ ଥିଲା, ସେତେବେଳେ ମୋ ଭିତରର ଭଲ ଖେଳାଳିକୁ ବର୍ବାଦ କରିଦିଆଯାଇଛି । ଏହାପଛରେ କିଏ, ମୁଁ ତାଙ୍କ ନାଁ ନେବାକୁ ଚାହୁଁନି । ଏବେ ଠିକ୍ ସମୟ ନୁହେଁ ସବୁକଥା କହିବାର ବୋଲି କହିଛନ୍ତି ମନୋଜ ।
