ମିଳିଲାନି ପେଟ୍ରୋଲ, ଘୋଡ଼ାରେ ବସି ଫୁଡ୍‌ ଡେଲିଭରି କଲେ ଜୋମାଟୋ ବୟ..ଭିଡିଓ ଭାଇରାଲ

ନୂଆ ବର୍ଷରେ ପେଟ୍ରୋଲ ପମ୍ପରେ ଟ୍ରାଫିକ୍ ଜାମ୍ .. ଲମ୍ବା ଧାଡି । ନୂଆ କରି ହିଟ୍ ଆଣ୍ତ ରନ୍ ନିୟମ ପାଇଁ ପୂରା ଦେଶରେ ଟ୍ରକ ଡ୍ରାଇଭର ମାନଙ୍କର ଆନ୍ଦୋଳନ ଜାରି ରହିଛି । ଏହାକୁ ନେଇ ଦେଶବ୍ୟାପୀ ପେଟ୍ରୋଲ ପମ୍ପରେ ଭିଡ଼ ଦେଖିବାକୁ ମିଳିଛି । ସ୍ଥାନେ ସ୍ଥାନେ ଆମ୍ୱୁଲାନ୍ସ ମଧ୍ୟ ଅଟକି ରହିଛି । ଦେଶବ୍ୟାପୀ ଏହି ନିୟମ ବିରୋଧରେ ଟ୍ରକ ଡ୍ରାଇଭରମାନଙ୍କର ଆନ୍ଦୋଳନ ଜାରି ରହିଛି । ପେଟ୍ରୋଲ ନ ମିଳିବାରୁ ଜଣେ ଜୋମାଟୋ ଡେଲିଭରି ବୟଙ୍କ ଭିଡିଓ ଏବେ ସୋସିଆଲ୍‌ ମିଡିଆରେ ବେଶ୍‌ ଭାଇରାଲ ହେବାରେ ଲାଗିଛି ।

ପେଟ୍ରୋଲ ମିଳିଲାନି ବୋଲି ବାଧ୍ୟ ହୋଇ ଘୋଡ଼ା ଉପରେ ବସି ଫୁଡ୍‌ ଡେଲିଭରି କରିଛନ୍ତି ଏହି ଜୋମାଟୋ ବୟ । ଏହାର ଭିଡିଓ ଏବେ ବେଶ୍‌ ଭାଇରାଲ ହେବାରେ ଲାଗିଛି । ଏହି ଘଟଣା ହାଇଦ୍ରାବାଦରେ ଦେଖିବାକୁ ମିଳିଛି । ପେଟ୍ରୋଲ ପମ୍ପରେ ତେଲ ନ ମିଳିବାରୁ ସେ ଏଭଳି ଅଭିନବ ଉପାୟ ଆପଣାଇଥିବା କୁହାଯାଉଛି ।

Also Read

ଅଯୋଧ୍ୟାରେ ରାମ ମନ୍ଦିରକୁ ନେଇ ଦୁଃଖ ପ୍ରକାଶ କଲେ ରାମାୟଣର ସୀତା; କହିଲେ ଏମିତି…

Read More

ଟେଷ୍ଟରେ ୱାର୍ଣ୍ଣରଙ୍କ ବିରଳ ରେକର୍ଡ; ପ୍ରତି ୭ଟି ଇଂନିସରେ ଗୋଟିଏ ଶତକ

Read More

ଲୋୟର ସୁକତେଲ ଜଳସେଚନ ପ୍ରକଳ୍ପ ଲୋକାର୍ପିତ, ଲୋକାର୍ପଣ କଲେ ମୁଖ୍ୟମନ୍ତ୍ରୀ

Read More

ଭାଇରାଲ ହେଉଥିବା ଭିଡିଓରେ ହାଇଦ୍ରାବାଦର ଇମ୍ପରିଆଲ ହୋଟେଲ ସମ୍ମୁଖ ରାସ୍ତାରେ ଜଣେ ଜୋମାଟୋ ବୟ ଏକ ଘୋଡ଼ା ଗାଡ଼ିରେ ଫୁଡ୍‌ ଡେଲିଭରି କରିବାକୁ ନେଉଥିବା ଦେଖିବାକୁ ମିଳିଥିଲା । ଏ ନେଇ ସମ୍ପୃକ୍ତ ଜୋମାଟୋ ବୟଙ୍କୁ ରାସ୍ତାରେ ଜଣେ ଲୋକ ପଚାରିବାରୁ ସେ କହିଥିଲେ, ‘ଖାଦ୍ୟ ଅର୍ଡର ଧରି ବାହାରିବାର ୩ ଘଣ୍ଟା ପର୍ଯ୍ୟନ୍ତ ପେଟ୍ରୋଲ ପମ୍ପ ସମ୍ମୁଖରେ ଛିଡ଼ା ହେଲି । ମାତ୍ର ପେଟ୍ରୋଲ ମିଳିଲା ନାହିଁ । ସେଥିପାଇଁ ଘୋଡ଼ା ଧରି ଅର୍ଡର ଡେଲିଭରି କରିବାକୁ ବାହାରିଲି’ ।

#Hyderabadi Bolde Kuch bhi Kardete 😅
Due To Closure of #PetrolPumps in Hyderabad, A Zomato Delivery boy came out to deliver food on horse at #Chanchalgudaa near to imperial hotel.#Hyderabad #ZomatoMan #DeliversOnHorse#TruckDriversProtest pic.twitter.com/UUABgUPYc1

— Arbaaz The Great (@ArbaazTheGreat1) January 2, 2024

ହିଟ୍ ଏଣ୍ଡ ରନ୍ ସଂକ୍ରାନ୍ତ କଠୋର ଦଣ୍ଡାଦେଶକୁ ବିରୋଧ କରି ଦେଶର ବିଭିନ୍ନ ସ୍ଥାନରେ ପ୍ରତିବାଦ । ବିହାର, ପଞ୍ଜାବ, ମହାରାଷ୍ଟ୍ର, ମଧ୍ୟପ୍ରଦେଶ, ହିମାଚଳ ପ୍ରଦେଶ ଓ ଛତିଶଗଡରେ ଆନ୍ଦୋଳନକୁ ଓହ୍ଲାଇଛନ୍ତି ଡ୍ରାଇଭର । ଏଥିରେ ଅନେକ ଟ୍ୟାଙ୍କର ଡ୍ରାଇଭର ସାମିଲ ହୋଇଛନ୍ତି । ଏଥିଯୋଗୁ ତେଲ ନ ମିଳିବା ଆଶଙ୍କା ଦେଖାଦେଇଛି । ଏଥିପାଇଁ ପେଟ୍ରୋଲ ପମ୍ପ ଗୁଡିକରେ ଅସମ୍ଭବ ଭିଡ ଦେଖିବାକୁ ମିଳିଛି । ଡ୍ରାଇଭର ମାନଙ୍କ ଧର୍ମଘଟ ଯୋଗୁଁ ପାଟନାରୁ ପୁନେ ପର୍ଯ୍ୟନ୍ତ ବିଭିନ୍ନ ସ୍ଥାନରେ ଯାତ୍ରୀସେବା ପ୍ରଭାବିତ ହୋଇଛି । ନିକଟରେ ପାରିତ ହୋଇଥିବା ଭାରତ ନ୍ୟାୟ ସଂହିତାରେ ହିଟ୍ ଏଣ୍ଡ ରନ୍‌ରେ କଡା ଦଣ୍ଡାଦେଶ ବ୍ୟବସ୍ଥା ରହିଛି ।

ନୂଆ ଆଇନ୍ ଅନୁସାରେ ହିଟ୍ ଏଣ୍ଡ ରନ୍ ପାଇଁ ୧୦ ବର୍ଷ ପର୍ଯ୍ୟନ୍ତ ଜେଲ ଦଣ୍ଡ ସହ ୭ ଲକ୍ଷ ଟଙ୍କା ଫାଇନ୍ ଆଦାୟ କରାଯିବ । ଏତେ ପରିମାଣର ଟଙ୍କା ଡ୍ରାଇଭର ମାନେ କେଉଁଠୁ ଦେବେ ବୋଲି ସର୍ବଭାରତୀୟ ମୋଟର ଓ ଗୁଡସ ଟ୍ରାନ୍ସପୋର୍ଟ ଆସୋସିଏସନ ପକ୍ଷରୁ ପ୍ରଶ୍ନ କରାଯାଇଛି ।

OTV is now on Whatsapp

Join and get latest news update delivered to you via whatsapp

Join Now