Asian Games: ତୀରନ୍ଦାଜୀରେ ଭାରତକୁ ଆଉ ଏକ ସ୍ୱର୍ଣ୍ଣ

ଚୀନରେ ଚାଲିଥିବା ଏସୀୟ କ୍ରୀଡ଼ାରେ ଭାରତକୁ ଆଉ ଏକ ସ୍ୱର୍ଣ୍ଣ। ତୀରନ୍ଦାଜୀ କମ୍ପାଉଣ୍ଡ ଇଭେଣ୍ଟରେ ଭାରତୀୟ ପୁରୁଷ ଦଳ ସ୍ୱର୍ଣ୍ଣ ଜିଣିଛି। ପୁରୁଷ ଟିମ୍  କୋରିଆକୁ ହରାଇ ସ୍ୱର୍ଣ୍ଣ ହାସଲ କରିଛି । ଆଜି ସଖାଳେ ତୀରନ୍ଦାଜୀରେ ଭାରତୀୟ ମହିଳା ଦଳ ସ୍ୱର୍ଣ୍ଣ ଆଣିଥିଲା । ଏହାକୁ ମିଶାଇ ଏବେ ସୁଦ୍ଧା ଭାରତ ୮୪ ପଦକ ଜିଣି ତାଲିକାର ୪ର୍ଥ ସ୍ଥାନରେ ରହିଛି ଭାରତ । ସେମଧ୍ୟରେ ୨୧ ସ୍ୱର୍ଣ୍ଣ, ୩୧ ରୌପ୍ୟ ଓ ୩୨ ବ୍ରୋଞ୍ଜ ପଦକ ରହିଛି ।

ଅନ୍ୟପଟେ ଏସିଆନ୍ ଗେମ୍ସରେ ବଢିଚାଲିଛି ଭାରତର ମେଡାଲ ସଂଖ୍ୟା । ଶହେ ଆଡକୁ ଗତି କରୁଛି ଭାରତର ପଦକ ସଂଖ୍ୟା । ବର୍ତ୍ତମାନ ସୁଦ୍ଧା ଭାରତ ୮୪ ଟି ପଦକ ପାଇସାରିଛି । ଗତକାଲି ଏକାଦଶ ଦିନରେ ଭାରତକୁ ୩ଟି ସ୍ୱର୍ଣ୍ଣ ୫ଟି ରୌପ୍ୟ ଏବଂ ୪ଟି ବ୍ରୋଞ୍ଜ ପଦକ ମିଳିଥିଲା ।

ଜାଭେଲିନରେ ନୀରଜ ଚୋପ୍ରା ସ୍ୱର୍ଣ୍ଣପଦକ ଜିତିଥିବା ବେଳେ ତୀରନ୍ଦାଜୀରେ ଜ୍ୟୋତି ଭେନମ ଏବଂ ଓଜସ ଦେଓତଲେ ଏବଂ ୪ ଗୁଣା ୪୦୦ ମିଟର ରିଲେରେ ଅନସ, ଅମୋଜ, ଅଜମଲ ଓ ରାଜେଶ ଦେଶ ପାଇଁ ଗୋଲ୍ଡ ମେଡାଲ ଜିତିଛନ୍ତି । ଓଡିଆ ପୁଅ କିଶୋର ଜେନା ଜେଭେଲିନ୍ ଥ୍ରୋରେ ରୌପ୍ୟ ପଦକ ଜିତିଛନ୍ତି ।

ଆଜି ଏସିଆଡର ଏକାଧିକ ଇଭେଣ୍ଟରେ ଭାରତୀୟ ପ୍ରତିଯୋଗୀଙ୍କ ଲଢେଇ ରହିଛି, ତେଣୁ ପଦକ ସଂଖ୍ୟା ଆହୁରି ବଢିବା ଆଶା କରାଯାଉଛି। ଆଜି ସ୍କ୍ୱାସ ଏବଂ ବକ୍ସିଂରେ ଫାଇନାଲ ଲଢେଇ ରହିଛି । ସେହିପରି ବ୍ୟାଡମିଣ୍ଟନ ଏବଂ ମହିଳା ହକି ସେମିଫାଇନାଲରେ ପଦକ ପାଇଁ ମୁକାବିଲା କରିବେ ଭାରତୀୟ ପ୍ରତିଯୋଗୀ ।

ସେପଟେ ଉଭୟ ପଦକ ସଂଖ୍ୟା ଓ ସ୍ୱର୍ଣ୍ଣ ଜିତିବାରେ ରେକର୍ଡ କରିଛନ୍ତି ଭାରତୀୟ ଆଥଲେଟ୍ । ପ୍ରତିଯୋଗିତାର ଏକାଦଶ ଦିନ ସୁଦ୍ଧା ଭାରତ ଖାତାକୁ ଆସିଛି ମୋଟ ୧୮ଟି ସ୍ୱର୍ଣ୍ଣ ପଦକ । ସେହିଭଳି ୩୧ ରୌପ୍ୟ ଓ ୩୨ ବ୍ରୋଞ୍ଜ ସହ ମୋଟ୍ ପଦକ ସଂଖ୍ୟା ୮୧ ଛୁଇଁଛି । ଯାହାକି ଏସିଆଡରେ ଭାରତ ପାଇଁ ସର୍ବଶ୍ରେଷ୍ଠ ରେକର୍ଡ ।

୭୨ ବର୍ଷର ଇତିହାସରେ ପୂର୍ବ ସବୁ ସଫଳତାକୁ ଟପିଯାଇଛି ଭାରତ । ଏହା ପୂର୍ବରୁ ୨୦୧୮ ଜାକର୍ତ୍ତା ଏସିଆଡରେ 16ଟି ସ୍ୱର୍ଣ୍ଣ ସହ ମୋଟ ୭୦ଟି ପଦକ ଜିତିଥିଲେ ଭାରତୀ ଆଥଲେଟ୍ ।