ଗୁଜବକୁ ଖଣ୍ତନ କଲେ ଦାଦା, କହିଲେ ନୂଆ ଚାପ୍ଟର ମାନେ..

ବିସିସିଆଇ ସଭାପତି ପଦରୁ ସୌରଭ ଗାଙ୍ଗୁଲିଙ୍କ ଇସ୍ତଫା ଦେବା ନେଇ ଜାତୀୟ ଗଣମାଧ୍ୟମରେ ଚର୍ଚ୍ଚା ହେଉଥିଲା । ତେବେ ପରବର୍ତ୍ତୀ ଯୋଜନା ନେଇ ନିଜ ଟୁଇଟ୍‌ରେ ଗାଙ୍ଗୁଲି ଏନେଇ ସ୍ପଷ୍ଟ କରିଛନ୍ତି । କ୍ରିକେଟରେ ୩୦ ବର୍ଷ ପୂରଣ କରିଛି, ଆପଣଙ୍କ ସ୍ନେହଶ୍ରଦ୍ଧା ପାଇଛି ବୋଲି ଟ୍ୱିଟ୍‌ରେ ଉଲ୍ଲେଖ କରିଛନ୍ତି ଗାଙ୍ଗୁଲି । ଏବେ ନୂଆ କିଛି ପ୍ଲାନ କରୁଛି, ଭାବୁଛି ଅନେକ ଲୋକଙ୍କୁ ସାହାଯ୍ୟ କରିବ। ଜୀବନର ନୂଆ ଚାପ୍ଟର ଆରମ୍ଭ କରୁଛି, ଆପଣଙ୍କ ସହଯୋଗ ଦରକାର ବୋଲି ଗାଙ୍ଗୁଲି କହିଛନ୍ତି। 

'ମୁଁ ଇସ୍ତଫା ଦେଇନି', ବୋଲି କହିଛନ୍ତି ବିସିସିଆଇ ସଭାପତି ସୌରଭ ଗାଙ୍ଗୁଲି । ଏବେ ନୂଆ କିଛି ପ୍ଲାନ କରୁଛି, ଭାବୁଛି ଅନେକ ଲୋକଙ୍କୁ ସାହାଯ୍ୟ କରିବି ।ଜୀବନର ନୂଆ ଚାପ୍ଟର ଆରମ୍ଭ କରୁଛି, ଆପଣଙ୍କ ସହଯୋଗ ଆଶା ବୋଲି ନିଜ ଟୁଇଟର୍ ପେଜ୍‌ରେ ଲେଖିଛନ୍ତି ଦାଦା । ଏଭଳି ଟୁଇଟ୍ ପରେ ଗାଙ୍ଗୁଲି ବିସିସିଆଇ ସଭାପତି ପଦରୁ ଇସ୍ତଫା ଦେଇ ରାଜନୀତିରେ ପାଦ ଥାପିପାରନ୍ତି ବୋଲି ଚର୍ଚ୍ଚା ହେଉଥିଲା । ତେବେ ସେ ଗଣମାଧ୍ୟମରେ ପ୍ରତିକ୍ରିୟା ରଖି ସ୍ପଷ୍ଟ କରିଛନ୍ତି ଯେ, ମୁଁ କୌଣସି ଇସ୍ତଫା ଦେଇନି, ଏଭଳି ଖବର ଶୁଣି ମୁଁ ନିଜେ ଚକିତ । ନୂଆ ଚାପ୍ଟର କଥା ନେଇ ସେ ସ୍ପଷ୍ଟ କରିଛନ୍ତି ଯେ, ଗୋଟିଏ ନୂଆ ଏଜୁକେସନ ଆପ୍ ଲଞ୍ଚ୍ କରିବେ ।