LIVE TV
କମନୱେଲ୍ଥ ଗେମ୍ସ ଟେବୁଲ ଟେନିସ ଉଭେଣ୍ଟର ଦ୍ୱିତୀୟ ରାଉଣ୍ଡରେ ପ୍ରବେଶ କଲେ ଦୁଇ ଭାରତୀୟ ମହିଳା ଖେଳାଳି । ପ୍ରଥମ ମ୍ୟାଚରେ ତେଲେଙ୍ଗାନାର ଶ୍ରେଜା ଆକୁଲା ଦକ୍ଷିଣ ଆଫ୍ରିକାର ଦାନିଶା ପଟେଲଙ୍କୁ ସିଧାସଳଖ ୧୧-୫, ୧୧-୩, ୧୧-୬ ସେଟରେ ପରାସ୍ତ କରି ଦ୍ୱିତୀୟ ରାଉଣ୍ଡରେ ପ୍ରବେଶ କରିଛନ୍ତି । ସେହପିର ଅନ୍ୟ ଏକ ମ୍ୟାଚରେ ଦକ୍ଷିଣ ଆଫ୍ରିକାର ମେରିକ୍ୟୁ ଏଲାମଙ୍କୁ ସିଧାସଳଖ ୧୧-୫, ୧୧-୩, ୧୧-୨ ସେଟରେ ପରାସ୍ତ କରି ଦ୍ୱିତୀୟ ରାଉଣ୍ଡରେ ପ୍ରବେଶ କରିଛନ୍ତି । ଭାରତର ଟେବୁଲ ଟେନିସ ସେନସେସନ ମନିକା ବାତ୍ରା । ମୋନିକା ଏହି ମ୍ୟାଚର ଆରମ୍ଭରୁ ହିଁ ଦମଦାର ପ୍ରଦର୍ଶନ କରି ଏଲାମଙ୍କ ଉପରେ ଚାପ ପକାଇଥିଲେ । ପରେ ଦୁଇଟି ସେଟ୍କୁ ସେ ସହଜରେ ଜିତି ନେଇଥିଲେ ।
ଇଂଲଣ୍ଡର ବର୍ମିଂହାମ୍ରେ ଉଦ୍ଘାଟିତ ହୋଇଛି ରାଜ୍ୟଗୋଷ୍ଠୀ କ୍ରୀଡ଼ା । ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ସହ ରାଜ୍ୟଗୋଷ୍ଠୀ କ୍ରୀଡ଼ା ଉଦ୍ଘାଟିତ ହୋଇଛି । ଭାରତୀୟ ସମୟ ରାତି ୧୧ଟା ୩୦ରେ ଆରମ୍ଭ ହୋଇଥିବା ଏହି ବର୍ଣ୍ଣାଢ୍ୟ ଉତ୍ସବରେ ୭୨ ଦେଶର କ୍ରୀଡ଼ାବିତ୍ ଓ ଅଧିକାରୀ ଅଂଶଗ୍ରହଣ କରିଥିଲେ । କ୍ରୀଡ଼ାଗ୍ରାମରେ ଉଡ଼ିଥିଲା ତ୍ରିରଙ୍ଗା । ଭାରତୀୟ ପୁରୁଷ ହକି ଦଳର ଅଧିନାୟକ ମନପ୍ରୀତ ସିଂହ ଓ ବ୍ୟାଡମିଣ୍ଟନ ତାରକା ପି.ଭି. ସିନ୍ଧୁ ତ୍ରିରଙ୍ଗା ଧରି ଭାରତୀୟ ଦଳର ନେତୃତ୍ୱ ନେଇଥିଲେ ।
Also Read
ଏହି ମହାସମର ୧୧ ଦିନ ଧରି ଚାଲିବ । ଭାରତ ପକ୍ଷରୁ ମୋଟ ୨୧୫ ଜଣିଆ ଶକ୍ତିଶାଳୀ ସ୍କ୍ୱାଡ୍ ଏଥିରେ ଅଂଶଗ୍ରହଣ କରି ୧୫ଟି କ୍ରୀଡ଼ାରେ ମେଡାଲ ପାଇଁ ଲଢ଼େଇ କରିବେ । ବ୍ୟାଡମିଣ୍ଟନ, ବକ୍ସିଂ, ମହିଳା କ୍ରିକେଟ୍, ଆଥଲେଟିକ୍ସ, ଜୁଡୋ, ରେସଲିଂ, ସ୍କ୍ୱାଶ୍, ସାଇକେଲିଂ, ଭାରୋତ୍ତୋଳନ, ହକି, ସ୍ୱିମିଂ ଏବଂ ଟେବୁଲ୍ ଟେନିସ ଭଳି କ୍ରୀଡାରେ ଭାରତୀୟ ଦଳ ସେମାନଙ୍କ ଶକ୍ତି ପ୍ରଦର୍ଶନ କରିବେ ।
ଏଥର ପ୍ରଥମ ଥର ପାଇଁ ଟି-ଟ୍ୱେଣ୍ଟି ମହିଳା କ୍ରିକେଟ୍କୁ ମଧ୍ୟ ସାମିଲ କରାଯାଇଛି । ୨୦୧୮ରେ ଅଷ୍ଟ୍ରେଲିଆର ଗୋଲ୍ଡ କୋଷ୍ଟରେ ହୋଇଥିବା ଶେଷ ସଂସ୍କରଣରେ ଭାରତ ୨୬ଟି ସ୍ୱର୍ଣ୍ଣ, ୨୦ଟି ରୌପ୍ୟ ଓ ୨୦ଟି ବ୍ରୋଞ୍ଚ ସହିତ ମୋଟ ୬୪ ପଦକ ପାଇ ତୃତୀୟ ସ୍ଥାନରେ ରହିଥିଲା ।
